طبعا اونكل ظيظى حقق اهداف الثورة كلها
اولا عيش ,
الشغل مالى البلد و الفلوس كتير و الاسعار رخيصة و رغيف العيش بشلن و قطره نص متر , و المدارس نضيفة و المستشفيات زى الفل و كله تمام . مالكوش حجة .
ثانيا حرية ,
بتكتب اللى انت عايزه طول ما انت بتأيدنى , انت حبيبى , و اكمل جميلى معاك , بتعارضنى , خاف على نفسك بقى قتل و اعتقال و هاخلى الناس تقول عليك طابور خامس و اخوان , اما بالنسبة للميدان , ادينى قفلتلك ميدان التحرير و مش هاتدخله الا بمزاجى , عايز تنزل تعالى استأذن الأول اصلى عملتلك قانون تظاهر و الا هاتبقى طابور خامس و تستاهل اللى يجرى فيك .
ثالثا عدالة اجتماعية ,
أظن ماحدش له حجة عملنا حد ادنى و اقصى للأجور اهه , اينعم ما اتنفذش بس اتعمل و الحمد لله قضينا على كل الاضرابات لا فيه اضراب اطباء و لا سواقين و لا عمال و لا حاجة ابدا ,
و ما تنسوش زودتلكم من عندى هدية اريال الكفتة يعالج كل الامراض الموجودة و يعالجك قبل ما يجيلك المرض كمان و ايتها خودعة يا شعب
و يا شعبى الحبيب الصبور المهاود , انتم نور عينى علشان كدة نفذتلكم اهداف الثورة .
عبوكو كلكو
kanoun saksonia
ليست هناك تعليقات:
إرسال تعليق