صوتك امانة

صوتك أمانة

تحطه في الصندوق
يطلعلك السيسي
في إيده خازوق

تحطه برة الصندوق
يطلعلك السيسي
مزنوق

تحطه في البلاعة
يطلعلك السيسي
في بقه نعناعة

تحطه فوق السطوح
يطلعلك النحنوح

تحطه في الدولاب
يطلعلك الكداب

تحطه في التلاجة
يطلعلك السيسي
و انت مش فاهم حاجة

تقعد بيه في البيت
يطلعلك السيسي
في البظرميط

صوتك أمانة
ما تروحش اللجنة
يطلعلك السيسي

تروح اللجنة
يطلعلك السيسي

ما تنتخبش السيسي
يطلعلك السيسي

تنتخب حمدين
يطلعلك السيسي

اللجان فاضية
يطلعلك السيسي

آه يا بلد

صوتكم علي و طلع يا سيساوية
بكرة تاخدوه مغري و مية مية
و إللي ليه رئيس
لو راجل ينزل يحميه .
بس انتم آخركم تتحاموا في الداخلية ،

انتوخوبات نظيهة نظيهة و الأعداد مهولة و تم هدم الانفاق بعد انتهاء الإنتخابات .
علشان ماحدش يسأل الأعداد دي دخلت صوتت إزاي .

روبا بيكيا