انا هاكتب اللى يخطر على بالى , كلام ملخبط بس مفهوم اوى
الجو ساقعة
حرية يا اسطى ؟
معاك حمل كبير
الشيلة تقيلة اوى
مفيش مكان ...
الحوادث كتير
و كله بيروح هدر
معرفتش اخد حقى
عايز اجيب حقى
سواق بارد
يااااااااااااااه
مطرت اخيـراً
"رسالة" خير
مفيش اى حاجة
حاجة تطمن قلبى
تقول ان بكرة احسن
انا بكره العبودية
السواق ده قليل الأدب
قاللى انه هايوصلنى لبر الأمان
عملت كل اللى طلبه منى
بس مفيش بر أمان
الموج عالى اوى
ضحك عليا
انا جعان
بيقولوا عليه جدع
انا شايفه مجنون
مبارك مجنون
و مرسى مجنون
بس طنطاوى أجن منهم الاتنين
و السواق دة برضه مجنون
انا حر شايفه كدة
هو شايفنى راكب معاه ؟
هو مش شايف حد
و انا مش موجود اصلاً
كلهم زعلانين منى ؟
يتحرقوا
ماكانوش زعلانين اصلاً
كانوا بيلعبوا بيا
بس البلد متوترة
و الناس تايهة
كل يوم انفجار
بحر دم
العربية ماشية بالدم
الأزمات كتير اوى
نفس الوجوه بتتكرر
كل حاجة بتكرر
الا احنا
كل يوم بيتخطف منا واحد جديد
مش عارف فيه ايه
ايه كمية التطبيل و الفرحة دى
عايزينه يكمل الطريق
طب ليه ؟
و انا ليه مش حاسس بتغيير حاجة ؟
الثورة وحشانى اوى
و الميدان واحشنى اوى
بس الميدان قفلوه
عملوا قانون تظاهر علشان ما انزلش
حبسوا ناس كتير
الدنيا خربانة
اضرابات
الببلاوى مشى
و جابوا واحد زيه
انا هأعيط
او دايماً بعيط
اللى بيطبلوا على الفضائيات رخمين
و الحق مختفى
و المنافقين كتير
و الميدان وحشنى اوى
الدنيا برد اوى
الجاكت مش بيدفى
مش حابب البسه
بس لابسه
يمكن يدفى مع الوقت
يمكن انا اللى بردان اوى
بس الجو مش ساقعة
ايدى بتتجمد
اقول نعم ليه ؟
اهو عدى بنعم
استفدت ايه ؟
طيب اصلا ايه اللى حصل ؟
طيب
اتكلم .. ؟
ماليش نفس اتكلم
اتكلموا انتم ... ؟
تمرد مين ؟
ايه تمرد دى ؟
عزل رئيس
هايكافح الارهاب تفتكروا ؟
البلد تايهة
و احنا تايهين
بندور فى دايرة مقفولة
بس خلوا بالكو
احنا جدعان اوى
بس الطريق طول اووى اوووووووووووووى
طريق كله شقا
طريق موت
و انا مبحبش الشيكولاتة
فوضت ليه ؟
اه ..
مفيش حل تانى
الجوساقعة !!!
ليست هناك تعليقات:
إرسال تعليق