ارقصى يا انشراح

ارقصى يا أنشراح ,
اللى جاى انيل من اللى راح .

ارقصى يا ام فرح ,
لبسوا الرجالة طرح ,

ارقصى يا ام سحلول ,
و انتخبى كبير الفلول .

ارقصى يا ام هبة ,
دى ليلة سودة مهببة ,

ارقصى يا فكيهة ,
قال ايه انتخابات نزيهة ,

ارقصى يا جمالات ,
اصلك ما اتعلمتيش م اللى فات ,

ارقصى يا عديلة
ليلتك كوبية منيلة بنيلة

ارقصى يا ام حسين ,
البلد كلها هاتشيل الطين

ارقصى يا أم جمال ,
آدى آخرة اللى يمشى ورا العيال ,

ارقصى يا هناء ,
الشعب كله هايقول واء ,

واااااااااااااااااااااااااااااااء

ارقصوا يا نسوان يا مكبوتة
دى مش انتخابات دى حمرا يا قوطة .

روبا بيكيا