سيدتى الرقاصة

بصى بقى يا ستى ، انتى تصحى الصبح بدرى و تقولى لجوزك او لابوكى او لاخوكى انك رايحة حفلة رقص و هو هايوافق ما تقلقيش علشان مصر ، تروحى على اقرب لجنة ليكى هاتلاقى شغالة اغنية بشرة خير ، عايزك بقى تاخدى بالك اوى ، تهزى اوى اوى عند الصعيدى و تقومى نازلة عند الشباب الاسكندرانى و الطلعة بهزة حلوة كدة عند المحلة و اللى منها ، و ما تنسيش القصعة الجامدة بقى عند الاسمعالاوية و عايز جسمك كله يتلوى من القشعريرة اول ما توصل الاغنية لأملنا كبير.
روبابيكيا

دردشة

انا بس عايز افهم بعيدا عن مؤيد او معارض او مع او ضد ، ايه علاقة الرقص بالانتخابات الرئاسية ، ايه علاقة ان الستات ترقص فى الشارع و تتصور و تنتشر على مواقع التواصل الاجتماعى بالتصويت و الصندوق ، ايه علاقة ان راجل يسيب بنته او مراته او اخته ترقص فى الشارع و الناس كلها تتفرج عليها و تتفضح على مواقع التواصل الاجتماعى ، هو ليه لازم نبقى الفقرة الكوميدية فى الاعلام العالمى ، ليه رغم الانقسام الواضح فى الخوف من ترشح مرشح له وزنه زى عنان او شفيق او حتى واحد زى خالد على ، ما ينفعش نكمل الانتخابات بدون ما نبقى تريقة العالم كله، لحد امتى هانفضل عايشين فى عالم سمسم؟
روبابيكيا

الشعب السعيد

بلغنى ايها الشعب السعيد ، ذو التيتى الوحيد ، ان الأربع سنين اللى فاتوا ، مجرد تمهيد ، و الأربع سنين الجايين جديد فى جديد ، لا تقول قناة و لا تفريعة و لا رفع دعم و توليعة ، دة الجاى خرااااب على الكل، مؤيد و معارض فل الفل ، و ليلة سودة مطينة ، و مهببة و محينة ، و سلام كبير اوى و خليكوا ساكتين يا بهايم على جيش راكب و متين ، متانة السنين و ابلع البلد فى عبك و لا حد ييجى جنبك و جيش طالعله بلد يبقى مفيش راجل يا بلد و الجاى سوااااااااد و مدد مدد مدد مدد رحتى فى داهية يا بلد
روبابيكيا

قالك ايه

قالك ايه قالك اه ، موسم و كله بيستناه ، و التعريض على ودنه ، الكارثة ان الزناتى خليفة نازل قصاد خيال المآتة و ناجح م العتبة لأبو أتاتا بس الخواجة بيشو لازم يقتنع ان فيه انتخابات ، و فات فات ابوك السقا مات ، و عندها نزلت الغازية متحزمة و الشوادر متلغمة و كله على كله قال ايه فيه انتخابات ، و الانتخابات دى متاهات من تعريض و شغل اثباتات و ادينى حتة من التورتة يا عدلات ، و التورتة كبيرة و كله عايز يلهط و الشعب راضى و متمرمط و كله على كله اشتغالات فى مسرحية اسمها انتخابات.
روبابيكيا

انتخابات

بيقولوا فيه انتخابات ، و الرقص على ودنه و السيرك فى البلد يا عمدة ، و الدنيا خربانة ، و بدل الرقص ببلاش و مرشح ما يسواش و كله فى المعمعة لابس البردعة و ماشى عارف طريقه للصندوق ، قال ايه نزيهة و مفيش مرشحين و كله شايل الطين و الطين هايغلى و لسه كمان ٤ سنين ، يا مصيبتى السودة يانا يامه.
روبابيكيا

شعاع

** قصة الشركة الغامضة لقراءة عدادات الكهرباء: شعاع **

من أسبوعين اتنشر خبر توقيع وزارة الكهرباء تعاقد مع شركة أول مرة نسمع عنها اسمها "شعاع للخدمات العامة" لاسناد مهمة قراءة عدادات الكهرباء على مستوى الجمهورية ليها لمدة 3 سنوات.
*****

ازاي تم ترسية المهمة على شركة شعاع؟

- في يوليو اللي فات وزير الكهرباء قال إنه الوزارة لجأت إلى "جهة سيادية" لقراءة عدادات الكهرباء، وإن الهدف من ذلك هوا الحفاظ على بيانات المشتركين باعتبارها أمن قومي.

- في أغسطس مصدر في الوزارة قال للبوابة نيوز إنهم بيدرسوا العرض المقدم من شركة فالكون للخدمات الأمنية (الشركة اللي فيها رجال داخلية ومخابرات سابقين، وتتولى تأمين الجامعات، واشترت مؤخراً قناة الحياه) ومن 4 شركات تاني ماقالش أسمائهم.

- لحد بداية نوفمبر كان كل التسريبات عن تولي شركة فالكون، فجأة تم الاعلان عن توقيع العقد بين رئيس الشركة القابضة لكهرباء مصر، المهندس جابر دسوقي، و "رئيس شركة شعاع للخدمات العامة" .. الخبر نزل كده على كل المواقع، بذكراسم رئيس شركة الكهرباء فقط، بينما رئيس شركة شعاع شخص سري محدش يعرف اسمه، والشركة نفسها جديدة تماماً اسمها يظهر للمرة الأولى!
- جريدة المصري اليوم كانت نشرت في سبتمبر الماضي خبرنقلاً عن مصدر مجهول بوزارة الكهرباء ان التفاوض جاري مع "مسؤولي شركة خاصة جاري تأسيسها تتبع احدى الجهات السيادية"، اللي واضح انها هيا شركة شعاع، وطبعا محدش ذكر دي أنهي سيادية بالظبط . أمن وطني؟ مخابرات عامة؟ حربية؟ رئاسة؟
****

إيه بنود التعاقد؟
- حسب المنشور بجريدة الأهرام الحكومية الشركة هتاخد رسوم 155 قرش على كل فاتورة بالاضافة إلى 14% ضريبة القيمة المضافة، والفلوس دي سيتم خصمها من رسوم خدمة العملاء في الفاتورة اللي طبيعي بيدفعها المشتركين.
- العقد لقراءة العدادات فقط مش تحصيل الفواتير.
- في سبتمبر الماضي كان الكلام إنه هيتعمل عقد مبدئي هتكون لقراءة مليون ونصف عداد لمدة 6 أشهر ثم تقييم التجربة، لكن لما تم التوقيع ظهر إن العقد هيكون لمدة 3 سنوات شاملاً كل العدادات على مستوى الجمهورية، والمرحلة الأولى اللي تبدأ بنهاية ديسمبر الحالي 7.5 مليون عداد.
- الوزارة عندها 9 شركات توزيع كهربا، وهيتم تطبيق المرحلة الأولي في قطاع كامل بكل شركة منهم.
*****

ليه التعاقد مع شركة جديدة، والوزارة عندها محصلين وقارئي عدادات؟

- الوزارة بتقول ان عندها عجز في عدد المحصلين وقارئي العدادات، ومحتاجة ناس جديدة تشتغل أد العدد الموجود حاليا اللي هوا 10 آلاف موظف، وفي نفس الوقت عندها مشاكل مع المحصلين القدام اللي شايفة انهم مش بيحصلوا المبالغ المطلوبة.
- لكن في نفس الوقت الوزارة بتستهدف التوسع في خدمة العدادات مسبقة الدفع وفي المستقبل العدادات الذكية، بحيث على المدى الطويل متحتاجش محصلين، وبالتالي مش عايزين يعينوا حد حالياً.
- المحصلين عندهم تخوفات، مدعومة باجراءات ضدهم مؤخرا، زي ما حصل لبعضهم اللي وصلوا لخصم نص رواتبهم السنة الماضية، لما الوزارة خدت قرار انها تخصم من مرتب المحصل نسبة الفواتير اللي ماكملش تحصيلها، يعني لو مثلاً حصل 70% من الفواتير اللي معاه يبقى هيتخصمله 30 % من المرتب، حسب ما قال واحد من المحصلين لجريدة الوطن.
- المحصلين بيشتكوا من اعتداء بعض المواطنين الغاضبين عليهم لدرجة السلاح الأبيض دون حماية، ولو اتسرق منهم قيمة التحصيل الشهري اللي ممكن تصل لمئات الآلاف بيتحملوا وحدهم المسؤولية.

- هل فيه مشكلة تحصيل من المواطنين فعلاً؟
واقعياً مفيش!
حسب البيانات الرسمية اجمالي المتأخرات 22 مليار جنيه، 80% منهم جهات حكومية.
نسبة تحصيل الفواتير خلال 9 أشهر (يوليو 2016 – مارس 2017) كانت 94.4% من المنازل والمحلات التجاري، بينما كانت 24.3% فقط من الجهات الحكومية، منها مثلاً شركات المياه والصرف الصحي دفعت فقط 32.4% من فواتيرها.
يعني رسمياً الحكومة هيا سبب خسائر الشركة الحكومية، ويعني المحصلين وقارئي العدادات والمواطنين في البيوت مش هما الأزمة هنا.
*****

إيه المشاكل في الكلام ده؟

- أولاً هل حد حسب التكاليف؟ رسميا مصر فيها 33 مليون عداد، منها 3مليون و750 ألف بالكارت مسبق الدفع . بحساب تقريبي 30 مليون عداد يعني شركة شعاع هتاخد 45 مليون جنيه في الشهر، يعني نصف مليار سنوياً، مليار ونصف جنيه في 3 سنوات.
هل فعلاً ده أرخص من كلفة تعيين قارئي عدادات جدد؟! هل فعلاً فيه تصور زمني للتحول من العدادات القديمة للذكية، وبالتالي هيكون تعيينهم معدوم الجدوى خلال كام سنة؟
وللا الحكاية أولويتها ان الشركة دي تكسب، والوزارة تكسب رضا "الجهة السيادية"؟
- ثانياً: لو فعلا الموضوع له حاجة برضه ده مال عام في خدمة عامة، ليه تعاقد مباشر مع شركة خاصة ليها وضعية تفضيلية؟
سيد عبدالونيس، نائب رئيس شعبة الأمن والحراسة بالغرفة التجارية بالقاهرة، كان قال للبوابة نيوز ببداية نشر الأخبار ان دي مخالفة قانونية، لأنه طبقا للقانون 89 المنظم للمناقصات والمزادات، مفروض الجهة الحكومية تعلن في الصحف الرسمية عن حاجتها لخدمة كذا بشروط كذا، فتتقدم الشركات للتنافس والوزارة تختار بشفافية الأعلى جودة والأرخص سعراً، لكن اختيار شركة بعينها بدون إعلان غير قانوني.
- ثالثاً: يعني إيه "جهة سيادية" أصلاً؟ ليه مش بيقولو اسمها؟ .. و"الجهة" دي يعني ايه تملك شركة خاصة؟ يعني ورق الشركة مكتوب فيه اسم الجهة ولا مكتوب فيه أشخاص تبعها؟ والأرباح دي كلها هتروح فين بالظبط؟ مهو لو دي شركة حكومية هنقول الفلوس رايح خزانة الدولة برضه، لكن دي وضعها شركة مدنية خاصة، يبقى فلوسها رايحة لأشخاص ولا إلى "الجهة السيادية"؟ مين بيراقب ده؟
- طبعاً كده مفروغ منه نشير لأنه إذا كان الكلام في الاول على قراءة مليون ونص عداد، ووقت التعاقد بقوا 7 مليون ونص كمرحلة أولى، فده معناه ان الطرفين عاملين حسابهم ومستعدين من الأول لأن مفروض التدريب هيبدأ فوراً لينتهي خلال شهرين يعني الشركة وظفت الناس بالفعل من قبل التوقيع.
- لو عدينا كل اللي فوق، ليه متمش التعاقد مع الشركة الجديدة على مهمة التحصيل، خصوصا انها المهمة الأصعب، والمحصلين بيشتكوا من الاعتداء، وانت جايب شركة تابعة "لجهة سيادية" فمفروض انها تقدر توفر تأمين أحسن لموظفيها، ليه اسندت ليها المهمة الأسهل؟
*****
- اللي حصل مع شركة شعاع نموذج صغير لظاهرة بتتوسع في كل المجالات . الجيش أو "الجهات السيادية" تاخد التعاقدات الحكومية بنفسها أو عبر شركات مدنية تملكها أو تديها من الباطن لشركات خاصة عادية، ده حصل مثلا مع وزارة الصحة لتوريد حاجات المستشفيات، وزارة التعليم لبناء المدارس، وزارة التموين لعمل الكروت الذكية، وغيرها أمثلة كتير لحد ما وصلنا دلوقتي لقارئي عدادات الكهرباء!
- لو تجاوزنا أسئلة كتير عن الجدوى الاقتصادية، ازاي المؤيدين للمسار ده شايفينه طبيعي ومنطقي؟ هل ده بيحصل في أي مكان في العالم؟ وواضح جدا الأسباب السياسية قبل الاقتصادية في اختيار الاستغناء عن مؤسسات الدولة القائمة وعن القطاع الخاص القائم لصالح هذا التوسع كأولوية.

سيكو سيكو

اليوم السابع | تأجيل طرح الهاتف المصري "سيكو" لمنتصف يناير2018 بعد سرقة أول شحنة من البطاريات

طيب ماتيجي نفكر صح مرة،
احنا ننزل بالموبيل من غير بطارية و لو مفيش بوردة ما يضرش، ونعطش السوق للبلاوى دى، يقوم الواد سامسونج بتاع البطاريات منتهز الفرصة ويبتدي يبيع فى البطاريات اللى سرقها، نقوم ماسكين اى حد معاه سامسونج او اى فون او سونى بالبطاريات بتاعته تلبس ونلم بعدها الاجهزة دى من السوق و نوعدهم بالسيكو سيكو ثريبا ونلغي فكرة الموبيل بتاعنا ده اساسا لانه اكيد هيبقي زبالة الزبالة.

رفع الدعم

وزير الكهرباء: رفع الدعم كاملا عام ٢٠٢٢ ، و بالمناسبة دى استغل الفرصة لأبلغ تحياتي لأمي الله يرحمها و ابويا الله يفك حبسه قال تيران و صنافير مصرية واخواتي الاتنين فى المعتقل قالوا القدس عربية، وجدي و جدتي و عمي و عمتي و خالي و خالتى و جوزها الله يرحمه و ابناء عمي و بنات عمي و ابناء خالي و بنات خالي و ابناء عمتي و بنات عمتي و ابناء خالتي و بنات خالتي و جيرانى القدام و جيرانى الجداد و احبائي و أعدائى و الابلة بتاعتى في ابتدائى و مستر بلالا استاذ الانجليزى فى اعدادى، و البقال اللى على الناصية، و اللبان و الجزار و الخضرى، و عم زينهم بتاع السجاير الفرط، و عبعاطى بتاع الكفتة و بلحة بتاع الترعة، فيفى عبده و دينا و عمرو دياب، و كين هو فى الصين، و فخامة الصول مجدى فى قسم الشرابية،  و الجالية النيجيرية بالقاهرة و جالية غينيا و توجو، و مخترع الموبيل و مبتكر اللاب توب، و الفراعنة و الرومان و الاغريق ، و سكان المريخ و المشترى، و اصدقائى من العصر الحجرى و الجليدى، و اقولهم فاتورة الكهربا اللى كانت ب ٢٠ جنيه و بقت ب ٣٠٠ جنيه و كل دة و لسه ما اترفعش عنها الدعم ، غطونى و صوتوا.

بلحة فى روسيا

بلحة راح زيارة لروسيا، بيسأل بوتين، ازاى بتختار الوزراء فى الحكومة و يكونوا اذكياء كدة؟
ﻓﺄﺟﺎﺑﻪ بوتين : سهلة جدا، شوف معايا اللى هايحصل. و قام منادى ﻋﻠﻰ ﻭﺯﻳﺮ ﺍﻟﺪﺍﺧﻠﻴﺔ ﻓﻼﺩﻳﻤﻴﺮ ﻛﻮﻟﻮﻛﻮﻟﺘﺴﻒ، ﻭﻗﺎﻝ ﻟﻪ:
"ﻓﻼﺩﻳﻤﻴﺮ هاسألك  سؤال، لو جاوبت غلط تسيب الوزارة و لو جاوبت صح تفضل وزير داخلية لحد ما تموت.
ﺍﺑﻦ ﺍﻣﻚ ﻭ مش ﺃﺧﻮﻙ، مين هو؟
رد ﺍﻟﻮﺯﻳﺮ : ﺳﺆﺍﻝ ﺳﻬﻞ ﻳﺎ ﺳﻴﺪﻱ ﺍﻟﺮﺋﻴﺲ ... ﺇﻧﻪ ﺃﻧﺎ
قام باصص ﺑﻮﺗﻴﻦ لبلحة ﻭﻗﺎﻝ ﻟﻪ : شفت وزرائى ﺃﺫﻛﻴﺎﺀ ﺑﺎﻟﻔﻄﺮﺓ.
لما رجع بلحة مصر قام مستدعى مجدى بتاع الكفار قصدى عبد الغفار و قال ليه، هاسألك سؤال لو جاوبته غلط هاتسيب الوزارة و لو جاوبته صح هاتفضل فيها لحد ما تموت.
ابن امك و مش أخوك، مين هو؟
ﺑﺪﺃ مجدى يعرق ﻭ قال لبلحة ادينى ﺃﺳﺒﻮﻉ و انا اجاوب ﻋﻠﻰ ﺍﻟﺴﺆﺍﻝ ...
راح لرئيس الوزرا و سأله ماعرفش، سأل لاميس و بقرى و احمد جاموسة ماعرفوش. آخر ما زهق استنجد بوزير داخلية امريكا و قاله عندى سؤال صعب، ابن امك و مش اخوك، يبقى مين؟ 
جاوب ﺍﻟﻮﺯﻳﺮ ﺍﻷﻣﺮﻳﻜﻲ : ﺳﺆﺍﻝ ﺳﻬﻞ جدا،  ﺃﻧﺎ طبعا

قام راجع مجدى لبلحة ﻓﺮﺣﺎﻥ، ﻭﻗﺎﻝ ﻟﻪ : ﻋﺮﻓﺖ ﺟﻮﺍﺏ ﺍﻟﺴﺆﺍﻝ ﻳﺎ ﺳﻴﺪﻱ بلحة،
سأله بلحة و ايه الإجابة
بكل ثقة قام قايل : ﻭﺯﻳﺮ داخلية ﺃﻣﺮﻳﻜﺎ ﺭﻳﻜﺲ ﺗﻴﻠﺮﺳﻮﻥ
قام بلحة طالع فيه و قاله تقدم استقالتك بكرة الصبح :  ﻳﺎ ﺣﻤﺎﺭ، الاجابة ﻭﺯﻳـﺮ ﺩﺍﺧﻠﻴـﺔ ﺭﻭﺳﻴﺎ ﻓـﻼﺩﻳﻤﻴـﺮ ﻛﻮﻟـﻮﻛﻮﻟـﺘﺴﻒ.

 

الارهابيين بيضربوا مسجد الروضة

ناس كتير مستغربة ان العملية الارهابية اللى استمرت اكتر من نصف ساعة فى قرية الروضة مفيش و لا عسكرى جيش و لا داخلية اتحرك يدافع عن الناس دى، طبعا الجيش حاول على قد ما يقدر

حول، هل تسمعني، اسد ينادي نسر، من اسد الي نسر، فيه ارهابيين بيضربوا مسجد الروضة جنبنا.

من نسر الي التنين المجنح، فيه ارهابيين بيضربوا مسجد الروضة جنبهم، حول

من التنين المجنح لكلب البحر ف القاهرة، فيه ارهابيين بيضربوا مسجد الروضة عند أسد فى العريش، حول 

كلب البحر يعرض ع المسئولين، المسئولين يجتمعوا و الاجتماع يطول، و ياخدوا قرارات كتير،

يقوم ايه
كلب البحر يرد ع التنين المجنح
والتنين المجنح يرد على نسر
و نسر يرد على أسد
تكون اسرائيل احتلت سينا و الارهاب فى القاهرة و اثيوبيا قطعت المية و الجمبرى اتقشر لوحده.

بتفكروا ازاى

السيساوية دول فاهمين الكون غلط بجد،

الاسعار كل ما تغلى يقولوا تصب فى مصلحة المواطن...

وكل ما يحصل تفجير ارهابى يموت فيه ابرياء يقولوا الارهاب بينهار و يأس من قوة جيشنا و شرطتنا...

وكل ما الدولار يغلى و الجنيه يتنيل بنيلة يقولوا الاقتصاد بيتعافى ....

و الاهم من كل دة اننا بنحارب الارهاب اللى بينهار فغصب عننا بنصب فى مصلحة المواطن عن طريق تعويم الجنيه.

ضريبة الجهاد

لما تتفرج على عمرو أديب و تلاقيه بيطلب فرض “ضريبة الجهاد” لدعم أسر الشهداء

You feel like
ماتيجى تركبنى احسن  يا عمرو، لابجد تعالى اركبنى وهات لاميس تركبنى هى كمان وهات الإبراشي بالمرة من الاستوديو اللى جنبكوولو قابلك تامر أمين هاته هو والعيال يركبونى.

تعليمك رخيص

كائن تعليمك رخيص ..
عامل زي المغناطيس
بتجذب
بتكذب
على الناس اللي من طينتك
عشان تسخنهم بالغباء والجهل ..
كائن لا ليك ملة و لا ليك أهل
بالنسبه لينا انت شمعه مطفية
في اوضه ضلمة
لا ليك حس ولا منك فايدة
شاغل مساحة
وبالأباحه عايز تقنعنا انك منور
حاسب بس تتهور
وتحاول تنور شمعتك
لتكون دي اخرتك
مولع في نفسك
وحارق روحك بتفدي الوطن
وانت اصلا جيفة و عفن.

زيتنا فى دقيقنا

المصريين طول عمرهم ملطشة اللى رايح واللي جاي، اللى داخل التاريخ و اللى خارج منه، الهكسوس والفرس والليبيين والرومان والاغريق والأتراك والمماليك  والانجليز والفرنسيين و محمد على الالبانى والاسكندر المقدونى، حتى إسرائيل كلهم ما شاء الله كانوا بييجوا عندنا يعلموا علينا و يمشوا، لحد ما الحمد لله الجيش صحصح اخيرا وقال طب ونسيب الغريب ليه يعلم علي الشعب المصرى، احنا نعلم عليه احنا ويبقي زيتنا في دقيقنا.

الجزء الثانى من صعيدى فى الجامعة الأمريكية

محمد هنيدى بيقول انه هايعمل جزء تانى من صعيدى فى الجامعة الامريكية ، بس الغريبة  ان كل حاجة اتغيرت

بعد السلام الدافئ العلم اللى هايتحرق علم حماس

ماحدش هيبيع كاسيت علشان يقف جنبك ..الناس بتبيع عيالها و ذمتها و اعضاءها دلوقتي علشان ياكلوا

اللي كانت بتغني و ترقص في الاعلانات بقت الأم المثالية و حجت بيت ربنا و بتقدم برامج ..

سمارة الجيش استولى ع العوامة اللى عايشة  فيها و طردها فى الشارع علشان يعمل مشروع جديد

سراج بقى عضو مجلس شعب و بيطبل ع الفضائيات ..

الواد اللي كحرتك هو و ابوه و امه سابوا البلد ..

احمد بتاع المظاهرات في المعتقل علشان كان رافض يتنازل عن ارضه فى قضية زعزعة امن الدولة علشان تيران و صنافير  ..

أمينة فى محكمة زنانيرى بالعيال بتخلع جوزها

سيادة خدت طلقة فى دماغها و هى واقفة ببوكيه ورد فى وسط البلد

يا ريت نظبط الاحداث على التغييرات اللى حصلت .

افتتاح متحف للسعودية بالقرية الفرعونية

طبعا بعد افتتاح متحف للسعودية اللى تم معرفتها كمملكة سنة ١٩٣٢ و كانت التكية فى مصر بتأكل اهلها ساعتها قبل اكتشاف البترول ، و طبعا المتحف دة  هايحكى عن انجازات ابو لهب فى مسانده الاسلام قبل غزوة بدر ،  وكيفيه إداره ابوجهل لحكم قبيله قريش والاعتماد على عباده الاصنام لزيادة الدخل القومى للفرد و رفع مستوى المعيشة ، ولا ننسى الدور الرئيسى لعبدالله ابن سلول فى توظيف الدور الاعلامى للدوله واعطاء المائة ناقه اكبر جائزه للعرص الاكبر إله المحن عند قدماء المصريين و الدخيل على قبيلة قريش ،
يعني فى المتحف يحطوا هياكل واصنام بني سلمان ونتعرف عليهم من الجد الى الولد ونتعرف على انجازات كل واحد منهم ، من إزازة الويسكى فى لندن ، للبكينى فى تيران و صنافير ، و سمعنى أحلى سلام و العنب العنب العنب.

رسالة الى السيسى

انا مش هخش معاك شمال، ومش هتغابي عليك، انا هتكلم معاك بكل ذوق وادب ووقار واستهبال واستعيال و نووى و حموى و شركسي و ابو الغيط، اللى انت بتعمله دا ياشبح ماينفعش ، ومش هاقولها تاني ، اللى انت بتعمله دا يا شبح ماينفعش، ليه بقى ياشبح ماينفعش ؟ ببساطة و بكل ألاطة علشان مفيش حد بيعمل اللى انت بتعمله، لو كان فيه حد بيعمل اللى انت بتعمله، كان نفع، انما مفيش حد بيعمل اللى انت بتعمله ، فماينفعش ومش هكررها تاني، لو لقيت حد بيعمله يا شبح إبقي اعمله براحتك ، ماحدش هايكلمك، وساعتها اعرف انه ينفع، لكن انت مش هاتلاقي حد بيعمله ، فماينفعش، لو جينا نبص ع الموضوع من زاوية تانية هانلاقيه مدور لكن هو نفس الموضوع، الموضوع الي يعرفك ان اللى انت بتعمله ماينفعش عشان مفيش حد بيعمل زيك ، فأركن على جنب و كفاية حوارات.

رفع الدعم

الحكومة للمواطن
انت مالكش حقوق هنا ، احنا لميناك م الشوارع و من صفافيح الزبالة ،
انت لقيط
لقيط
لقيط
لقيط
احمد ربنا اننا ربيناك لحد ما كبرت يا لقيط.

و احنا قاعدين

دخلوا ع الكمين و احنا قاعدين ، ضربوا نار ، و احنا قاعدين ، قتلوا ٥ و احنا قاعدين ، و خدوا سلاحهم و احنا قاعدين ،انما احنا بصراحة ما سمحناش انهم يولعوا فى الجثث و اتحركنا و لحقنا الجثث ، قال ايه الشعب يمنع الارهابيين من احراق جثث القتلى ، ام هند ، رسالة لشعب مصر
يا شعبى الحنون الصبور المهاود
الشعب اللى مش عارف يحمى شرطة مش عارفة تحمى نفسها و لا تحميه ما يستاهلش الامن و الأمان اللى بتسهر الشرطة اللى مش عارفة تحمى نفسها و لا تحميه علشان يحس بيه.
و ابقى سلملى على جوزك يا اسماعين بيه.

ثانوية عامة

بتوع ثانوية عامة و الاوائل ع الجمهوكية ركزوا شوية علشان مجموعكم ده هو اللي هيحدد مستقبلكم
لو انت ٩٥٪‏ السباك هايقولك يا دكتور
لو انت ٩٠٪‏ النجار هايقولك يابشمهندس
لو انت ٨٠٪ الكهربائى هايقولك يا متر
لو بقى ٥٠٪‏ مش بعيد تبقي انت رئيس مصر القادم و تخربها اكتر ماهى خربانة و ماشية معاك اسهال.

المصلحة

أنباء عن اصدار السيسي قرار جديد الخميس القادم يصب في مصلحة المواطن .
و الحكومة تناشد شعب مصر تجهيز المصلحة و غسلها كويس علشان ياخد فيها على نضافة

ام الدنيا

فقط في ام الدنيا

لما يوصل ﺷﺨﺺ بتكرهه اوى
صاحبك يقولك : حبيبك وصل

لو قالوا : ﻓﻼﻧﺔ ﺧﻠﻔﺖ
تلاقى واحد بيقول  : ﻣﺎﺷﺎﺀ ﺍﻟﻠﻪ هي ﻛﺎﻧﺖ ﺣﺎﻣﻞ !
ﻻ عملتله داونلود .

لو ضاعت ﻣﻨﻚ حاجه ﻭﺃﻧﺖ بتدور عليها
اول سؤال تتسئله إﻧﺖ كنت حاططها فين ؟

ﻛﻠﻤﺔ ( ﻳﺎ ﺫﻛﻲ ) معناها ( ﻳﺎﻏﺒﻲ )
ﻭﻛﻠﻤﺔ ( مابدري ) معناها ( كل دة تأخير )
ﻭﻛﻠﻤﺔ ( ﺻﺪّﻗﺘﻚ انا ) معناها  ( شوفلك كدبة غيرها )

يوﻗﻔﻚ الضابط فى الكمين ﻭﻳﺎﺧﺬ ﺑﻄﺎﻗﺘﻚ ﻭيبص ﻋﻠﻰ إﺳﻤﻚ ﻭﺻﻮﺭﺗﻚ
ويبصلك ﻭ يسألك ﺃﻧﺖ ﻓﻼﻥ ؟
- ﻻ ﺃﻧﺎ خالته

لو ﺳﺄلت فين ﻓﻼﻥ
يقولك : في جيبي..

يتصل ﻋﻠﻰ ﺗﻠﻔﻮﻧﻚ ﺍﻷﺭﺿﻲ ﻭيسألك : إنت فين ؟
في اﻟﺴﻮﻕ بس السلك عندنا طويل شوية  .

ﻭﺍﻗﻒ ﻋﻨﺪ ﺍلأسانسير في الدوﺭ ﺍﻷﺭﺿﻲ ﻭيسألوك : ﻃﺎﻟﻊ ﻓﻮﻕ ؟
لأ مستني ﺍﻟﺸﻘﻪ ﺗﻨﺰﻝ

ﺇﺫﺍ ﻧﺎﺩﻳﺖ ( ﻳﺎ ﺣﻤﺎﺭ ) في الشارع ، كل الناس تبصلك !!
ﻣﺎ ﺷﺎﺀ ﺍﻟﻠﻪ كلهم ثقة

ﺍﻟﻄﻔﻞ ﺍﻷﺟﻨﺒﻲ لو امه ﺿﺮﺑﺘﻪ : تحصله صدمه نفسيه ﻭ يتعقد
وإﺣﺘﻤﺎﻝ لما ﻳﻜﺒر يبقي ﻣﺠﺮﻡ
ﺃﻣﺎ ﺍﻟﻄﻔﻞ المصري :
امه تضربه , يجري ﻭ ﻫﻮ ﻳﻀﺤﻚ ﻭ ﺑﻴﻘﻮﻝ : ﻣﺎ وجعتنيش

يشوفوا عربيتك مخبوطة يسألوك : ايه دة ، عملت حادثة ؟
ﻻ ﻭﺍﻟﻠﻪ دة ميك أب

وإﻧﺖ في السرير ﻣﻐﻤﺾ
يسألوك : عايز ﺗﻨﺎﻡ ؟
ﻷ ، باقول حاجة للسرير

ﻃﺎﻟﻊ ﻣﻦ الجامع
يسألوك الصلاه خلصت ؟
ﻷ الإﻣﺎم مدينا راحة ساعتين