طبعا كل وقت و له آدان و كل مرحلة و ليها أمثالها الشعبية
يعني أيام مبارك كان
حاميها حراميها ،
أيام مرسي بقي
حاميها لجلج فيها
جه السيسي بقي
حاميها عمل كشف عذرية عليها .
أيام مبارك كان
الباب إللي يجيلك منه الريح سده و إستريح
أيام مرسي بقي
الباب إللي يجيلك منه الإستبن شده بالبرسيم و التبن ،
مع السيسي بقي
الباب إللي يجيلك منه الغاز ، سيبه مفتوح و إتحرق بجاز .
أيام مبارك كان
إيش ياخد الريح م البلاط
أيام مرسي
إيش ياخد الريح بعد ما بعنا البلاط
مع السيسي
إيش ياخد الريح بعد ما بعنا البلاط و البيت و العمدان و الغيط .
أيام مبارك كان
إن كانلك عند الشعب حاجة قوله يا سيدي
أيام مرسي بقي
إن كانلك عند عشيرتك شوية تبن ، خدهم بالحضن يا إستبن ،
ايام السيسي ،
إن كانلك عند الشعب تفويض ، إضربه بضهر الإيد .
و دي كانت أمثلة لتطور الأمثال الشعبية المهلبية عبر مراحل الثورة المختلفة ،
و في النهاية
الثورة ثورة أبونا ، و العسكر و الفلول و الإخوان يركبونا .
Kanoun saksonia
ليست هناك تعليقات:
إرسال تعليق