بمناسبة الانتخابات و تحصين اللجنة العليا للانتخابات الرئاسية كان لنا هذا اللقاء
قبل بدء الانتخابات الرئاسية في مصر وسط جدل عميق حول شرعية الانتخابات خصوصا بعد تحصين اللجنة العليا و قراراتها و مخالفة هذا للدستور ,
و الرؤية الضبابية حول ماهية المرشحين ,
و لمعرفة حقيقة هذا الموضوع التقت أذاعة صوت الخيال باحد كبار المسؤولين عن العملية الانتخابية للاطلاع منه على وقائع الانتخابات :
المراسل : اهلا بك سيادة المسؤول , و أول سؤال لنا هو
هل تظن ان الانتخابات ستكون نزيهة ؟
المسؤول : شوف حضرتك المجلس العسكرى حريص على ان الانتخابات تكون نزيهة بس لما دورنا على نزيهة لقيناها يا حبة عيني اتجوزت و بقى عندها 3 عيال و مش فاضية
المراسل : جميل , وبعدين ؟
المسؤول : قلنا امرنا لله , بلاها نزيهة نجيب سليمة و نخلي الانتخابات سليمة لقيناها هي كمان اتجوزت و خلفت فقلنا ندور على واحدة ثانية
المراسل : طيب من الأخر يعنى .
المسؤول : مش هاطول عليك فضلنا ندور بين سليمة لنزيهة لكريمة لوجيهة , واخرها مالقيناش غير عقيمة هي اللي لسة عانس و ما اتجوزتش فتوكلنا على الله وعملنا اجتماع عاجل و اتفقنا اننا هانخليها انتخابات عقيمة
و بعدين ايه التمسك الغريب ده بالاسماء ؟ نزيهة , نزيهة ؟ سيبك من الاسماء وخليك فى الافعال و اهي انتخابات و خلاص مش هو دة اللى انتم عايزينه اى خدمة ؟ مش انتم عايزين ديموقراطية ؟ مش هاتفرق كتير نزيهة من عقيمة
kanoun saksonia
ليست هناك تعليقات:
إرسال تعليق