يا أبو دبورة و نسر و كاب
طلعت أنت أصل الإرهاب
قتل و سحل
كمان تعذيب
خليت حياتنا هباب في هباب
يا أبو دبورة
طلعتو انتو كلاب مسعورة
قانونكو غابة
و العدل غياب
يا أبو دبورة و نسر و كاب
طلعت أنت أصل الإرهاب
لفق في القضايا و لفق
بكرة المركب بيكم تغرق
و يبان الصادق م الكداب
يا ابو دبورة و نسر و كاب
طلعت انت أصل الإرهاب
يا أبو دبورة
كلاب مسعورة
و مطلوب نسكت
و لا حتي ملامة و لا عتاب
قانونك ظالم
مش موجود
أصلا في كتاب
يا أبو دبورة و نسر و كاب
طلعت انت أصل الإرهاب
يا أبو دبورة
الدم في إيدك
إقتل تاني كمان و كمان
بكرة هاييجي وقت حسابك
و بكرة هانعدل كل ميزان
بكرة تجرب
يا كلب السلطة
ليه صحاب يدفنوا في صحاب ؟
يا أبو دبورة و نسر و كاب
طلعت انت أصل الإرهاب
يا أبو دبورة
رصاصك طايش
يقتل دايما كل برئ
كلك كدة امراض نفسية
تموت أوي انت في التلفيق
بس نسيت
أيام بتدور
فاكر يوم ما جريت مكسور ؟
أصل الظلم عمره ما يدوم
و الحق حق
و فيها رقاب
يا أبو دبورة و نسر و كاب
طلعت انت أصل الإرهاب
روبا بيكيا
ليست هناك تعليقات:
إرسال تعليق