من أمثال خالتي اللتاتة عن انتخابات الرئاسة ،
قال علي رأي المثل :
يحطوا صورته ع الحيط ، النحس يركب البيت .
أديك لمبة موفرة ، من غير كهربا يا مسخرة .
نفسي اسمع من خطابك جملة مفيدة ، يخرب بيتك هاتبيعنا الحديدة .
قال إيه قلعت البدلة ، خلاص ضاقت بينا و هاناخد الفضلة .
بيقولوا تسلم الأيادي ، و لسه علي إيديهم دم حمادة و هنادي .
قال يا مستني خير م النحنوح ، يا مستني تركن عربيتك فوق السطوح .
لا مية و لا نور ، و عايزنا ننتخبه و نقف في الطابور .
يا مستني الخير م الغراب ، يا مستني من بياع الخيار كباب .
يا مآمن للبيادة ، يا مآمن لصافيناز سكرانة في الشقة مع حمادة .
قالوا النحنوح هاياخد الكرسي ، قال إيه كل انجازاته عزل مرسي .
لا تنتخب الأقرع و لا تاخد منه نصيحة ، لو ربنا بيحبه ما كانش خلاهاله سطيحة .
يا فاكر ديل النظام هايرجع حقك ، يا رايح برجلك للنجار يدقك .
يا فاكر الداخلية إتغيرت ، اسكتوا دي كبرت و احلوت و إتجبرت .
قال إيه شعبيته رهيبة ، يقطعوك يا بعيد و يعبوك في زكيبة .
يا واثق في نزاهة الإنتخابات ، يا مستني ابوك يدخل عليك بعد ما مات .
يطلع في خطاب و المستخبي يبان ، واد صايع بيسبل هايودينا في خبر كان .
روبا بيكيا
#ثوار_بلا_تصنيف
ليست هناك تعليقات:
إرسال تعليق