اللى بيحصل دلوقتى فى موضوع انتخابات الرئاسة بيفكرنى بقصة تجنن
سكرتيرة اتصل بيها مدير الشركة و قالها انهم مسافرين باريس لمدة اسبوعين , فاتصلت بزوجها و بلغته انها مسافرة مع مدير الشركة باريس لمدة اسبوعين , زوجها اتصل بعشيقته و قالها ان زوجته مسافرة لمدة اسبوعين و انه عايزها تقضيهم معاه فى بيته , العشيقة بتشتغل مربية لطفل اتصلت بوالدة الطفل و بلغتها انها عندها ظروف و عايزة اجازة اسبوعين , والدة الطفل بلغته و اتصل بجده اللى هو مدير الشركة و قاله ان المربية واخدة اجازة اسبوعين و مش هاتيجى و عايز جده يقضى الاسبوعين معاه , جده لغى السفرية و بلغ السكرتيرة , السكرتيرة اتصلت بزوجها و بلغته ان السفرية اتلغت , زوجها اتصل بالعشيقة و قالها تفضل فى شغلها مش هاينفع لأن مراته مش مسافرة , العشيقة كلمت والدة الطفل و قالت انها مش هاتاخد اجازة , والدة الطفل بلغت ابنها اللى اتصل بجده و قاله خلاص المربية مش هاتاخد اجازة و انه يهتم بشغله , رجع جده اللى هو مدير الشركة و بلغ السكرتيرة ان السفرية فى ميعادها فازوجة اتصلت بزوجها و بلغته انها مسافرة , زوجها كلم عشيقته ........................ الخ الخ فاضيين و لا وراكم حاجة
الصورة دلوقتى واضحة فريقين بيلعبوا و الكورة البلد و الفريقين بيدوروا على مصلحتهم بس , كلاب بينهشوا فريسة سهلة و الخطة ماشية و روح البحر و ارجع عطشان .
و دلوقتى عايز اجابة :
افتح الشباك و لا اقفله ؟
kanoun saksonia
ليست هناك تعليقات:
إرسال تعليق