تم تسريب البرنامج الانتخابى للسيسى و هو يعدكم بحل خمس مشكلات تواجه الشارع المصرى
اولا : بالنسبة لانقطاع الكهرباء سيتم تعميم فكرة رئيس الحكومة فى كل محافظات الجمهورية و شعارنا فى المرحلة الجاية منع الجوزة لتوفير الفحم ,
ثانيا : اما بالنسبة لمشكلة الاسكان فسيتم توزيع الشقق مجانا على افراد الشعب , عن طريق قوافل متنقلة , لكل فرد امبول , عايزه عضل ماشى , عايزه وريد ما يضرش , كل مواطن حر فى شقته و له مطلق الحرية ياخدها فين . ها هاتاخدها فين ؟
ثالثا : بالنسبة لمشكلة انقطاع المياة المتواصل عن البيوت فسيتم التعامل بمبدأ
" علمنى العوم و النبى يا أحمد " . و بعد ما تتعلموا العوم , هانقلع الشعب كله ملط و نرميه البحر منها يشرب و يستحمى برضه ما يضرش اهو ندلعه شوية .
رابعا : للمشككين و العملاء و الخونة : السيسى قبل الأكل و بعده و ممكن فى وسط الأكل كمان . و رغم كدة مفيش حاجة اسمها رئيس عسكرى , دة رئيس ذو خلفية عسكرية استقال من كام يوم , شوفوا ازاى ؟ سحر بقى شغل ماجيك كفتة عبعاطى .
خامسا : اما بالنسبة للأموال المهربة اللى شاغلة الرأى العام فسيتم التعامل بحزم و بمبدأ " الله جاب , الله خد , الله عليه العوض "
و سمعنى سلااااااااااااااااااااااام كبير اوى و ادينى على قفايا و انا احبك أسيسى .
روبا بيكيا
ليست هناك تعليقات:
إرسال تعليق