بلغنى ايها الشعب الحلزونى , اللى هايجنن اللى جابونى
انك قمت بثورة عظيمة , و ختمت معاك بجريمة
و سلمتها لتجار الدين , اللى بالصفقات و الخيانة عايشين
و ضحكوا عليك بسكر و زيت , و انت فى غيبوبة ما حسيت
و قلت اهو نعمل تغيير , و أغير من مصير لمصير
بس اخترت نفس النظام , اللى كله وعود و كلام
بس تلاقى الفعل مفيش , اصلك جبت اللى ما يساويش
جبت رئيس رد سجون , من غير ما تسأل ليه كان مسجون
جبت جماعة من التجار , بيبعوا بلدك بالقنطار
و لسه زى ما انت يا شعب , عايش بتعانى نفس الغلب
بتعانى غلاء الاسعار , و مفيش رقابة على التجار
بتعانى فقر و امية , بتعانى ان مفيش مية
بتعانى من قهر و عبودية , بتعانى من ظلم الداخلية
و كل يوم تطلع تصاريح , فى الآخر ذهب مع الريح
و مفيش تنفيذ اى وعود , و لا حتى كأنك موجود
خليك كدة مظلوم تعبان , خليك مش عايش انسان
يا شعب مشيتنا وراك , و فى الآخر خدت على قفاك
kanoun saksonia
ليست هناك تعليقات:
إرسال تعليق