الأرملة الطروب

قصة جميلة و واقعية 

أرملة غنية جدا جوزها مات , و عندها عيال كتير , بعد ما مات اتجوزت واحد تانى , فضل سنين ينهب فى فلوسها هو و اهله اللى حواليه , 

بس ولادها بعد سنين فاقوا و صمموا يطلقوها منه بأى طريقة , و فعلا طلقوها منه 

و بعدها رفعوا عليه قضية علشان يستردوا فلوس امهم اللى نهبها هو و اهله , 

فكر فى حل زى الشيطان , جاب واحد من الناس اللى حواليه و اتفق معاه , انه يلعب على ولادها و يفهمهم انه بيكرهه و هايجيب حقوقهم منه , 

و رغم ان الولاد عارفين انه انسان وحش بس فعلا صدقوه و وافقوا انه يتجوز امهم فى مقابل انه يجيب حقوقهم , بس طلع انيل من اللى قبله , طلع ما بيحبش الا نفسه و اهله و عشيرته بس , و طلع عين الولاد و قتل منهم كتير , و نهب برضه فلوس امهم , 

الولاد تعبوا منه و شافوا منه الويل , و عايزين يطلقوها منه بأى طريقة , مالقوش قدامهم الا واحد كان شغال عند جوزها اللى فضل سنين ينهبها و كان برضه شغال عند جوزها اللى علم ولادها الأدب و قتلهم و كفرهم علشان يحمى سيده و ولى نعمته , 

قالهم انا هاخلصكم من الخروف اللى مطلع عينكم بس فوضونى , فوضوه و طلقها من الخروف اللى اتجوزها , و قالهم انا مش عايز حاجة من امكم , انا مجرد وقفت جنبكم علشان انتم نور عيونى ,

بس فهم اللعبة و فرق ولادها و عمل مشاكل بينهم لأنه عارف انهم لو اتحدوا عليه هايخلصوا منه , و فى الزحمة بعد ما خلصها لغى كل القضايا اللى كان ولادها رافعينها على جوزها الاولانى و خلاه ياخد فلوسها اللى نهبها و يتمتع بيها , بس هو عايز حقه فيها و نفسه ينهبها هو كمان و زهق انه يكون تابع , فضل يقتل و يحبس فى ولادها اللى مش موافقين عليه , و بيعارضوا جوازه من امهم من قبل ما يتقدم , عايز يتقدملها يوافقوا على طول , 

دلوقتى عايز يتجوزها فى مقابل انه خلصها و خلص ولادها من اللى كانوا فيه , بس هو ضحك عليها و عليهم و المشكلة ان فيه من ولادها صدقوه و وقفوا معاه ضد اخواتهم . 

المهم 

لسه الأم بتدور على عريس ابن حلال , و كل اللى بيتقدموا للأسف ولاد حرام . 

kanoun saksonia