واحد كان مسافر و أما رجع لقي إبنه مستنيه في المحطة ، بيسأله إيه الأخبار ؟
فرد عليه قاله كله تمام ، بس عصاية المقشة الجديدة إتكسرت
المقشة الجديدة ؟ و إتكسرت إزاي دي ؟
أمي فضلت تضرب بيها البقرة لحد ما ماتت .
هيا البقرة كمان ماتت ؟ و أمك كانت بتضربها ليه ؟
علشان خبطت أخويا الصغير و موتته .
و كمان أخوك مات ؟ و إيه إللي و دي أخوك عند البقرة أصلا ؟
أصله خاف من النار بعد ما البيت إتحرق .
و البيت إتحرق ؟ إيه إللي حرق البيت ؟
العربية بتاعتك إللي كانت في الجراج ، كان التانك بتاعها مفتوح و انفجرت و النار مسكت في البيت .
كمان العربية إنفجرت ؟
طب الحمد لله إنها جت علي قد كسر عصاية المقشة .
فاكرين إنتخابات الرئاسة إللي فاتت ، نعصر لمون و لو وحش ننزل نعارضه .
تاني عايزين تكسروا عصاية المقشة و تشتركوا في نفس المسرحية ، تاني .
أهي عصاية المقشة إتكسرت .
هاتكسروها تاني ؟
Kanoun saksonia
ليست هناك تعليقات:
إرسال تعليق