ايه اعتراضكم على السيسى ؟

أجودعان , أجودعان ايه اعتراضكم على السيسى ؟

دة حتى اقرع و كيوت و جاذب للذباب قصدى للسيدات , 

الراجل زى الفل , اينعم ما بيعرفش بس ماشى اكيد فى يوم هايتعالج , ماهو عايز يبقى رئيس علشان العلاج يبقى على نفقة الدولة , 

الراجل زى الفل , كداب و ايه يعنى اما يكدب كدبتين تلاتة عشرة مش مشكلة يا جماعة الراجل زى الفل 

بيخلف وعوده و ايه يعنى يخلف 70 او 80 وعد ما تكبروش الامور انا ليا واحد صاحبى اخلف 90 وعد و لسه عايش الحمد لله 

مش عارف يحارب الارهاب , دة انتم ناس تافهة بصراحة , ارهاب ايه اللى انت جاى تقول عليه , انت عارف قبلا معنى الارهاب ايه , لما تتكلم عليه ارهاب ايه ايه , دة كله من دقنه و فتلو و الليلة بتاعة بعضياتها برضه و منه له . ما تكبروش الأمور يا جماعة

ناس بتتقتل فى الشوارع عادى مفيش مشكلة انا ليا واحد صاحبى نزل يجيب كيس ملح من البقال اللى تحت بيتهم و جاب كيس الملح و طلع سليم و ما اتقتلش , ما تطلعوش اشاعات , 

ناس بتتحبس ظلم , و اللى كانوا محبوسين حق طلعوا و طلع دول و دخل دول علشان السجون ما تبقاش فاضية , يا جماعة مش كدة . 

kanoun saksonia