اللى يسأل ما يتوهش و الطريق سهل و بسيط و مافيهوش اى حاجة
بص يا سيدى انت تلبس الملابس المستعملة اللى على الحبل اللى جاية من الامارات و تطفى اللمبة الموفرة اللى عندك فى الشقة ، دة لو عايش فى شقة يعنى ، و تنزل تركب المترو من محطة السادات لو فتحوها و تنزل اوسع محطة مترو اللى هى عدلى طرطور
تطلع من السلم اللى على شمالك هاتلاقى عربيات خضار
تركب عربية بس عامل الناس كويس دول مؤهلات عليا برضه شغالين عليها
قول للسواق نزلنى عند مصنع كفتة عبعاطى ، هو عارفه
تخلى المصنع على شمالك و تمشى لحد ما توصل للمليون وحدة سكنية
هاتلاقى شوية عمال بيحفروا على الناشف مالكش دعوة بيهم و امشى زى ما انت
بعد يافطة المؤتمر الاقتصادى تدخل شمال
هاتلاقى عربيات كارو بيجرها شتلاند ، بيقولوا عاصمة عاصمة عاصمة
اركب اى عربية فيهم هاتنزلك هناك
ليست هناك تعليقات:
إرسال تعليق