#رقاصه
اه يابلد ماشيه الطريق مقلوب.
مرعوبه ليه من الكل؟
مركوبة من مدة.
عايشه وعشيتك ذل.
وواقفه ع الواحدة.
زي السنين جاحدة.
وانتي اللي ع المنحدر.
مرهونه علي زقة.
ماشيه انتي من فترة.
علي حل شعرك ليه.
هو انتي سنداني.
ولا انتي ساندة عليا؟
عمرك ماقلتي زمان.
للشر يوم لاءة.
والحلم فيكي يادوب.
الستر والشقة.
وماعدش فيكي خلاص.
شيء حلو متبقي.
ولا قلتي كلمت حق.
والصبر منك شق.
ماشيه السنين بالزق.
وكارهه كل الناس
وبتهوي عكس السير.
وبتعشقي التبرير.
وبتكرهي التغيير.
وماشيه عكس عكاس.
اصحي بقه وفوقي.
وكفاية نوم يعني.
نايمة انتي من مده.
اصحي بقى وشقشقي.
ده من زمان جدا
انتي بتتنشقى
وحاكمة عمياني.
وحابه تتفرقي.
فياريت بقه تفرقي.
بين اللي عاش متهان.
وبين اللي هايهينك
بين اللي كان مؤمن.
واللي ماهوش دينك.
وان اللي عاش كفرك.
ف الاصل كافرينك.
بين اللي و مطلع.
ف الدنيا ميتينك
متاخده ف الرجلين .
وتملي مداسه.
راكعه علي ركبك.
من تحت دواسه.
مكتوبلي اموت فيكي.
من جهل قناصه.
ويعيشو فيكي العاهرات.
والاسم رقاصة
ليست هناك تعليقات:
إرسال تعليق