مرحبا بكم في برنامج الأمور المستخبية في بلاد المهلبية ، و يستضيف البرنامج النهاردة رجل الساعة ، و المنبه و الولاعة ، الفشير زيزي و هانعرف منه هو ناوي علي إيه .
الفشير زيزي المشاهدين عايزين يعرفوا المرحلة الجاية فيها إيه ؟
فيها إرهاب
ممكن حضرتك تفسر أكتر ؟
و الله يعني ، أنا أما فوضوني ، فوضوني علشان أقضي علي الإرهاب ، بس ما كانش فيه إرهاب ، اسكت و اطنش ، و يسحبوا التفويض ،
لأ طبعا يا سيادة الفشير ، بس عايزين نعرف عملت إيه ؟
أنا لقيت الشعب بيشتكي إن فيه إرهاب في رابعة ، فأنا قلت بقي أفض الإعتصام و كل واحد يفجر عند بيته ، و طبعا الهدف طالما مفيش إرهاب يبقي أجيب الإرهاب علشان الناس تقتنع و بعدها أقضي عليه براحتي .
و قضيت عليه حضرتك ؟
ما هو دة إللي هايجنني ، مش عارف ، مش عارف أقضي عليه ، أنا عايز أروح عند أمي ، ودوني لأمي .
إهدي بس يا استاذ زيزي ، الشعب عايز يعرف إيه قصة جماعة بيت المجلس دي ، ممكن ؟
طبعا لازم الشعب يعرف كل حاجة ، جماعة بيت المجلس دي من الجماعات الإرهابية من إختراع أبانا علشان نلزق فيها كل حاجة ، و الناس تقول دة فيه إرهاب .
و يا تري مسكتوهم ؟
إيه الولية الغبية دي ؟ بقولك من إختراع أبانا ، نمسك هوا ؟ دة إيه دة ، ثم أنا مالي ، هما إللي قالولي إعمل كدة ، و أنا أما حد يقولي إعمل باعمل علي طول .
الفشير زيزي ، عايزين نعرف إيه حكاية ترشيحك للرئاسة ؟
بصراحة أنا ماكنتش ناوي أترشح ، بس نويت أترشح ، ناس قالولي بلاش ، و ناس قالولي ماشي ، فأنا قلت ألبس الأوميجا من غير كرسي ينفع ؟
لأ طبعا ما ينفعش يا سيادة الفشير
يبقي لازم الكرسي ، و بصراحة أنا لقيت الشعب لقطة ، و شعب زي دة بعد ما فوضني أجيبله إرهاب و تفجيرات و أقفل الشوارع و الميادين و محطات المترو ، و أعتقله و أقتله ، طبعا ما ينفعش أقصر معاه ، و لازم أكمل جميلي و أرشح نفسي .
بس إنت قلت مش هاترشح نفسك ؟
ما أنا مش هارشح ، هما إللي هايرشحوني ، و الشعب بينسي ، إذا كان نسي إني كنت مع طنطراوي و مع الاستبن ، هههههههههه
إمشي ياض برة الاستوديو ياض ، إمشي ياض لأسيب عليك كلاب الشارع ياض .
أنا عملت إيه بس ؟
إمشي ياض من قدامي .
أعزائي المشاهدين ميعادنا الحلقة الجاية ، مع المخترع العظيم ، بابا أوبح .
Kanoun saksonia
ليست هناك تعليقات:
إرسال تعليق