فرافيروووووووووووووووووووو

فرافيرو

من فريق لمشير

فرافيرو

جايب طراطير

فرافيرو

نط على الكرسى

فرافيرو

جاب و عزل مرسى

فرافيرو

معاه محلب يا ولاد

يسلق قوانين

و كله بميعاد

فرافيرو

راح الاتحادية

عايش حياته

دة مية مية

فرافيرو

سهوكة و تسبيل

فرافيرو

نحنوح و تقيل

فرافيرو

ع القصر طيران

اصل انتخبه

انس و جان

فرافيرو

منحوس منحوس

ماشى وراه

خرفان و جاموس

فرافيرو

طرطور بالدستور

فرافيرو

عايش فى الدور

فرافيرو

منك لله

خليت

عقل الواحد تاه

فرافيرو

دى نهايتك هانت

ما هى خلاص

لبتك بانت

فرافيرو

مشنوق فى ميدان

متعلق و فى خبر كان

روبا بيكيا

الغازية لازم تنزل

أنا رأيي نلغي نتيجة انتخابات الرئاسة

و نأجر البلد مراجيح

و الدنيا زي المرجيحة
من تحت لفوق

و الغازية لازم تنزل

و ظلموه

و سمعني سلام كبير أوي

أنا شارب سيجارة بني .

روبا بيكيا

يسقط حكم العسكر

يسقط يسقط حكم العسكر

اللعبة إتلعبت حلو أوي و الشعب شربها ، بس هارجع و أقول الشعب مش هايصبر تاني 30 سنة على حد ،

اللى صبر 30 سنة على مبارك , ما استحملش طنطاوى غير سنة و نص , و ما استحملش مرسى غير سنة ,

الطوفان قادم و الجوع كافر

و كله هايتحاسب و حق الشهيد راجع راجع بالذوق بالدم راجع ،

و فيه بدل الشهيد ألف شهيد جاهزين ، مش هانتأخر .

يسقط يسقط حكم العسكر

مكملين

روبا بيكيا

سيكى واوا

سيكي واوا سيكي واوا

سيكي سيكي وا

سيكي واوا سيكي واوا

سيكي سيكي وا

يطلع فضائيات

يتكلم في انتخابات

و انا بقيت رئيسكم عافية

انتخبوني الألفات

سيكي سيكي

سيكي وا وا

سيكي واوا سيكي واوا

سيكي سيكي وا

سيكي واوا سيكي واوا

سيكي سيكي وا

عمال يقتل ناس

عمال يحبس ناس

يطلع يتنحنح

كدة و يسبل دة عديم الإحساس

منافق كدة كداب

خلي العيشة هباب

قطع المية و قطع النور

التعبان الدحلاب

سيكي سيكي

سيكي وا وا

سيكي واوا سيكي واوا

سيكي سيكي وا

سيكي واوا سيكي واوا

سيكي سيكي وا

بس طلع تلميذ

خلعه قريب و لذيذ

هايعلق و هايتخوزق

كدة في اي ميدان

خلي سهوكته

و كام رقاصة

يعيشوه في أمان

سيكي سيكي

سيكي سيكي وا

روبا بيكيا

الموضوع سهل

الموضوع اسهل مما تتخيلوا ،
خطة نظام مبارك عبارة عن مراحل ، شعب أسقط النظام ، مبارك سلمها لمجلس عسكري ،
المجلس العسكري قتل و سحل و كشف عذرية و إعتقل ، بس الشعب خلاص زهق من العسكر و عايز حكم مدني ،
المجلس العسكري سلمها للإخوان علموا الشعب الأدب و قال دة العسكر رحمة عن الإخوان ، و عايزين العسكر ،
جه السيسي وجه جديد لحكم العسكر ، و الشعب بقي النسبة المؤيدة لحكم العسكر بتذيد ، بس لسه مش مقتنع بعودة نظام مبارك ،
أعتقد السيسي مش آخر جزء في الخطة ، لأن الخطة ان الشعب يطلب نظام مبارك و يستسلم ليه و ينسي حاجة اسمها ثورة و ساعتها بديل مبارك يستلم البلد بيضة مقشرة بدون أي معارضة .

السيسي مجرد كارت بيتحرق مش أكتر ، و لسه الخطة شغالة لإنقاذ نظام مبارك ، بأذرعه عسكر و فلول و إخوان و تقسيم التورتة بينهم بموافقة الشعب .
السيناريو هايفضل يتعاد حتي تصل المعارضة إلي ٠% .
و ساعتها تبقي الخطة نجحت .

روبا بيكيا

دبلومة فى اسقاط الطراطير

بقيت أسمع الكلمة دي كتير ،
خلينا نشوفه هايعمل إيه و بعد كدة نحكم عليه .

إمضاء
دعاة الإستيكرار

الفيلم دة أنا شفته فين قبل كدة ؟

البسوا بقي علشان نازلين نوقفلهم عجلة الأنتاج .



روبا بيكيا

ماجيستير في عدم الاستيكرار
دكتوراه في توقيف عجلة الانتاج
دبلومة في اسقاط الطراطير

الدعوة للاتحاد مع الاخوان

أنا ملاحظ تزايد الدعوات للإتحاد مع الإخوان تاني ، و ملاحظ إن فيه كيانات أصلا مسيطر عليها الإخوان بتدعوا لكدة ،

بس عندي سؤال
هدف الإخوان من نزولهم إيه ؟
الشرعية و عودة مرسي

هل انتم هدفكم الشرعية و عودة مرسي ؟
أكيد لأ

يعني الأهداف مختلفة ، يبقي الطريق مش واحد .

ما ننكرش إن قيادات الإخوان بانتهازيتهم و غباءهم هما سبب إللي إحنا وصلناله و كان أول فصيل يبيع الثورة .
و طبعا ما ننساش الداخلية ما ضربتش خرطوش و يا مشير انت الأمير و إللي ضد مرسي كافر و الدم إللي في الإتحادية و المقطم و إلي الجهاد ،

عامة الخلاصة
قدامكم يا إخوان حل من إتنين

اولهم الإعتراف بفساد قياداتكم و بتفاصيل صفقتهم مع العسكر و التبرؤ منهم ، و نسيان الشرعية المزعومة و نسيان مرسي و المطالبة بأهداف الثورة و حق الشهيد و ذلك في بيان رسمي من شباب الجماعة يتم نشره .

أو خليكم كدة قياداتكم في سجون ٥ نجوم و انتم بتموتوا في الشوارع علشان شرعية في دماغكم انتم بس ،
انا عارف ان فيه ناس مننا متعاطفين معاكم بس دول مش حاجة قصاد قوي الثورة و انتم عارفين كدة كويس .

فوقوا أو إدفعوا التمن لوحدكم ، و علي فكرة انتم مش فارقين مع قياداتكم حاجة .

دة إللي عندنا و عرضنا عليكم قبل كدة و رفضتم و برضه متمسكين بالشرعية ، دي آخر فرصة و الكورة في ملعبكم .

روبا بيكيا

قررنا نحن نقابة الحانوتية

قررنا نحن رئيس نقابة الحانوتية الشهير برئيس الجمهورية الموكوسة , اللى كان اسمها المحروسة ,

يا شعبى الحبيب الصبور المهاود

قررنا نحن الرئيس بعجر المفش بعد نجاحى فى الانتخابات الرئاسية باكتساح حلزونى منقطع النظير و الغفير و الوزير . و بعد ان انتخبنى القليل من الأنس و الكثير من الجن , علشان ماحدش يقول اللجان كانت فاضية , اللجان كانت مليانة جن و شياطين بس انتم ما شوفتهمش .

- الغاء اكلة ام على و تغيير اسمها لتهانى , نظرا للدور البطولى لتهانى الجبالى فى ترسيخ الفكر اللولبى فى التخدير المحلبى .

- توزيع قاموس عربى - سهوكة , سهوكة - عربى على مواطنى الموكوسة ليفهموا خطابات المشير و نحنحته .

- الغاء الجنيه المصرى و تغييره الى عسكور , و ممنوع الفكة , لو حد اتمسك بيفك العسكور هايتحبس .

- الغاء ميدان التحرير و تحويله الى كباريه استعراضى راقص لذوات الأربع للأحتفال بتولى الريس بعجر الرئاسة .

- تغيير السلام الوطنى من بلادى بلادى الى مواطن و مخبر و حرامى .

- تغيير خانة النوع فى البطاقة الى ذكر , أنثى , دلدول ، رقاصة .

- قررنا تعميم الرقص فى الدارس ابتداء من المرحلة الابتدائية و ذلك لحاجة البلد الى جيل من الراقصات اللولبيات , و قررنا استيراد بدل الرقص و توزيعها مجانا علي كل فئات الشعب .

هذا و سوف يتم نشر هذه القرارات الهادفة فى الجريدة الرسمية لبلدنا الموكوسة .

و الله الموفق و المستعان ,

روبا بيكيا

دعوة على السيسى

الهى يا سيسى تبقى ماشى فى الطريق الصحراوى لوحدك ييجى اوتوبيس سياحى فاخر من بعيد بسرعة يكون سواقه أحول و ييجى يفاديك يقوم خابطك خبطة تحدفك 7 متر لقدام , تقوم تعرج و تبص وراك يقوم نفس الاوتوبيس السياحى الفاخر بنفس السواق يفهم انك هاتفاديه و علشان احول يخبطك تانى تترمى على الرمل جنب الطريق مغم عليك و مكسر , و بعدها و هو راجع من نفس الطريق الاوتوبيس السياحى الفاخر بنفس السواق الأحول ييجى جنبك و انت مرمي الكاوتش يفرقع و علشان السواق احول بدل ما يركن بعيد عنك يدوس عليك علشان يركب الأستبن , و بعد ما يخلص نفس الاوتوبيس السياحى الفاخر يدوس عليك بال 4 عجلات بتوعه و يفرمك تحتيه قبل ما تخش الاتحادية ,
قولوا آمين .

روبا بيكيا

الريس بلاميطة

 خرفان أي حد يركنوا علي جنب شوية ، خصوصا خرفان الريس بلاميطة ، الريس بلاميطة دة حكايته حكاية ، طلع كدة كدب و محلسة و سهوكة و نحنحة ، لا برنامج و لا حلول و لا أي حاجة ابدا ،
و قامت الإنتخابات ، و كانت ليلة فاضية هو ، كانوا بينشوا ،
الريس بلاميطة شاف اللجان فاضية جاله اسهال مصحوب بإستبحس ضرب في خلايا الدماغ اللاسعة عنده و قام ضارب تليفون بس التليفون ما إتضربش ،
و الليلة يا عمدة ،
و بدأت الفرق الاستعراضية في النزول ، و بدأت بفرقة العالمة بلطية و بعدها فرقة سنية الغازية و قلبت من انتخابات نزيهة لهز وسط جمالات و فكيهة ،

بس دة مات ؟ و مفيش ناخبين
افتحوا الأنفاق
و املوا الصناديق أوراق ،

يا خسارة ، باظت البصارة ، ماهو يا ريس بلاميطة انت ذودت الملح أوي في الأكل و الكورة تايهة و الفريق إللي قدامك تعبان ،
و زهقان طهقان متضايق ،
بس الموضوع كبير و فيها إتحادية يا سنية ، عادي بقي نقلبها مهلبية تيجي معانا فل يا معلم ،
و نسلط عصابة المطبلاتية تشتغل علي كل فضائية و من قاتل و كداب و منافق يحولوه ملاك مرافق حورية ، و إتنحنح يا بلاميطة دي ليلة إللي جابوك مصدية ، ما هو إللي تأيده رقاصة آخرته مصاصة يا عنيا .
و مسيرك يا ملوخية تيجي تحت المخرطة .

النور قاطع
الله يخرب بيتك يا سيسي ، قصدي يا بلاميطة .

روبا بيكيا

انا اللى مش اخوان و انا اللى مش عسكر

أنا إللي مش إخوان
و أنا إللي مش عسكر ،

و السيسي زي إللي سبقه ،
برضه هيتأنطر ،

و مهما كنتوا كتير ،
أكيد أنا أكتر ،

و بكرة جاي جاي ،
طول ما إحنا بنفكر ،

روبا بيكيا
#ثوار_بلا_تصنيف

متراقبين

متراقبين متراقبين متراقبين

مش بقولك يا حبيبى متراقبين

انت عامل فيها عنتر

هاتبقى سجين

و اللى مع اوباما و كارتر

هو الأمين

اللى بيطلب حقوقه

و اللى نفسه العيش يدوقه

و اللى مش عاجبه حال البلد

من سنين

مش بقولك يا حبيبى

متراقبين

دة لسه

هانشوف سواد السنين

و ياما من ع الفيس

خدوا مساجين

مش بقولك يا حبيبى متراقبين

احنا أسفين يا صلاح

دة مش انا , دى صوابعى

هاتخلونا نغلط فى الراجل بقى

ما بنخافش يا ولاد المفكوكة

روبا بيكيا

الداخلية بتراقب الفيسبوك

مرة واحد متراقب ، قابل واحدة متراقبة ، حبوا بعض و إتجوزوا و عاشوا في تبات و نبات و خلفوا متراقبين و متراقبات بلغوا عنهم بعد ما اتولدوا .

روبا بيكيا

متراقب انا فى السيدة

متراقب أنا في السيدة ،
و حبيبي متراقب في الحسين ،
و علشان متراقبين كلنا ،
لازم نتراقب مرتين ،
في السيدة و سيدنا الحسين .

روبا بيكيا

تقدر أسيسى ؟

تقدر تنزل الشارع يا سيسي ؟ تقدر تقعد ع القهوة ؟

أنا بقي بامشي في الشارع وسط الناس و باقعد علي أي قهوة تعجبني و شيشة تفاح و أعيش بقي .

أسيسي تعا إشب شاي .

روبا بيكيا