المجلس العسكرى و الاخوان و الثورة و مسمار جحا

المجلس العسكرى و الاخوان و الثورة و مسمار جحا
===============================
كثيرا ما سمعنا عن مسمار جحا
فجحا شخصية معروفه ومشهوره ويضرب به الأمثال كثيرا
وأما مسماره، فيُضرب به المثل فى اتخاذ الحجج الواهية للوصول إلى الهدف المراد ولو بالباطل.
فما قصة مسمار جحا؟
كان جحا يملك داراً
وأراد أن يبيعها دون أن يفرط فيها تماماً
فإشترط على المشتري أن يترك المسمار الموجود مسبقا في الحائط داخل الدار ولاينزعه.
فوافق المشتري دون أن يلحظ الغرض الخفي لجحا من وراء هذا الشرط
وبعد أيام ذهب جحا لجاره و دق عليه الباب.
فلما سأله جاره عن سبب الزيارة أجاب جحا:
جئت لأطمئن على مسماري!!
فرحب به الرجل، وأجلسه، وأطعمه. لكن الزيارة طالت
والرجل يعانى حرجًا من طول وجود جحا
لكنه فوجئ بما هو أشد
إذ خلع جحا جبته وفرشها على الأرض وتهيأ للنوم، فلم يطق المشتري صبراوسأله:
ماذا تنوي أن تفعل يا جحا؟!
فأجاب جحا بهدوء:
سأنام في ظل مسماري
وظل جحا يذهب يوميا للرجل بحجة مسماره العزيز
وكان جحا يختار أوقات الطعام ليشارك الرجل في طعامه
فلم يستطع الرجل الاستمرار على هذا الوضع
وترك لجحا الدار بما فيها وهرب!!
ومن هنا انتشر مثل
مسمار جحا 
طبعا الناس كلها مستغربة من القصة دى و ليه انا باحكيها دلوقتى ؟
ممكن نطبق القصة دى على وضعنا الحالى منذ نحى المخلوع و تركه البلد للمجلس العسكرى :
نبدأ سوا مع بعض كدة :
بيوم 19 مارس الاعلان الدستورى اللى كان مطلوب من الناس تقول نعم ام لا , و خرج الاسلاميين طبعا بغباءهم السياسى و دفعوا الناس دفعا انهم يقولوا نعم على الاعلان الدستورى طبعا طمعا فى مجلس الشعب و البرلمان و دخول الحياة السياسية اللى كانت محرمة عليهم فى عهد المخلوع
- و بداية نبدأ بدخول الحياة السياسية بطريقة مشروعة :
قيام الاحزاب الدينية زى حزب الحرية و العدالة و حزب النور و حزب الاصالة و حزب البناء و التنمية , بس تفتكروا المجلس العسكرى عبيط و يعمل كدة و يسمح بسيطرة الاسلام السياسى بدون مسمار جحا لأ طبعا , لازم مسمار جحا و مسمار جحا فى الاعلان الدستورى هو المادة ( 4 ) و بتقول ممنوع قيام احزاب او جماعات على اساس دينى فى التفرقة على اساس الدين بين المواطنين . و دة كان اول مسمار
لحد دلوقتى مفيش مشكلة تم اشهار الاحزاب الدينية و تمت الدعوة للانتخابات البرلمانية بدون دستور و دعوة مجلسى الشعب و الشورى للانعقاد و برضه نرجع تانى لنفس السؤال  تفتكروا المجلس العسكرى هايسيبهم كدة من غير مسمار جحا ؟ لأ طبعا
4 مواد فى الاعلان الدستورى تبطل انتخابات مجلس الشعب منها طبعا المادة 4 و المواد المتعلقة بنظام الانتخابات الفردى و القوائم لابطال و حل مجلس الشعب فى الوقت المحدد .
و فعلا تم حل مجلس الشعب يوم 14 \ 6 اللى فات .
نرجع تانى لمسمار جحا فى انتخابات الرئاسة :
طبعا حسب الاعلان الدستورى برضه تم فتح باب الترشيح لانتخابات الرئاسة و تم بعد طبعا كل اللى حصل التصفية حتى وصلت ل 13 مرشح . المرة دى بقى المجلس العسكرى مش عارف يحط مسمار جحا فين بدأت بابو الفتوح الذى كانت تؤيده قوى ليبرالية و ثورية و ظهرت الكثير من الاقاويل بانه لايزال تابع لجماعة الاخوان المسلمين و بدأت حملات التشويه بينه و بين حمدين لوأد اى محاولة لتوحد قوى الثورة خلف مرشح واحد و بكدة تم تقسيم اصوات الثورة و القضاء على مرشحينها , بس فيه مشكلة تانية و هى مرشح الاخوان المسلمين ازاى بقى المجلس العسكرى يحط مسمار جحا ؟
سهلة نبدأ من ترشح عمر سليمان , طبعا حسب الاعلان الدستورى الترشح ب 30000 توكيل من 15 محافظة او ب 30 من اعضاء فى مجلس الشعب
اما الاخوان رشحوا خيرت الشاطر و العسكر رشحوا عمر سليمان و تم استبعاد عمر سليمان و اخد فى ايده و هو خارج الشاطر و ابو اسماعيل قبل الانتخابات بيوم واحد فاضطر الاخوان باسرع و اسهل الطرق اللى هى 30 عضو من اعضاء مجلس الشعب و ترشيح مرسى مكانه , لأنهم مش هايلحقوا طبعا يجمعوا 30 الف توكيل , عامة نرجع و نقول هو دة مسمار جحا و نقول ان اصلا بحل مجلس الشعب لا وجود اصلا ل 30 توكيل من اعضاءه ,
نرجع و نقول فى احكام المحكمة الدستورية العليا من يومين و التأجيلات
- تأجيل قضية بطلان انتخابات الرئاسة لشهر 9
- تاجيل قضية حل جماعة الاخوان لشهر 9
- تأجيل قضية حل الاحزاب الدينية لشهر 9
- تأجيل قضية حل مجلس الشورى لشهر 9
- تأجيل قضية عودة مجلس الشعب المنحل لشهر 9
تفتكروا كل دة ليه ؟ تفتكروا المحكمة حكمت بعدم دستورية قانون الضبطية القضائية ضد رغبة المجلس العسكرى ؟
امتى وزير العدل فى يوم من الايام نزل قانون فى الجريدة الرسمية ؟ عمرها ما حصلت
قانون الضبطية اتعمل مخصوص علشان يتلغى .
و مرسى فيه الف سبب و سبب لبطلان انتخابه فى الوقت المناسب ,
و هايعملوا الف سبب و سبب لخلعه فى الوقت المناسب ,
اذا كان محمد مرسى فاكر ان المجلس العسكرى فى صفه يبقى واهم ,
و اذا كان فاكر الداخلية فى صفه يبقى واهم ,
و اذا كان فاكر الوزارة فى صفه برضه يبقى واهم ,
و كلنا شايفين اللى بيحصل الايام دى .
الثوار بس , دة الأمل الوحيد و غير كدة مفيش .
تفتكروا الاخوان ممكن يفوقوا و يعرفوا ان المجلس العسكرى حاطط فى كل خرابة عفريت ؟
و فى كل حيطة فى البلد سايب مسمار جحا ؟

اشك

قانون سكسونيا