دمنا فى رقبة مين ؟

دمنا و دم الشهداء فى رقبة مين
- دمنا فى رقبة اللى شاف التحذير الاسرائيلى و اتنشر فى جريدة الاهرام المصرية من 3 ايام يحذر من حدوث عمليات ارهابية زى نفس التحذيرات قبل اى عملية ارهابية فى سيناء قبل كدة و سكت و طنش ,
- دمنا فى رقبة الصراع بين العسكر و الاخوان على السلطة ,
- دمنا فى رقبة كل متواطئ بالاهمال او التهاون ,
- دمنا فى رقبة المجلس العسكرى و الرئيس محمد مرسى .
- دمنا فى رقبة كل واحد من مؤيدى المجلس العسكرى و كل شغلته انه نسى الناس اللى ماتت و عايز يلصق اللى حصل بالاخوان .
- دمنا فى رقبة كل اخوانى نسى الناس اللى ماتت غدر و كل مهمته الصاق التهمة بالمجلس العسكرى .
- دمنا فى رقبة الصراع البشع على السلطة على حساب شباب مصر .
- دمنا فى رقبة اللى ساكت و اللى متخاذل و اللى مش عايز يتحرك .
- دمنا فى رقبة اللى موافق على اللى بيحصل و بيشجعه لمصالح شخصية ,
- دمنا فى رقبة شعب كامل ياما شاف الدم و لا اتحركش .
- دمنا فى رقبة كل خائن للشهداء و للدم .
- دمنا فى رقبتنا احنا بسكوتنا على المهزلة اللى احنا فيها ,
- دمنا فى رقبتك يا بلد , و هو ارخص ما فيكى

أأأأأأأأأأأأأأأأأأأأأأأأأأأأأأأأأأأأأأأأأأأأأأأه يا بلد عايزة ايه تانى , ما عنديناش غير الدم نقدمه ليكى