يا شعبي الحبيب الصبور المهاود ،
قرار ديكتاتوري رقم ١٣٢٤٥ قررنا نحن صيصي خان ما يلي :
أولا
تغيير السلام الجمهوري لعزبة مصر العسكرية من بلادي بلادي ، ل أديك تقول ماخدتش ، يا ناكر الجميل .
ثانيا
قررنا تعميم تسلم الأيادي في مناهج التعليم الإبتدائي و الإعدادي و الثانوي و نفق عبود و ميدان عابدين و الجمالية .
ثالثا
قررنا من باب الإهتمام بالفقراء ، بدل ما تلبس قميص و بنطلون ، تلبس بنطلون و القميص علشان مصر . و سنصادر أي قميص أو تي شيرت هانلاقيه ، و خلوا بالكم من الملابس الداخلية هاندفعكم عليها ضرايب .
رابعا
قررنا الغاء الجوزة و الشيشة لإحتياجنا الشديد إلي الفحم ، علشان موظفي محطات الكهربا يضربوا حجرين كل يوم و يتبسطوا و ما يقطعوش الكهربا ع الناس في عز الحر ، و عامة إحنا وصلنا لإختراع جديد إننا في الصيف نشغل أغنية
قولوا لعين الشمس ما تحماشي
يمكن الشمس تسمع الكلام و نحل المشكلة . أما بالنسبة للشتاء القارص البرودة فدة حله سهل جدا ،
شغلوا أغنية نار يا حبيبي نار .
خامسا
قررنا إلغاء كلمة لأ من معجم اللغة العربية و استبدالها بكلمة نعمين . و تعميم أغنية السيدة الفاضلة شريفة فاضل ، شريفة و فاضل و صاحبة كباريه الليل ما علينا ، أغنية أما نعيمة نعمين . و القبض علي عباس الضو علشان قال لأ .
سادسا
قررنا إلغاء الدعم و التقشف علشان بصراحة انتم مرفهين ذيادة عن اللزوم و كفاية بقي ترفيه لحد كدة . سلموا الهدوم و العفش في الأمانات .
مش عشاني دة عشان مصر و الله .
و الله الموفق و المستعان .
روبا بيكيا
ليست هناك تعليقات:
إرسال تعليق