بياع فى سوق التلات

عندنا في المنيب سوق التلات ، لقيت بياع فارش في الأرض هدوم عمال يشتم في الحكومة ، فبقوله مالك يا عم ، قالي ولاد ال ....... عملوا النهاردة أجازة علشان الناس تنزل تنتخب ، أهو الناس قعدت في بيوتها لا راحوا شغلهم و لا نزلوا انتخبوا ،
و السوق واقف ما بعتش حاجة من الصبح ، أو الناس كانوا بينفعوني و هما رايحين شغلهم ، يا حكومة بنت ...... ،

قولتله و ما روحتش انتخبت ليه ؟

قالي انتخب مين يا عم ، اللي عايزينه ينجح هاينجحوه ، هيا كمالة عدد و خلاص ، خلينا في لقمة عيشنا .

قولتله بس شكلنا وحش أوي قدام العالم ان ناس كتير مقاطعة ،

قالي يا استاذ أنا لا أعرف مقاطعة و لا مش مقاطعة ، ثم من أمتي شكلنا كويس ؟ ما طول عمرنا شكلنا وحش ، ثم ذيد زي عبيد ، كله زفت و إحنا منسيين .

اقسم بالله الناس فاهمة كل حاجة ،
دول وقود الطوفان الجاي ،
انتظروا ثورة الحرافيش .

روبا بيكيا