إيه يا مصر مالك ؟
يمينك بقي شمالك
عدلك بقي ظلمك
و كل إللي في إيدينا
نبكي علي حالك
قتلي في كل مكان
و الدم في الشوارع
و الصحرا و الغيطان
قلنا دة إحنا ولادك
طلعنا أرخص ما فيكي
برضه بحبك يا أمي
و إعملي ما بدالك
إيه يا مصر مالك ؟
يمينك بقي شمالك
عدلك بقي ظلمك
و كل إللي في إيدينا
نبكي علي حالك
حاولنا نعدلك
و فضلتي مقلوبة
لإمتي هاتفضلي
يا بلدنا معطوبة ؟
سلاحهم كان في صدورنا
و في إيدينا يادوب طوبة
أنا قلت آجي أشتكيلك
و أحكي موالك
إيه يا مصر مالك ؟
يمينك بقي شمالك
عدلك بقي ظلمك
و كل إللي في إيدينا
نبكي علي حالك
أنضف ما فيكي سجين
و شعبك فقرا و مساكين
و اللي سرقوكي
خانوكي
و نهبوكي
في القصور عايشين
هرمك بقي مقلوب
و لا عمر القصاص جالك
إيه يا مصر مالك ؟
يمينك بقي شمالك
عدلك بقي ظلمك
و كل إللي في إيدينا
نبكي علي حالك
في كل لحظة شهيد
و الحلم كان في إيدينا
طلع الحلم بعيد
العدل فيكي غايب
و الفقير تايه و دايب
و الحر لوحده شريد
إمتي بس يا بلدي
نيجي علي بالك ؟
إيه يا مصر مالك ؟
يمينك بقي شمالك
عدلك بقي ظلمك
و كل إللي في إيدينا
نبكي علي حالك
روبا بيكيا
ليست هناك تعليقات:
إرسال تعليق