تعرف إيه عن طلبة الجامعات في مصر يا واد يا بيكا ؟
أعرف انهم بيقولوا عليهم إرهابيين مدججين بجميع انواع الأسلحة و طالع حيلة أمه قائد القوات الخاصة علي صدي البلد يطلب سد العجز في الأسلحة لمواجهة طلبة الجامعات يا معلمي .
ما هو الداخلية بتضربهم بحي و خرطوش و قناصة بيضربوهم في دماغهم ، عايزين إيه تاني يا واد يا بيكا ؟
الظاهر عايزين طيران و مدافع هاون علشان مش قادرين ع الطلبة يا معلمي .
و بعد ما يخلصوا علي طلبة الجامعة يا واد يا بيكا ؟
هايلغوا سنة ستة و بعد سنة خامسة يدخلوهم الجامعة علشان يعوضوا العجز يا معلمي .
و هايعملوا الإمتحانات في الجامعة إمتي يا واد يا بيكا ؟
هو فيه أصلا جامعة ، لما يبقي فيه دراسة يبقوا يعملوا امتحانات يا معلمي .
طب و تفتكر ناويين علي إيه يا واد يا بيكا ؟
هايلغوا قانون مكافحة الإرهاب و هايعملوا قانون مكافحة الطلبة يا معلمي .
مين إللي قالك يا واد يا بيكا ؟
أنا الشعب يا معلمي .
روبا بيكيا
ليست هناك تعليقات:
إرسال تعليق