.jpg)
مزاد مزاد مزاد
بلد فى المزاد
اللى يقدر يسيطر
اللى ينهب اكتر
التكية فى المزاد
العزبة فى المزاد
بلد بحالها فى المزاد
مزاد مزاد مزاد
مين يزود
مين هايسرق ؟
مين هاينهب ؟
مين هايقتل الولاد ؟
بلد فى المزاد
مزاد مزاد مزاد
بلد لابسة اسود فى اسود
تقلع الاسود
تلبس الاسود
بلد ايامها حداد
بلد كانت ام الدنيا
كانت فى يوم
ام البلاد
مزاد مزاد مزاد
بلد فى المزاد
بلد شعبها طيب
اتعود على الاستكانة
بس شبابها قوى
و راكبه العناد
بلد عاشت فى قهر و ظلم
سنين طويلة
و لما فاقت
بقت تخرج من جلاد
لجلاد
مزاد مزاد مزاد
بلد فى المزاد
مين هايسرق ؟
مين هاينهب ؟
مين هايقتل الولاد ؟
خسارتك يا بلدى فى المزاد
kanoun saksonia
ليست هناك تعليقات:
إرسال تعليق