إيه يا باشا ؟
عايز ليه كرسي الرئاسة ؟
خلي بس دم عندك
و خلي فيه شوية حساسة
كرسي الرئاسة ؟
ما أنت قلت إنك
مش عايز أي حاجة
مش طمعان
في أي حاجة
و لا هيا حكاية سماجة ؟
أصل يا باشا الفولة بانت
إقتل اسحل
برضه هانت
الناس فاهمة كل حاجة
قلت يلا فوضوني
أصل فيه إرهاب يا ناس
قلت أيوة أنا منكم
و لازم
أقضي عليه علشانكم
و انقذكم منه يا ناس
خدت تفويضك في جيبك
دلوقتي عايز تركب خلاص ؟
إنت فاكر إحنا إيه ؟
دة إحنا فاهمين كل حاجة
بطل سماجة
بطل سذاجة
إنت فاكر ان سهل
قتل شعب ؟
حبس شعب ؟
دة انت بكرة تعيش في رعب
أيوة رعب
بكرة جاي عليك طوفان
بكرة الشعب في الميدان
كل بيت دلوقتي ليه
في رقبتك ألف تار
أخ مات
اب مات
ساب مرار
انت البعيد
أصلك حمار
برضه إقتل
برضه و إحبس
بكرة جاي الدور عليك
كانت دامت لغيرك
لو هاتدوملك بين إيديك
بص و افهم
انت خسرت كل حاجة
بطل سماجة
بطل سذاجة
الناس فاهمة كل حاجة .
روبا بيكيا
ليست هناك تعليقات:
إرسال تعليق