محكمة النقض تقضي بقبول طعن أحمد عز و تلغي الحكم بحبسه 37 سنة ، و قبله مبارك و كل شلته ، و قبلهم كل ضباط الداخلية ، و الإخوان في الطريق ،
هو كله براءة كدة ؟
إشمعني إحنا إللي بنتحبس ؟
طب مين إللي نهب البلد ؟
طب هيا أصلا ما كانش فيها حاجة تتنهب ؟
طب ثرواتها فين ؟
طب مين إللي جوع شعب مصر ؟
مين سبب السرطان و إلتهاب الكبد فيروس سي ؟
مين سبب الفقر و الجهل و المرض ؟
مين سرق مصر و شعب مصر ؟
مين سرقك يا مصر ؟
مين سرق أحلام شعبك ؟
مين قتل ولادك ؟
مين حبسهم و إعتقلهم ؟
مين باع غازك برخص التراب و ولادك مش لاقيينه ؟
فين حديدك و نحاسك و بترولك و فيروزك و فوسفاتك يا مصر ؟
فين ولادك يا مصر؟
ماتوا و لا في السجون و لا باعوكي ؟
مين قتلك و قتل شبابك؟
مين بور أرضك؟
مين دمر فيكي أجيال و أجيال ؟
مين باعك بالرخيص ؟
أما إللي باعك براءة يا أمي و إللي إشتراكي و ضحي علشانك مات أو في السجن ،
ليه كدة يا أمي ؟
ليه كدة يا مصر؟
تعبنا و استوينا يا أمي ساعدينا و خدي بإيدنا ،
مين قتل مصر ؟
مين قتل مصر؟
برضه ما أقدرش غير إني أحبك يا أمي ،
آآآآآآآآآآآآآآآآآه يا مصر ،
بابكي عليكي بدل الدموع دم ،
و افديكي يا أمي بدمي،
أنا إللي هافضل شايل الهم ،
و إنتي و لا شايلة همي
Kanoun saksonia
ليست هناك تعليقات:
إرسال تعليق