أحبيبى أصيصى
عشمني بالارهاب
و شعلقني بالهوا
عملت تفويض هباب
استكبر و إتلوى
ياصباح الخير متأخر
ياعود والع و اتبخر
كل ما أقولك ارحل
ألاقيك نايم بتشخر
يا بطة يا بطوط
يا فرخة يا كتكوت
يا واكل من الغلابة القوت
هاتاخد بالنبوت
دايما اشوف سحنتك
و نفسى تاخد علقة موت
ليه يا صيصى ماشى حافى ؟
دى الارض هاتلسعك
يا ابنى هاتلك شبشب
تلبسه و ينفعك
اتنحنح يا راوشنا
يا كاسرنا يا مفشفشنا
يا بايعنا و مطنشنا
الصيصى دة حبيبى
ارميه في البلاعه
يرجعلى مسـتحمّي
و في بقه نعناعه
كان بينا تفويض و ضاع
يا صيصى خليك فى كوزك
ما خلاص بقى يا بتاع
يخرب بيتفقر بوزك
يا أخى الله يحرقك
و يحرق إللي يعوزك
يا راكنا فوق الرف
ما تحن بقى علينا
بقينا شــريط بيسف
وإنت و لا حاسس بينا
روبا بيكيا
ليست هناك تعليقات:
إرسال تعليق