اقتل كمان

اقتل كمان
و اسجن كمان
ارمى الشباب ورا الحيطان
فاكر انك بتحمى عرشك
فاكر انك هاتملا كرشك
و انت فى امان
دة انت جبان
بتقفل فى وش الناس كل البيبان
خليت القاتل ضحية
و المقتول نسيه الزمان
كل صرخة ام ابنها
مسجون و لا مات
كل حلم ببكرة
كان بيعدى من سكات
كل جنازة فيها تابوت
شايله تابوت
كل واحد شاف الظلم فى البيوت
كل واحد مات جعان
اقتل كمان
حط كله فى السجون
ازرع فى الناس الجنون
بكرة هاييجى الطوفان
اقتل و خلى فى كل بيت
و لو شهيد
كل شهيد دمه لعنة
هاتفضل تطاردك فى المنام
قول كلام
ورا كلام ورا كلام
بقت خلاص دولة حطام
طالق فيها كلابك
و الديابة
فى كل مكان
اقتل كمان