يا شعبي الحبيب الصبور المهاود
قرار ديكتاتوري رقم 70852 بعد النجاح الساحق للإستفتاء و التفويض و الركوب و الدلدلة و نشكر المنافقين اللى مظبطينا قررنا نحن
أولا تغيير السلام الجمهوري إلي
أما نعيمة نعمين .
ثانيا تغيير العملة من جنيه إلي عسكور و يكتب علي وجه منها هايترشح و الوجه الآخر مش هايترشح . و تبدأ قيمة العملة من نص عسكور إلي 500 عسكور ،
حد معاه فكة 100 عسكور ؟
ثالثا قررنا تنمية الثروة السمكية علي أحدث الطرق العالمية بطريقة علمني العوم و النبي يا أحمدو هذا لخلق فرص عمل للشباب و اهو يبقوا غرقوا و خلصنا ،
رابعا أما بخصوص الثروات المنهوبة ما تزعلوش الله جاب الله خد الله عليه العوض .
خامسا قررنا نحن الديكتاتور ظيظى حبس كل من يوسوس له الشيطان و ينزل يعارض ، لو عايز تأيد ماشي إنما تعارض عيب ما تعملش كدة تاني و النبي .
خامسا قررنا فتح باب التبرعات , و اللى مش عايز يتبرع هايتلسوع , و اللى ما حيلتوش الا الهدمة اللى عليه ييجى يسلمها فى وزارة الدفاع .
و تنشر هذه القرارات من ورا الشعب في الجريدة الرسمية للشفخانة .
حد ليه شوق في حاجة ؟
شعبي و أنا حر فيه ، أغسله و أكويه ، أفرده و أتنيه ، فى البحر ارميه أنا حر دة انتم نور عينيا .
Kanoun saksonia
ليست هناك تعليقات:
إرسال تعليق