سرحان عبد البصير
تفتكر المشير السيسى هايكسب فى الانتخابات و لا لأ ؟
و الله يا بيه هو ممكن يكسب و ممكن لأ
أنا ما عنديش ممكن يا سرحان ، أنا عايز إجابة واضحة و قاطعة و محددة ، يا أبيض يا اسود ، اللون الرمادي أنا ما أحبوش .
نقول تاني ، تفتكر المشير ظيظي هايكسب و لا لأ ؟ ايموشن واحد مبرق عنيه
إسود
بتقول إيه يا سرحان ؟
إسود يا بيه ، ماهي أيام سودة و مهببة و الراجل منيل الدنيا يا بيه , ارهاب و رفع اسعار و الدنيا والعة يا بيه , ، جننا يا بيه ، بقينا نكلم نفسنا يا بيه مش عارف عايز ايه يا بيه .
جاوب يا سرحان جاوب يا ابني ما تخافش ،
أنا لو أعرف أقول علي طول ، أنا كان لازم آخد بالي ،
بتكتب إيه ؟
أنا إسمي مكتوب ؟
لأ
طيب
دة أنا غلباااااااااااااااااااااااااااااااااااااااااااااااااان
سرحان عبد البصير ، هل أنت من مؤيدي المشير السيسى ام الله يرحمك من معارضيه ؟
و الله يا بيه أنا ما اعرفش بس أسمع إن إللي بيعارض بيقتلوه أو يحبسوه و انا مش عايز آخد لقب مرحوم يا بيه ، و دول ناس كبيرة يا بيه و إحنا مش قدهم و خايف يقولوا عليا إخوان يا بيه اصل كل اللى بيعارض علشان قطع الكهربا و المية و الاسعار بقى اخوان يا بيه ، دة أنا بخاف من طنطاوي يطلعلي السيسى ،
أبيض يا بيه ابيض
أبيض إيه يا سرحان ؟
مؤيد يا بيه إحنا مش قد الحبس و المرمطة يا بيه و المرحومية ،
بتكتب إيه ؟
إسمي مكتوب ؟
لأ
طيب
دة أنا غلباااااااااااااااااااااااااااااااااااااان
يعني عايزه يكسب يا سرحان ؟
و الله يا بيه أنا شايف صوره في كل حتة ، افتح التليفزيون الاقيه في وشي ، أنزل الشارع الاقيه ، علي عمدان النور الاقيه ، علي الحيطان الاقيه ، بقيت أخاف أدخل الحمام الاقيه جوة يا بيه ، طبعا عايزه يكسب يا بيه ، عايزني أقول لأ تقتلوني و لا تعتقلونى ؟ دة انتم ناس مفترية يا بيه
يحيا السيسى الحلو الجميل . لتقولوا عليا إخوان و تنفخوني يا بيه ، دة لسه السواد جاي يا بيه , دة احنا داخلين على ايام سودة و انا عايز احضرها برة السجن يا بيه . .
دة أنا غلبااااااااااااااااااااااااااااااااااااااااان
يعني ما عندكش أي إعتراض يا سرحان ،
طيب طالما ما عندكش إعتراض ، ساكن ليه في عمارة فيها واحد بيعارض السيسى ؟
يا بيه لو كل واحد عزل علشان تحتيه واحد بيعارض السيسى ، البلد كلها هاتبات في الشارع .
أنا في حالي يا بيه و ماليش دعوة بحد يا بيه , دة حتى ساكن قدامى الست المحترمة الكمل صافيناز الرقاصة و فوقى الستاذة سما المصرى الرقاصة يا بيه , و دول زى ما كل الاوساط الواطية عارفة من اكبر مؤيدى السيسى فى الكباريهات و بيوت الدعارة يا بيه , و المؤيدين داخلين خارجين عليهم كل يوم بالليل يا بيه و مؤيد يدخل و مؤيد يخرج يا بيه . و اللى يدخل يقعد بالشراب يا بيه , بالشراب بس , ما تقولهم يعزلوا علشان سمعة العمارة يا بيه .
بتكتب إيه ؟
إسمي مكتوب ؟
طيب .
دة انا غلبااااااااااااااااااااااااااااااااااااااااااااااان
روبا بيكيا
#ثوار_بلا_تصنيف
ليست هناك تعليقات:
إرسال تعليق