دعاة الاستكرار

بقيت أسمع الكلمة دي كتير ،
خلينا نشوفه هايعمل إيه و بعد كدة نحكم عليه .

إمضاء
دعاة الإستيكرار

الفيلم دة أنا شفته فين قبل كدة ؟

البسوا بقي علشان نازلين نوقفلهم عجلة الأنتاج .

روبا بيكيا

ماجيستير في عدم الاستيكرار
دكتوراه في توقيف عجلة الانتاج
دبلومة في اسقاط الطراطير

تخطيط ابانا

شفت النحنوح طاير ع القصر

قصر قصر

قال إيه بقي رئيس مصر

مصر مصر

رايح يركب الحد العصر

عصر عصر

و أهو كله بتخطيط أبانا

خططله كدة ينط علي الكرسي

كرسي كرسي

و أدب الشعب كله بمرسي

مرسي مرسي

و جابلنا برميل الطرشي

طرشي طرشي

من بعد ما سيح دمانا

قطعوا علينا نور و مية

مية مية

و الإعتقال بقي مية مية

مية مية

و العملية في النملية

لية لية

و بنشحت صدقة و إعانة

لجان انتخابات كانت فاضية

فاضية فاضية

و الستات بترقص و راضية

راضية راضية

و التزوير كان ضربة قاضية

قاضية قاضية

و معاه النحس كله جانا

أهو كله تخطيط أبانا

العسكر خلاص يلهط لوحده

وحده وحده

ما هو خلاص نفذ وعده

وعده وعده

طلع مبارك و حاشيته

شيته شيته

و قال إيه الجيش حمانا

أهو كله تخطيط أبانا

روبا بيكيا

سؤال و اجابة

اسئلة و أجابات

ليه عدلى منصور خرج من الثلاجة ؟
علشان السيسى دخل عليه خضه

طب ايه هي قمة الادب ؟؟
ان السيسى كان خبط ع التلاجة قبل ما يفتحها .

ايه هى قمة الدهشه ؟؟
انه يلاقى عدلى منصور زق الباب و فتحله التلاجة .

ايه هى قمة العبط ؟؟
انهم يسلموا علي بعض و يدخلوا يسلقوا قوانين فى التلاجة

ايه هيا قمة الحيرة ؟؟
ان الشعب بيدور عليهم مش عارف انهم فى التلاجة

ايه هي قمة الرخامة ؟
ان وزير الكهرباء ييجى يشيل فيشة التلاجة و يقطع عنهم الكهرباء .

ايه هى قمة التناحة ؟؟
انهم يكملوا سلق قوانين و الكهربا قاطعة

طب ايه هيا قمة الفذلكة ؟؟
ان عدلى منصور يخرج بعد سلق القوانين و السيسى يشتغل بالقوانين المسلوقة ع الجاهز .

طب ايه هيا قمة البهدلة ؟؟
ان الشعب يلبس كل القوانين دى و يقول تسلم الأيادى

روبا بيكيا

الحل الوحيد

احنا نشنق مبارك برجالته كلهم بأخوانه بسلفيينه , بسلطاته ببابا غنوجه , بالمجلس العسكرى القديم و الجديد ,
و بعدها نولع فى ماسبيرو ,
و نفجر مدينة الانتاج الاعلامى ,
و نحرق المتلونين و المنافقين و مدعى الثورية و النخبة و الامنجية فى ميدان عام ,
و كل ضابط داخلية قتل شهيد بدون وجه حق يتقتل ,
و نبدأ بعدها بقى نعمل ثورة على نضيف ,
أكيد هاتنجح فى 24 ساعة .

أو مش محاجين نعمل ثورة ، البلد هاتبقي نضفت .
روبا بيكيا

اصل الحكاية

عايزين تعرفوا أصل الحكاية

واحد قاعد ع القهوة ,
جاله واحد صاحبه ,
قاله قوم بسرعة فيه عسكرى بيغتصب مراتك ,
قوم انقذها ,

قام معاه و بص من بعيد و العسكرى بيغتصبها ,
و رد عليه و قال

عسكرى ايه يا عم انت هاتهرج ,
دة لابس مدنى

روبا بيكيا

دولة جمهوكية

واحد يسألني
طب يا روبا باشا إزاي حفلة تنصيب ؟ هو إحنا دولة ملكية و لا جمهورية ؟

بصراحة
إحنا دولة جمهوكية رأسماكية تعتمد في دستورها علي النظرية الحلزونية في نهب ثروات الرعية .

روبا بيكيا

ثورة الكلاب

محمد صبحي إمبارح بيحذر من ثورة جديدة يعملها الكلاب ،
طبعا بعيد عن ان الكلاب وفية لأصحابها و عن انه منافق ابن تيت ، بس فعلا فيه موجة تالتة لازم تقوم ،
و علي رأي محمد صبحي
هاو هاو هاو هاو
يعني هانعدمكم في ميدان عام يا ولاد المفكوكة .

روبا بيكيا

يا اهالى الموكوسة

و الآن يا أهالي مصر المحروسة

ياللي محتاسين آخر حوسة

بانتخابات نزيهة

شارك فيها الإنس و الجان

و إجتمعوا في هذا الصوان

من سالف العصر و الآوان

موعدكم يوم الأحد القادم

مع حفل تنصيب الملك الهادم

الملك نحنوح الأول

المسهوك المتحول

و قد جمعنا الراقصات ،

من كل المحطات ،

و المطبلاتية علي الفضائيات ،

للإحتفال بالملك نحنوح ،

فوق أيتها سطوح ،

و قد تم توزيع الدعوات ،

للحرامية و المغفلين ،

و الغوازي و المنافقين ،

و كدابين الزفة و المتسلقين ،

للإحتفال

و لكل مقام مقال ،

فالملك نحنوح ،

بييجي و يروح .

و قررنا نلبسه تاج الجزيرة .

قصير العمر

يقصف عمره

يخرب بيته

يولع غيطه

يجيب إللي فينا فيه .

آي هئ

روبا بيكيا

خدعوك فقالوا

خدعوك فقالوا ان مدة الرئيس القادم لمصر نحنوح افندى المسهوك 4 سنين .

مدة الرئاسة فى مصر بعد الثورة :
هي الفتره التي يمضيها كيس الخضروات المجمده فى الاتحادية مع كيس اللحم المجمد ع الكرسى, بعد خروجهما من الفريزر بفعل المظاهرات حتى يذوب الثلج , و يبدأ الاندماج الحقيقي بفعل الصفقات ,
و عندما يصبحان في اناء واحد مع الشعب بعد اتفاقهما يضعون علي الشعب حبة ملح و فلفل اسود و مهبب و يستوي على نار هاديه لمدة سنة على الأكثر . حتى يفيق الشعب ثانية من حالة التجمد و يتظاهر من جديد لخلع الرئيس و اختيار غيره .

روبا بيكيا

ثوروا او موتوا

نقول كمان

الثورة اللى ما تحكمش تتحاكم و يتم اعدامها
مفيش ثورة بتلعب سياسة
الاحزاب و النخب مش بتوع ثورة و الا كانوا قاموا بيها من بدرى
مفيش ثورة سلمية
مفيش ثورة بتلعب نظام و معارضة
مفيش ثورة بتدخل انتخابات
مفيش حاجة اسمها نص ثورة

فيه ثورة أو اعدام ثورة

روبا بيكيا

عن النحنوح اتحدث

مسيرك يا ملوخية تيجي تحت المخرطة ،
عن النحنوح أتكلم

روبا بيكيا

اجازة

أجازة بمناسبة مد الإنتخابات
و يوم الأحد أجازة بمناسبة التنصيب

و الثلاثاء أجازة بمناسبة سبوع التنصيب
و الخميس أجازة بمناسبة طهور التنصيب
و السبت أجازة بمناسبة عيد ميلاد جوز أم التنصيب ،
و الأربعاء أجازة علشان عيد جواز التنصيب ،
و الإثنين أجازة بمناسبة أجازة حلاق التنصيب

و الجمعة أجازة رسمي .

روبا بيكيا

القصة كلها عسكر

القصة كلها عسكر

العسكر هو اللى ضغط على مبارك علشان يتنحى بعد ما لقى مبارك هايورث ابنه و جمال مبارك مدني مش عسكرى ،

العسكر هو اللى سلم البلد للاخوان على طبق من دهب , و عمل اعلان دستورى يسهل طريقهم و يقدر يخلعهم بيه فى اى وقت و سابهم يقتلوا و يسحلوا و يبلطجوا و هو بيتفرج . لأنه لقاهم اسهل فصيل انتهازى ممكن شراءه و في نفس الوقت بغباءهم هايبقي حكم العسكر جنة يتماها المصريين ،

العسكر هو اللى عزل مرسى و زى ما سلم البلد للأخوان خدها منهم تانى , و رجعهم مكانهم فى السجون .

كلمة السر من 11 فبراير 2011 حتى الآن العسكر ،
اللعبة كلها لعبها علينا العسكر ، و الهدف حاكم عسكري بدون أي معارضة من الشعب ، مبارك جديد .

روبا بيكيا

ثورة فورمات

طبعا بعد ما الشعب عمل remove لمرسي  
و setup لعدلي منصور مكانه 
 و طبعا السيسي مش هايفضل يحكم offline علي طول 
 عمل الأول upload للدستور
 بعدها قام عامل انتخابات رئاسة كوميدية 
و عمل بيها uninstall لعدلي طرطور 
 و قفل ال account القديم العسكري بتاعه 
و عمل account مدني 
 و بقي يحكم online 
 و بعد ما بعت للسلفيين add 
و عمل لحمدين block 
 قرر الثوار انهم يعملوا للبلد format 
 و يجيبوا antivirus كويس يقضي علي العسكر و الفلول و الإخوان
 و يبدأوا يعملوا download للثورة من جديد 
بعد عمل scan للبلد لكشف رؤوس الفساد .

روبا بيكيا

انا مين ؟

ناس كتير بتسألني إنت مع مين و ضد مين ؟ أنا هاجاوب علشان كله يرتاح .

أنا ضد عسكر فلول إخوان ،
و مش مع أي حد غير الناس إللي مش لاقيه تاكل ، لأني مقتنع إن الحق ،
و مش مقتنع لا بأحزاب فاشلة و لا نخبة خاينة هما السبب في اللي إحنا فيه ،
باكره استبداد و ظلم العسكر و متأكد انهم السبب في الفقر و الجهل و المرض من ٦٠ سنة لحد دلوقتي ، باكره غباء الإخوان و طمعهم و انتهازيتهم و خيانتهم و متأكد انهم سبب الفشل إللي إحنا فيه ،
باكره الفلول بفسادهم و سرقتهم و نهبهم للبلد .
مع الحق و العدل و ان البلد خيرها يرجع لأهلها ، دفعت تمن الحرية زي ما غيري كتير دفعوا و لسه مكمل طريقي و مقتنع ان الثورة هاتنجح و تحقق أهدافها بس مسألة وقت و إرادة مش أكتر .
و باقول يا رب قوينا .

مكملين
روبا بيكيا

خطاب السيسى

الشفحتاريت المشتعظ في الجحفاريت المنشذمة هذه الأيام .

بصراحة دة كل إللي فهمته من خطاب السيسي النهاردة .

روبا بيكيا

اعرب الآتى

إعرب الجملة الآتية

يحكم السيسي شعب مصر .

يحكم : فعل مضارع مرفوع بالتزوير و علامة رفعة القضاء الشامخ .

السيسي : فاعل مرفوع ع الكرسي و علامة الرفع السهوكة .

شعب : مفعول به منصوب عليه لتالت مرة و علامة النصب الإعلام .

مصر : مضاف إليه مجرور وراهم رايح في داهية و علامة الجر الدستور .

روبا بيكيا

حزب اديله فرصة

أنا عايز أرد علي حزب إديله فرصة ، أول ما مسك محمد مرسي نفس الحزب العتيق قال إديله فرصة ، و هارد عليهم نفس الرد إللي كتبته من سنتين فاتوا ،
يعني إيه إديله فرصة ؟

لو ليك مبلغ كبير عند حد ، و الحد دة وعدك و قالك خلاص هانت بس أصبر عليا أترقي في شغلي و اديك فلوسك ، و بعد ما إترقي نفضلك و لا كأنه يعرفك ، يبقي تديله فرصة ؟
و لا لو بعد ما إترقي جالك و قدرك و إداك جزء حتي لو صغير من المبلغ و قالك دة إثبات حسن نية بس محتاج فرصة أكمل الباقي ، ساعتها فعلا هاديله فرصة .

بالنسبة بقي للسيسي ، لو نسينا الدم و الكدب و النفاق ،
فيه قرارات كتير في إيده مش محتاجة إلا جرة قلم ،

قرار جمهوري بالإفراج عن كافة المعتقلين السياسيين ، إيه ؟ هاياخد ٣٠ ثانية ، وقت حضرته لا يسمح ؟ و لا فيه حد هايعترض ؟ و لا خايف منهم ؟

قرار جمهوري بإلزام كافة مؤسسات الدولة بتطبيق الحدين الأدني و الأقصي بدل ما هو حبر علي ورق . برضه خايف من إيه انه يقول كدة ؟ ما إللي بياخدوا ملايين موجودين و البلد ما شاء الله خرابة ، يعني زي قلتهم .

قرارين مش محتاجين أي حاجة و لا أي فرصة ، ساعتها تقولوا إديله فرصة ، و ساعتها فعلا ممكن نديله فرصة .

يا ناس دة مرسي ضحك علي الشعب و عمل ديوان مظالم حتي لو بالكدب ،
السيسي واخدها بلطجة و مستكبر ياخد أي قرار في صالح أي حد .

ساعتها يبقي إثبات حسن نية و إديله فرصة ،
و طبعا لو دة هايتعمل كان إتعمل إمبارح بدل ما يبقي أول قرار ان عدلي طرطور ياخد قلادة النيل مكافأة علي سلق القوانين إللي بيبيعوا بيها البلد .

حزب إديله فرصة ، انت فاشل بتدي فرصة لفاشل .

بتبدأ بإديله فرصة
و تختم بفضيحة و جورسة .

روبا بيكيا

رئيس معتوه

رئيس يقفل الميدان بدباباته و يدخل مؤيديه فقط .

رئيس بيقفل محطات المترو علشان يحارب المظاهرات .

رئيس مشكلته مع معارضينه بيحلها بصرف الملايين علي مراقبة مواقع التواصل الإجتماعي .

رئيس تغتصب سيدة في أول يوم تنصيبه في الميدان و لا جيشه و لا داخليته يتحركوا لإنقاذها .

رئيس إقتصاد البلد واقع و بينادي بالتقشف و رغم كدة حفل تنصيب تكلف الملايين و حراسة مش لرئيس الولايات المتحدة .

رئيس ما عندوش حلول لأي مشكلة ، و لا خطة لأي حاجة .

يبقي مش رئيس ، يبقي كيس جوافة و مش هايطول علي الكرسي و إللي إحتفلوا بيه من الشعب الغلبان مش المأجورين طبعا ، هايبقوا أول ناس تدبحه .

روبا بيكيا

انتى فين يا جهاد ؟

كفاية تهريج بقي ، نهزر شوية

سلامة انت فين يا سلامة ،

انتي فين يا جهاد ؟

انا هنا يا سلامة ،

انتي فين يا جهاد ؟

بلطاي ما إتخلعش ،

بلطاي لسه موجود ،

بلطاي لسه بقوته و فلوسه و نفوذه ،

سلامة أنا هنا يا سلامة

الله يحرقك يا جهاد

إيه إللي طلعك فوق يا بت ؟

روبا بيكيا

حفل التنصيب

و قد حضر الحفل المهيب

أبو أحمد ملك الكبدة

عم جعفر إمبراطور الطرشي

زمباوي رئيس نقابة الحلاقين المستقلين

شلضم أمير كباريهات شارع الهرم

و شوية رؤساء عرب يتشالوا في قفتين و مقطف .

مع رئيس غينيا الإستوائية ،

و ملك جزر القمر ،

و مساعد وزير خارجية روسيا ،

مع كام رقاصة ، و كام طبال ، و طقم فلول ،
و قال إيه مهيب الركن ، و قال إيه حضر الحفل رؤساء و زعماء و ملوك الكرة الأرضية و الكواكب المجاورة و علي السادة المقيمين خارج المجموعة الشمسية مراعاة حضور التنصيب .

و سلام كبير أوي

أبص لروحي فجأة
لقيتني إتنصبت فجأة
شعري وقع م المفاجأة
و أكمل نصبتي .

روبا بيكيا

لو انت كدة تبقى زيهم

لكل شمتان و كل واحد بيبرر و فرحان في إللي حصل في الميدان لبنت مالهاش ذنب حتي لو كانت بترقص .

هاقول كلمتين فيهم الرسالة :

المبادئ لا تتجزأ
و لو بقيت بنفس وساختهم يبقي مش من حقك تطالب بسقوطهم .
لأنك زيهم بالضبط .

روبا بيكيا

التقسيمة الجديدة

تم تقسيم الفئات التي شاركت في انتخابات مصر الموكوسة لإختيار الرئيس .
و من أشهرهم

- المواطن الأنتيخ ،
و هذا النوع من المأنتخين و أرباب المعاشات ، و يمتاز هذا المواطن الأنتيخ بميزة انه موسمي ما بيظهرش إلا في الإنتخابات و الإستفتاءات يخربها و يختفي تاني ، يعني لو المصلحة لأ يقول نعم لأنه عمره ما قال لأ .

- المرأة الدلالة ،
و قد ظهرت المرأة الدلالة في انتخابات الرئاسة و تمتاز باللياقة البدنية العالية و القدرة علي الهز لأوقات طويلة و في أي مكان .

- البهاليل الكبار بقيادة برهامي و بكار ،
و يمتاز البهاليل الكبار بالتطبيل و المساعدة علي بهللة الحاكم ، و شخلعته و الطلوع بأي عضمة و شعاره ، إللي ييجي من ابن الدايخة أحسن م الخيارة الشايخة . و مبدأهم الأساسي سنحيا في أي ناحية .

- أتباع أم دجدج ،
و يبحث أتباع أم دجدج دائما عن التمثيل المشرف بصرف النظر عن النتيجة أصلهم ما يهمهمش الكلام الفاضي دة .

- شلة كله ماشي الحلزونية ، و دي بتوع عجلة الإنتاج و الإستكراد و نديله فرصة و خربتوا البلد من منظور حلزوني كنباوي منحدر إلي الجحيم .

و هذا علي سبيل المثال و ليس الحصر .

روبا بيكيا

تعرف ايه عن الرئيس الجديد ؟

سرحان عبد البصير ،
تعرف إيه عن الرئيس الجديد ؟

و الله يا بيه إللي أعرفه إنه م البيت للإتحادية و من الإتحادية للبيت ،

طب يا سرحان تعرف الرئيس الجديد بيشتغل ايه ؟

بتشتغل رعاشة ، خباصة ، رقاصة ، ايوة أيوة نحنوح يا بيه ، بيشتغل نحنوح .

إهدي يا سرحان ، عايز تضيف حاجة تانية ؟

أيوة عايز أضيف ،

قول يا سرحان

هو بيشتغل نحنوح و بيطلع في التليفزيون يتنحنح يا بيه .

و نعم الاضافة يا سرحان ،
طب يا سرحان سؤال تاني ، هو الرئيس اسمه سيسي و لا بيصي ؟ يعني بالسين و لا بالباء ؟

بالبيص ، بالبيص يا بيه ، اللى تشوفه يا بيه , انا هاعرف اكتر م الحكومة , دة انتوا الحكومة , فلتحيا الحكومة , فليحيا محمد ابراهيم , و أبو محلب و شعبولا ,
دة أنا غلباااااااااااااااااااااااااااااااااااان

ما تخافش يا سرحان يا ابني ، يا ابنى انت مجرد شاهد هاتقول اقوالك و تروح

انا سمعت انهم بيعدموا الشهود و يعلقوهم في الأقسام يا بيه , يا نهار اسود , شاهد يعنى اعدام اعدام , هاخد إعدام ،
دة انا غلبااااااااااااااان

ما تخافش يا ابنى لا اعدام و لا حاجة , جاوب انت بس و هاتروح على طول , عايزين نعرف آخر مرة شفت السيسي إمتي ؟

أنا كنت راجع إمبارح من الشغل بالليل و عديت من عند الإتحادية ، لقيت السيسي و محلب و محمد إبراهيم و عدلي طرطور و معاهم كام رقاصة ، مولعين نار في الشارع و عمالين يلفوا حواليها و يغنوا بصوت عالي ، قال إيه تسليم السلطة ، ههههههههههههههههههههههه تسليم السلطة قال ، دة إحنا هانشوف أيام سودة .

طب يا سرحان خدت بالك السيسي كان لابس إيه؟

كان لابس شراب يا بيه .

شراب إيه يا سرحان ؟

كان لابس شراب بس يا بيه .

و مفيش أي حاجة تانية لابسها خالص ؟

ماااااااااالص يا بيه ، بس الجو حر برضه ، الراجل معذور .

طب ما فكرتش تسيب البلد يا سرحان ؟

ماهو لو كل واحد ما انتخبوش ساب البلد علشان السيسى , السيسي هايفضل فيها لوحده يا بيه مع المقاطيع بتوعه .

و أخبار الكهربا عندك إيه يا سرحان ؟

و الله يا بيه الكهربا قاطعة علي طول بس جبت لمبة موفرة يا بيه و الحمد لله الكهربا لسه قاطعة برضه .

و حطيت اللمبة فين يا سرحان ؟

ههههههههه أنا لو أعرف أقول علي طول يا بيه

الرئاسة يا سرحان كانت متعودة !

متعودة ... دايما

يا ابني افهم رئاسة الجمهورية كانت متعودة تستقبل ناس في الإتحادية ؟

و الله يا بيه أنا هاقول إللي شفته , هاقول كل حاجة يا بيه

ما هوا دة اللى احنا عايزينه , قول يا سرحان

أنا في يوم كنت معدي من هناك ، سمعت شخير عالي أوي ، بصراحة انا قلقت عليهم , دة شخير ابو احمد ملك الطرشى , فدخلت القصر أسأل ، قالولي دة حفل تنصيب السيسي .

بتكتب إيييييييييييييييييه ؟ بتكتب ايييييييييييييييييييييييه
انا اسمي مكتوب ؟
لأ
طيب

دة أنا غلباااااان .

روبا بيكيا

انا مين ياض ؟

مرسى يرقى السيسى وزير دفاع
السيسى يعزل مرسى

عدلى منصور يرقى السيسى مشير
السيسى ياخد من عدلى منصور الكرسى

انت مين يا عم ؟
انا النمساوى ياض
مين ؟
النمساوى , ملك الكباريهات

انا مين ياض ؟
النمساوى

طراخ
مين ؟
النمساوى

روبا بيكيا

الا سيكى

إلا سيكي

انتي خمارة واقفة هناك ، انتي جاية إشتغلي إيه ؟

رئيس جمهورية يا ست هانم ، جاي اشتغل رئيس جمهورية .

إفيت إفيت ، فخمتو

إنتي كلبة ، إنتي جاية إشتغلي إيه ؟

يا ست هانم رئيس جمهورية و الله رئيس جمهورية ، انتخابات مزورة و ماحدش انتخبني و رغم كدة نجحت ، رئيس جمهورية يا ست هانم .

إفيت إفيت

إنتي خيوانة جنب الخيطة ، إنتي جاية إشتغلي إيه ؟

رئيس جمهورية يا ست هانم ، و الله العظيم رئيس جمهورية ، إن شالله أتشل رئيس جمهورية ،

إفيت إفيت ، انتي جاية إشتغلي طرطورة .

إنتي بغلة ، انتي جاية إشتغلي إيه ؟

جاية إشتغلي خرامية ؟ جاية إشتغلي مهلباتية ؟ جاية إشتغلي إيه بغلة بديل ؟

أوا أوا أوا أوا عربيات و موتسيكلات ، و حراسة و موكب و بيب بيب بيب و قفل شوارع و إللي ينزل ضدي أحبسه ، رئيس جمهورية يا ست هانم ، رئيس جمهورية .

إفيت إفيت فخمتو

إنتي خلوفة قرعة ، انتي جاية إشتغلي إيه ؟

أخرااااااابي ، يا لهوووووي ، رئيس جمهورية يا ست هانم ، لمبة موفرة و محلب و صور في الشارع ، رئيس جمهورية يا ست هانم .

إفيت إفيت فخمتو ،

إنتي عجلة ماشية هناك ، انتي جاية إشتغلي إيه ؟

ربنا ياخدني رئيس جمهورية يا ست هانم ، موكب و حفل تنصيب و ابو عبلة الفسخاني و رئيس جزر القمر ، و التليفزيون ، و يصوروني ، رئيس جمهورية يا ست هانم ، و الله رئيس جمهورية .

إفيت إفيت فخمتو ، انتي جاية إشتغلي رئيسة عصابة ، جاية إشتغلي شيخة منصر يا خيوانة ، ربنا ياخدك ، ما عندناش شغل ليكي خلوفة خمارة .

إمشي إطلع برة

إمشي إطلع برة

روبا بيكيا

مجرد اسئلة تهييسية

اسئلة و أجابات

ليه عدلى منصور خرج من الثلاجة ؟
علشان السيسى دخل عليه خضه

طب ايه هي قمة الادب ؟؟
ان السيسى كان خبط ع التلاجة قبل ما يفتحها .

ايه هى قمة الدهشه ؟؟
انه يلاقى عدلى منصور زق الباب و فتحله التلاجة .

ايه هى قمة العبط ؟؟
انهم يسلموا علي بعض و يدخلوا يسلقوا قوانين فى التلاجة

ايه هيا قمة الحيرة ؟؟
ان الشعب بيدور عليهم مش عارف انهم فى التلاجة

ايه هي قمة الرخامة ؟
ان وزير الكهرباء ييجى يشيل فيشة التلاجة و يقطع عنهم الكهرباء .

ايه هى قمة التناحة ؟؟
انهم يكملوا سلق قوانين و الكهربا قاطعة

طب ايه هيا قمة الفذلكة ؟؟
ان عدلى منصور يخرج بعد سلق القوانين و السيسى يشتغل بالقوانين المسلوقة ع الجاهز .

طب ايه هيا قمة البهدلة ؟؟
ان الشعب يلبس كل القوانين دى و يقول تسلم الأيادى

روبا بيكيا

أهو كله تخطيط أبانا

شفت النحنوح طاير ع القصر

قصر قصر

قال إيه بقي رئيس مصر

مصر مصر

رايح يركب الحد العصر

عصر عصر

و أهو كله بتخطيط أبانا

خططله كدة ينط علي الكرسي

كرسي كرسي

و أدب الشعب كله بمرسي

مرسي مرسي

و جابلنا برميل الطرشي

طرشي طرشي

من بعد ما سيح دمانا

قطعوا علينا نور و مية

مية مية

و الإعتقال بقي مية مية

مية مية

و العملية في النملية

لية لية

و بنشحت صدقة و إعانة

لجان انتخابات كانت فاضية

فاضية فاضية

و الستات بترقص و راضية

راضية راضية

و التزوير كان ضربة قاضية

قاضية قاضية

و معاه النحس كله جانا

أهو كله تخطيط أبانا

العسكر خلاص يلهط لوحده

وحده وحده

ما هو خلاص نفذ وعده

وعده وعده

طلع مبارك و حاشيته

شيته شيته

و قال إيه الجيش حمانا

أهو كله تخطيط أبانا

روبا بيكيا