اصل الولية ام دجدج كانت بتدور على الاستقرار و عايزة تعرف البلد هاتستقر امتى , ايام حكم مرسى قالولها فوضى السيسى يا ام دجدج علشان يخلصنا من مرسى و جماعته الارهابية قامت ما صدقت و فوضت على طول , و لقت الارهاب فى كل حتة فى البلد و برضه مفيش استقرار ,
بعدها اما عرفت ان فيه دستور جديد نازل السوق 7 سيستم و عليه هدية محاكمات عسكرية للمدنيين , راحت للأستاذ بطاطا المحامى , ما هى عايزة تفهم برضه , كل ما تمشى فى حتة تلاقى يفط و اعلانات بتقولها يا ام قرنى قولى نعم و هيا مش فاهمة نعم على ايه , الاستاذ بطاطا بقى محامى أدرجى شوية و فاهم كل حاجة , قالها يا أم دجدج شوفى الفضائيات و تسمعى كلامها هاتلاقيها بتقولك قولى نعم علشان الاستقرار و علشان الاخوان ما يرجعوش تانى , الولية ام قرنى لطمت , يرجعوا تانى ايه يا بطاطا بيه دول بهدلونا , كل الفضائيات بتقول قولى نعم علشان مايرجعوش و عندهم حق , قولى نعم علشان الاستقرار , هاتستقرى يا ام دجدج , علشان عجلة الانتاج يا ام دجدج
قامت رايحة اللجنة و قالت نعم و فرحت اوى ان هايبقى فيه استقرار و رقصت بره اللجنة كمان , بس برضه نفس الحكاية لا مشيت عجلة الانتاج بعد الدستور و لا حصل استقرار و ضيف عليهم الارهاب و التفجيرات فى كل مكان .
ماشية فى الشارع لقت صورة السيسى فى كل حتة و على عمدان النور و على الكبارى و العمارات , روحت بتفتح التليفزيون لقت السيسى عايزينه رئيس على كل القنوات , و قال ايه لازم حاكم عسكرى علشان الاستقرار ,
الولية لطمت على وشها , و قالت لنفسها هو عمل ايه بالتفويض ؟ طب هو عمل ايه بالدستور ؟ طب عايزنى اؤيده بأمارة ايه ؟ و نكشت شعرها بقى و جالها استبحس بعيد عنكم ,
و بقت تمشى فى الشارع الشيشى رئيشى الشيشى رئيشى دة جاب الاشتقرار دة حارب الارهاب , دة نفذ وعده و ما اترشحش الشيشى رئيشى الشيشى رئيشى .
يا ولاد المجانين
يا ولاد المجانين
kanoun saksonia
ليست هناك تعليقات:
إرسال تعليق