الاثنين، 17 مارس 2014

يا بابا عسكر


يا ماما داخلية 
يا بابا عسكر 
عملتوا ليه فينا كدة ؟
انا عندى 3 حكايات 
ينفعوا للسيما روايات 
بدأوا بحلم جميل 
و ختمووووووووووووا بمعتقلات 
مبسوطة يا ماما داخلية 
مبسوط يا بابا عسكر 

طنطاوى 
طنطاوى نط و قام راكب 
زى الحلزون 
قالنا ايد واحدة 
بنسنتر 
جاب فينا 100 جون 
و يقتل فينا و يدب 
يرمينا مطرح ما يحب 

لو كانوا سألونا 
قبل ما يركبونا 
عارفين كنا نقول ايه ؟
كنا نقول اعتقونا 
طلعت عين اللى جابونا 
م الهم اللى احنا فيه 
م الهم اللى احنا فيه 
مبسوطة يا ماما داخلية 
مبسوط يا بابا عسكر 

مرسى 
سلمنا لمرسى بالنهضة 
موتنا من الجوع 
قال لينا و مفيش اى معارضة 
كسر فى ضلوع 
سلمنا لأهله و عشيرته 
و يسجن اللى يجيب سيرته 

لو كانوا سألونا 
قبل ما يركبونا 
عارفين كنا نقول ايه ؟
كنا نقول اعتقونا 
طلعت عين اللى جابونا 
م الهم اللى احنا فيه 
م الهم اللى احنا فيه 
مبسوطة يا ماما داخلية 
مبسوط يا بابا عسكر 

السيسى 
و أهو جالنا السيسى بتفويضه 
ودانا فى داهية 
بحكومة ببلاوى 
و بأيده هايجيب الناهية 
و يقول مش عايز ابقى رئيس 
و يملى السجن محابيس 
و عمل دستور 
و لا أحلى خابور 

لو كانوا سألونا 
قبل ما يركبونا 
عارفين كنا نقول ايه ؟
كنا نقول اعتقونا 
طلعت عين اللى جابونا 
م الهم اللى احنا فيه 
م الهم اللى احنا فيه 
مبسوطة يا ماما داخلية 
مبسوط يا بابا عسكر 
kanoun saksonia

ليست هناك تعليقات:

إرسال تعليق