سرحان عبد البصير
تفتكر المشير الظيظي هايترشح للرئاسة و لا مش هايترشح ؟
و الله يا بيه هو ممكن يترشح و ممكن لأ
أنا ما عنديش ممكن يا سرحان ، أنا عايز إجابة واضحة و قاطعة و محددة ، يا أبيض يا اسود ، اللون الرمادي أنا ما أحبوش .
نقول تاني ، تفتكر المشير ظيظي هايترشح و لا مش هايترشح ؟
إسود
بتقول إيه يا سرحان ؟
إسود يا بيه ، ماهي أيام سودة و مهببة و الراجل شوية هاترشح و شوية مش هاترشح ، جننا يا بيه ، بقينا نكلم نفسنا يا بيه .
جاوب يا سرحان جاوب يا ابني ما تخافش ،
أنا لو أعرف أقول علي طول ، أنا كان لازم آخد بالي ،
بتكتب إيه ؟
أنا إسمي مكتوب ؟
لأ
طيب
دة أنا غلبااااااان
سرحان عبد البصير ، هل أنت من مؤيدي ترشح المشير ظيظي للرئاسة ؟
و الله يا بيه أنا ما اعرفش بس أسمع إن إللي بيعارض بيقتلوه أو يحبسوه ، و دول ناس كبيرة يا بيه و إحنا مش قدهم و خايف يقولوا عليا إخوان يا بيه ، دة أنا بخاف من طنطاوي يطلعلي ظيظي ،
أبيض
أبيض إيه يا سرحان ؟
مؤيد يا بيه إحنا مش قد الحبس و المرمطة يا بيه ،
بتكتب إيه ؟
إسمي مكتوب ؟
لأ
طيب
دة أنا غلباااااان
يعني عايزه يترشح يا سرحان ؟
و الله يا بيه أنا شايف صوره في كل حتة ، افتح التليفزيون الاقيه في وشي ، أنزل الشارع الاقيه ، علي عمدان النور الاقيه ، علي الحيطان الاقيه ، بقيت أخاف أدخل الحمام الاقيه جوة يا بيه ، طبعا عايزه يترشح يا بيه ، عايزني أقول لأ تقتلوني ؟
يحيا الظيظي الحلو الجميل . لتقولوا عليا إخوان و تنفخوني يا بيه ، دة لسه السواد جاي يا بيه .
و أنا غلباااااان
يعني ما عندكش أي إعتراض يا سرحان ،
طيب طالما ما عندكش إعتراض ، ساكن ليه في عمارة فيها واحد مش موافق علي ترشح الظيظي ؟
يا بيه لو كل واحد عزل علشان تحتيه واحد بيعارض الظيظي ، البلد كلها هاتبات في الشارع .
أنا في حالي يا بيه و ماليش دعوة بحد
بتكتب إيه ؟
إسمي مكتوب ؟
طيب .
Kanoun saksonia
ليست هناك تعليقات:
إرسال تعليق