خوازيق للبيع
بيع
خوازيق للبيع
بيع
خوازيق للبيع
خوازيق للبيع
طنطاوي
أول خازوق و لبسناه
و لبسنا العسكر وياه
قالنا إيد واحدة و ختمها
بكشوف عذرية و براءات
قتل و سحل و مجازر
حط الثوار في المعتقلات
دي كانت فترة سودة
يا رب ما ليها عودة
خوازيق للبيع
بيع
خوازيق للبيع
بيع
خوازيق للبيع
خوازيق للبيع
مرسي
خازوقه كان متيسر
بس هوائي بشكل مؤثر
قالنا أعصروا لمون
و هاحكم بشرع الله
بقي يقتل فينا الصبح
و بالليل عشيرته تقول آه
قالنا أنا و أهلي و عشيرتي
و الباقي دول كفار
قالنا اللي معايا في الجنة
و اللي ضدي يخش النار
دة كان خازوق منيل
مرسي دة كان بيتحول
خوازيق للبيع
بيع
خوازيق للبيع
بيع
خوازيق للبيع
خوازيق للبيع
السيسي
طلع علينا متأثر
يتنحنح و قال تفويض
علشان أعزل مرسي و أكسر
إرهابه ياخدك يا بعيد
و قال في الكرسي
أنا مش طمعان
الجيش بس علشان يحمي
و يصون الشعب الغلبان
فجأة قال إيه أنا هاترشح
و عايز أروح القصر
أنا شيلت مرسي علشان أركب
و ابقي رئيس مصر
هاقتل و أدبح و هاحبس
و أقضي علي كل الثوار
و كل حبايبي هاتبرر
و ورايا ييجي ميت ألف حمار
و منافقين ع الفضائيات
و البلد خلاص انهارت
و انتم يا بتوع الثورة
في العش و لا طارت
دة كان خازوق متين
طلع غلب السنين
خوازيق للبيع
بيع
خوازيق للبيع
بيع
خوازيق للبيع
خوازيق للبيع
روبا بيكيا
ليست هناك تعليقات:
إرسال تعليق