هدفنا كلنا كثوار هو تحقيق أهداف الثورة عيش حرية عدالة إجتماعية كرامة انسانية ، دة هدفنا إللي لازم يكون قدامنا ،
لازم تجمعنا مع بعض راية واحدة ، إننا مصريين ، مصريين و بس ، بدون أي انتماء تاني .
أنا عارف ان فيه ناس محبطة من إللي وصلنا ليه ، دة طبيعي مش هالوم عليهم . بس دة مش وقت إحباط ، دة طريق لازم نكمله ، لازم نحقق هدفنا ، إحنا شفنا كتير في الميادين ، إصابات و إعتقال و شفنا الموت بدل المرة عشرة ، حاولوا يكسرونا بألف وسيلة و وسيلة ما قدروش و مش هايقدروا لأن إيماننا بقضيتنا أقوي منهم ،
هما قدروا يفرقونا بعد ما فضلنا ١٨ يوم إيد واحدة .
إحنا إتعلمنا كتير من أخطاءنا ، و فهمناهم كويس ، لازم الثورة تحكم ، مش هانسلم دقننا لحد تاني ، الثورة هيا البديل و هيا الحاكم ، لازم نفكر مع بعض في كيفية تحقيق الهدف دة و إزاي نوصل للناس إللي خسرناهم ، الشعب هو كلمة السر في نجاحنا .
دة مش وقت يأس و لا إحباط ،
مكملين طريقنا إللي بدأناه
لا لليأس
لا للإحباط
مكملين
روبا بيكيا
ليست هناك تعليقات:
إرسال تعليق