ابـكـــى يـــــا مـــصــــــــر

ابـكـــى يـــــا مـــصــــــــر
واتلفحى ب
سواد
ما عادش فيكى
أمن
والفرح سعره
زاد
وديابة واقفة
بتعوى
ولحم ولادنا
ضاع
و طوفان شغال بيدمى
بيقول قولوا الوداع
ابكى على كل حاجة
ابكى و ما تخليش
ما بقاش فينا حاجة
و شعبك ما بيبكيش
مش فارق معاه ضياعك
و لا فارق اللى باعك
ابكى بدل دموعك دم
ابكى يا مصر
ابكى من الهم
ابكى و طلعى اللى فيكى
ما هو فيه ناس مش فارق معاها
و ناس نفسها حياتها تديكى
ابكى يا مصر
ابكى يا بلد
يمكن دموعك تمسح الذل
يمكن ناسك تفهم
و تقدر
انهم باعوكى
ابكى يا بلدى
ابكى على ولادك
كنتى فاكراهم ولادك
كنتى فاكرة ايه
دة الولد مات
و الدم فى الشوارع
و الحياة فيكى آهات
ابكى
ابكى يا مصر
فين دموعك
kanoun saksonia

توت توت وأهو كله تمام

توت توت
و اهو بكرة يفوت
و كل خروف
ليه عندى تابوت
توت توت
خرفان توهان
و معاهم
كتاتنى و عريان
توت توت
و رئيس دلدول
فوق منه
شاطر مخبول
و جماعة
ناقصيا ديول
توت توت
بيبيع و يأجر
بلد امه
و قرب يتفجر
خروف اهبل
عامل فيها عنتر
و آخرته ضرب النبوت
توت توت
طراطير طراطير
و الشعب
بيشيل بكتير
و بديعة
شغالة خوابير
و خابورك جاى م التحرير
توت توت
دى جماعة مخابيل
و هانزلزل كل الزلازيل
و لا نسيب
فيها المهاطيل
و نقول
اهى علقة تفوت
توت توت
و التعلب فات
و فلوطة
بيقول حكايات
و حجازى
فى الوهم يبات
يا شيوخ منصر
بمرشد زعبوط
توت توت
دى بلدنا غريبة
يا جماعة
عايشين فى زريبة
و بلدنا
دى مش نهيبة
و اهو كله
اتعلم مظبوط
توت توت
دة بالشلوت
توت توت
و السجن تابوت
توت توت
و اهو كله تمام
يا بلطية و عامل قرموط
kanoun saksonia

ارحل فى صمت

عند الرحيل

لا تضيع وقتك في البحث في أحشاء اللغة

لإنتقاء كلمات الحب أو الاعتذار او الوداع

فكل الكلمات التي تولد لحظة الفراق

إنما هي مجرد محاولات فاشلة لتبرير الرحيل

ارحل فى صمت

kanoun saksonia

اظلمنى

إظلمني

ظلمي هيسود حياتك

و هايطفي فرحتك

و يخنق ضحكتك

الظلم علقم

و دعوتي مُر

مصبوب فوق راسك
kanoun saksonia

مطلوبين والمكافأة حريتكم يا مصريين

مطلوبين مطلوبين مطلوبين
مطلوبين للعدالة يا مصريين
مطلوبين لأنهم خاينين
مطلوبين القتالين المرعوبين
مطلوبين و هما اصلا مش موجودين
بياعين و كدابين و منافقين
مطلوبين و المكافأة و لا حاجة
مطلوبين و هما اصلا ولا حاجة
مطلوبين للعدالة
و مش عايزة فيهم قوالة
مطلوبين الخرفان البياعين
و الخرفان مالهومش غير شيل الطين
مطلوبين و هما اصلا قتالين
مطلوبين و المكافأة حرية يا مصريين
المكافأة حريتكم يا مصريين
هاتوهم اصلهم مطلوبين
للعدالة مطلوبين
للدبح و القذارة مطلوبين
اصل البهايم فاكرين اننا نسايين
و اننا هايتضحك علينا بالدين
مطلوبين
مطلوبين و المكافأة حريتكم يا مصريين
مطلوبين هاتوهم ,
اصلهم مطلوبين
kanoun saksonia

فوق يا شعب من زيط ومعيط

نقول كمان
يا نظام جبان
و يا داخلية
و يا اخوان
نقول ظلموه
و طلعوا عين
اللى جابوه
عصرت لمون
طلع مجنون
م السجن
و قلت رئيس
يا شعب خسيس
يا شعب اختار
بين كلالا و بين متاعيس
يا شعب جبان
خايف من ايه
من حاجة اخوان
و اللى فيه فيه
دى جماعة خرفان
و كله خبر كان
و الجاى دة ايه
يا شعب عبيط
مش بالشخابيط
و لا بالنهضة
و زعيط و معيط
يا شعب ذليل
و جماعة مخابيل
و قلنا كتير
و عدنا كتير
نعم دى خازوق
و فيه مزنوق
يا شعب ضرير
سألنا كتير
و عدنا كتير
تجارة الدين
يا شعب لفين
تجارة الدين
دى للطراطير
يا شعب خلاص
و اخترت خلاص
كله خلاص
فى الترا با تيت
و سكر زيت
يا شعب غتيت
ما تفوق احسن
من زيط و معيط
kanoun saksonia

أرض الخرفان

ارض الخرفان و الاحباط و الاستعباط 
حين ترى اعداءك الخرفان ، 
و بلطجة و خيانة بيتوصف بيها شجعان، 
و شهامة بتملا كل ميدان ... 
مع قلة اصل من حراس الآمان .
و ترى فساد لسه ع السرير او العرش ... 
و الخير الكتير موجود و بيبلعه كام كرش ، 
بينما ولاد البلد الأصليين 
لخير بلدهم مش لاقيين ، 
و مع ذلك منهم اللى لسه 
لا بيهش 
و لا بينش .. 
لأ و ايه 
بييجى فى صف المتلون الواطى 
ابو الف وش و وش .
و يصدمك دستور اصلا غير دستورى 
بعد ما كنت بتقول الترتيب الضرورى ، 
و اذ به يخالف ذلك 
فى نوع من البجاحة اسطورى ... 
و الظريف ان اللى يوافق الأخطبوط 
على التواءه للإرداة الشعبية، 
هو ذات نفسه اللى بيتهم الناس 
بانهم لا يعترفون بالديموقراطية .... 
غطينى وصوتى عليا يا و لية , 
دة احنا وقعنا فى ملقف 
شيوخ منصر و حرامية .
و لما تلاقى مواطن شريف 
بيهجم بالسنج و الطوب و الخرطوش و الحى 
على متظاهر غير مسلح 
عايز البلد يبقى نضيف ، 
و الإعلام الرسمى الخرفانى 
يسمى الأولانى 
مواطن شريف ... 
و اللى يطبل مع صاجات الإعلام 
جرنال جماعات كانت بتقول 
انها عانت الإضطهادات ، 
جماعات بقى عقلها خفيف , 
قلبوا الربيع لخريف 
كل ده لازم يخليك تاخد لحسة من عمق الدماغ وتفرشها على سطح خلايا الدماغ اللاسعة من اللاموضوعية المنتشرة ... و هوبا قوام تلاقى التهييس ابتدى ، بعدها يملأ التفاؤل جنابك كلها .
اصل الشعب اللى فى جيناته الف حكاية عن الفروق بين الفيل والنملة، واللى منه راجل عجوز فى عز الضرب فى الميدان ماشى بازازة حاجة ساقعة ، و بيرشها فى وش الناس لجل ما يروح تأثير الغاز .. و هو بيقول: الثورة دى برعاية كوكا كولا ..
الظريف ان كرسى السلطة والشهرة بيصيبوا اللى قاعد عليهم بالغبا ... بيفتكر انه ممكن يضحك علينا بنفس الطريقة كل مرة ... ايشى فلول و ايشى النظام القديم و ايشى اطراف تالتة و ايشى مزايدات فارغة و لا استخدام "شرع الله" و كإننا كنا فى الجاهلية ، او كأن الإيمان محتاج يظهر فى لبس او شعار مش يبقى فى القلوب ، و يظهر أكثر فى التعاملات اليومية اللى بيننا .
kanoun saksonia

خرفاااااااااااان بابا قولوا مااااااااااااء

خرفاااااااااااااااااااااااااان
بابا
قولوا ماء
مااااااااااااااااااااااااااااااااء
بصوا بقى يا قطيع
عايزين نشترى و نبيع
و اللى معانا يا مرحب
و اللى مش معانا يضيع
خرفاااااااااااااااان
بابا

قولوا ماء مااااااااااااااااااااااااااااااااء
برادعى تكفروه
حمدين تشوهوه
و فلان و فلان و فلان
يطلع عين ابوه
خرفان
بابا
قولوا ماء
ماااااااااااااااااااااااااااااااء
رئيسكم تكبروه
و لو ما عملش حاجة ,
برضه تفخموه
فى الشارع فى كل حتة
مع الناس تعظموه
خرفااااااااااااااااااااان
بابا
قولوا ماء
ماااااااااااااااااااااااااااااء
الشعب تتوهوه
بالدين تقنعوه
اللى معانا دة مسلم
و دة كافر لا تسمعوه
خرفاااااااااااااااااااان
بابا
قولوا ماء
مااااااااااااااااااااااااااااااااء
عايزكم تكدبوا
تنافقوا و تلعبوا
اهم حاجة الكرسى
لو ضاع هاتندبوا
خرفان
بابا
قولوا ماء
ماااااااااااااااااااااااااااااء
عايز ناس فى التوهان
بيعشقوا الخرفان
مش فاهمين اى حاجة
نخدعهم , يقولوا كمان
خرفااااااااااااااااان
بابا
قولوا ماء
ماااااااااااااااااااااااااااااء
تفكير ما تفكروش
حسابات ما تحسبوش
و الكلمة تسمعوها
ببلاهة على الوشوش
خرفااااااااااااااان
بابا
قولوا ماء
مااااااااااااااااااااااااااااااااااااااااااااااء ماااااااااااااااااااااء
مااااااااااء مااااااااااااااااااء مااااااااااااء
kanoun saksonia

 —

خذ ثأرك

خذ ثأرك 
خذ ثأْر فرحان 
الذي هشموا منه الجسد
خذ ثأر عطشان 
طفل قتلوه و الآن في اللحد
خذ ثأر عرض بلد 
مزقوه لم يبالوا لِأحد
خذ ثأرك الذي 
به دوما ستركع العدد
إعلم بأن الثأر 
قد أَحنى رؤوسا و انقذ الولد 
و أقسم بحبل الله 
لا تبقـي عتاة للأبد
و قل لهم ستندموا 
ما دام عهدنا لنا سجد
لن تنعموا بل تسحقوا 
هذي مواثيق العهد
فلترحلوا بل و اسمعوا 
ثأْري يزلْزل البلد
يسقط طاغ قد هتك داري 
و كل ما حولى فسد
kanoun saksonia

اوكازيون

اوكازيون اوكازيون اوكازيون
اخوانى اصلى بالشاحن , ضمان سنة
تشده و تمطه فى اى حتة تحطه
لا بيفهم و لا بيميز
خبير مجادلة و تبرير
حنين على وسط الجماعة ,
فيه منه بأستك ترميه و تجيبه زى ما انت عايز ,
قطع الغيار متوفرة ,
صيانة مجانا بفرع المقطم
تقفيل بديعة و السعر مفاجأة 33 جنيه + مصاريف الشحن
kanoun saksonia

اخوانى بلطجى

أخوانى بلطجى .... و لحمل السنج غاوى
اخوانى بلطجى و للبلطجة هاوى
اخوانى بلطجى ما بافهمش و حمار حصاوى
عاشق للدماء , تنزل زى الرغاوى
خروف انا من بحرى او قبلى او سيناوى
لا عندى دين و لا مبدأ و جنسيتى بديعاوى
أنا باختصار بلطجى و من سنين عليكم ناوى
أخوانى بلطجى و المطوة قرن غزال
والكزلك هو شرفى و السمعة بالساطور تتقال
أخوانى بلطجى و النار فى كم دراعى

و الخنصر شايله فى طرف ضفر صباعى
و خلاص أبليس خويته و بقا من أتباعى
أخوانى بلطجى و الدم مركبى وشراعى
اخوانى بلطجى هالقبها بحور من دم
و العنف دة منهجى , و تشيلى يا بلد الهم
و كله بشرع الله , و المرشد قال كدة
قال البلد بلدنا , ادبحوا دة و دة .
أخوانى بلطجى
kanoun saksonia

شريعة الغاب

الغابة وإن كانت مكان يتجمع فيه عدد كبير جداً من الحيوانات المفترسة والأليفة
إلا أن لها شريعة منذ القدم ألا وهى شريعة الغاب..لها قانون ومنطق واحد لم يتغير بمرور الزمن منطق القوة....القوى يأكل الضعيف.. والمدهش أن جميع الحيوانات متقبلة تلك الشريعة بصدر رحب لم تحاول أن تغيرها أو تثور عليها.. فلم نر فأراً يقف في وجه الأسد يحاول أن يصارعه
لم نر غزالا يطارد نمرا.. الكل يعلم مقداره ومكانته تمام العلم .. يعلم أين يقف..يعلم من خصمة قبل أن يهاجمه ويدرس نقاط ضعفه وقوته.. وإذا وجد أن خصمة قوى انسحب في هدوء أو فر هاربا.. ليس للكرامة والكبرياء والشجاعة والتضحية من أجل الغير مكان في الغابة... هناك حياة أو موت لا ثالث لهما.. تكون صياد أو فريسة..إذا عشت اليوم حمدت الله وابتهلت حتى تطلع عليك شمس الغد.. إذا وقعت فريسة فلن تجد أحدا من بنى جنسك يدافع عنك..سينظروا إليك نظرة شفقه وينطلقوا فارين خوفا على أنفسهم.. وقد تجد بعضهم يعود لينهش ما تبقى من جثتك...
هناك ملك للغابة وهو الأسد..ليس له نائب أو وزير أو سفير.. ليس له أصدقاء أو حاشية..يفترس من يريد في اى وقت.. يترك فضلات فريسته بارادتة للجائعين من حيوانات الغابة ...لا ينتهي ملكة إلا بوفاته أو هزيمته في منازلة مع أسد غيره فقط ومثله تماما.. ليس في شريعة الغاب أن يتولى الفيل أو الثعلب الملك فهو للأسد فقط ومن غير المنتظر أو المرجو اى تغيير.. إلى أن يشعر هؤلاء بما فيهم من صفات تؤهلهم لمجابهة الأسد والوقوف أمامه دون خوف أو رهبة..
فلو استخدم الفيل قوته البدنية والحمار قدمة في الرفس والثعلب دهائه وحيلته والنمر مخالبه.. سيتغير
الكثير و الكثير الكل له نقاط قوة لا يعلمها أو يتجاهلها أو من كثرة الخوف لا يستطيع اخراجها.. هم لا ينظرون إلا لنقاط ضعفهم فقط..فلو اجتمعوا على رأى واحد فسوف يهزموا الأسد ويغيروا شريعة الغاب .. ولكن متى يتحقق ذلك... ؟؟؟؟ طالما هم من داخلهم يتملكهم الخوف منه لأنه الأسد فقط ليس إلا..
وكافة الحيوانات تحاول أن تكسب عطف الأسد وان يشملها برعايته.. يوفر لها الطعام أو بالأصح ما يتبقى منه من فريسته..كما يوفر لهم الحماية .... فهي أهم شئ في الغابة..وفى سبيل ذلك يغضون الطرف إذا ما التهم كل فترة فريسة منهم..وفى أحوال كثيرة قد يختارون له هذه الفريسة ويمدحون في محاسنها.. من لحمها الطيب والشهي..وأنها الأنسب له لالتهامها حاليا..حتى يلهو بتلك الفريسة وينشغل عنهم لبعض الوقت .. ويأخذوا وقتا للتفكير في الفريسة التالية..والكل منتظر من يقع علية الدور..
يحاول أن يسترضى الأسد ويفعل كل ما يجعله راضيا عنه.. فالكل يوهم نفسه بأنه بذلك لن يصبح فريسة للأسد... مع انه قد يكون الفريسة القادمة....فكما تحفر لغيرك .. فهو يفعل مثلك.. إنها شريعة الغاب فلا عجب في ذلك..
وسيظل الأسد أسدا ليس لأنه الأقوى أو الأسرع أو الأجمل أو الأذكى بل لأنهم من جعلوه يستأسد عليهم.. ينتقل من فريسة لأخرى وستظل الفئران في جحورها ترتعد كلما سمعت زئير الأسد و ستظل القرود تقفز من شجرة لأخرى كالمهرج لا تعلم نهاية ذلك القفز ؟؟؟ ويبقى الحمار- عفواً فهذا اسمه- بين كل هؤلاء لا يفهم شيئاً مما يجرى حوله .. عاش حماراً.. ومات حماراً.. فهل طغت شريعة الغاب علي شريعة البشر... مجرد سؤال ؟؟؟؟
ولا أجد أدل من رباعيات صلاح جاهين لختام ما سبق :
ما إنتاش بتلعب ليه يا روح بابا
ولا عسكري و لا لص في عصابة ؟
العب أسد أو ديب رهيب أو غزال
دي الدنيا في نهاية المطاف غابة
وعجبي
ايه رأيكم فى شريعة الغاب ؟ احنا دلوقتى فى غابة , و كله بلطجة حتى البغل اللى اسمه رئيس بيستخدم اسلوب الارهاب و البلطجة , هانسكت , موافقين تبقوا مهمشين ؟ مالكومش لازمة ؟ تخبطوا دماغكم فى الحيط ؟ ماهى مالهاش حل ؟
عايزينا نمشى بشريعة الغاب مفيش اى مشكلة , و شريعة الغاب بتقول البقاء للأقوى ؟ يا ترى انتم الاقوى و لا هما الاقوى ؟
kanoun saksonia

اشتم مورصى

اشتم مورصى و فه التهزيلا
كاد المورصى بأن يكون الغولا
أرايت أغبى أو أعبط من الذي
هو لطع جاء لن يمكث طويلا
عجبا له لا تنتهي كذباته
كم يحسن التبرير و التأويلا
قال بعد الكرسى لنا فتسهلوا
يا كفار لا تشغلوا المشغولا
من لجنة لزيارة لخطبة
افعاله تجعل السليم عليلا

وإذا أتاه من العشيرة زائر
أبدى له الترحيب و التأهيلا
و اعطاه غاز و كهرباء و سولار
فلقد تسهل أمره تسهيلا
و الكفار شعبه إذا أتت طلباتهم
نامت على الرف المكدس جيلا
فإذا رأى صفو مرشده معكرا
عرض التي يرجو لها التعطيلا
وإذا رأى أن المزاج مهيأ
عرض التي يبغي لها التعجيلا
و يصبح قد أمر قطونيل فبادروا
من لم ينفذ قوله يصبح المفصولا
ويقول قد قال المورصى لكم كذا
والله ربي عالم ما قيلا
اشتم مورصى و فه التهزيلا
فهو يقول انه لله وكيلا .
kanoun saksonia

دعاء على الخرفان

اللهم عليك بالعريان الخزاعى واجعل نعشه ملئ بالافاعي
اللهم عليك بالكتاتنى اللى سبه النملية
واجعله من عمال البلديه
اللهم عليك بالبرنس الماء ماء
واجعله كالأرنب التائه فى الصحراء
اللهم عليك بالشاطر الحرباء
واجعله سخريه للسفهاء
اللهم عليك بالحسينى المجنون
و اشوف يا رب بكرة مسجون

اللهم خلينى اسمع من الاتحادية صريخ
واحذف مورصى بعيدا عن المريخ
اللهم عليك ببديعة الهابلة
اشوفها فى الشارع بتشحت ماسكة طبلة
اللهم اضرب المقطم بقنبله ذرية
و ازنقهم زنقة الطعمية فى طاسة القلية
اللهم اضرب الاخوان ضربة قويه
و مكتب الارشاد سكتة قلبية
اللهم عليك بقطونيل
واجعل له خرطوم طويل
آمين آمين آمين
kanoun saksonia

رجاء ربط الاحزمة الناسفة

ايها الشعب المصرى
رجاء ربط الأحزمة الناسفة ... فمصر في حالة هبوط سياسي , بعد ان مرت بالكثير من المطبات الدستورية الغوغائية , تحت سيطرة الجماعة الخرفانية , و الحكومة القطونيلية الحلزونية اللاوزعية , تحكمها بديعة الاستك و استبن بلاستيك مربوط فى الاستك .
و من علي منبر ميدان النهضة و الذي ربما يمتد عمقه إلي افغانستان و الوهابية يخرج علينا الشيخ الشائخ , و المنافق الدائخ و قال خطاب عظيم يتمحور حول

نظرية كله فى الهجايص ,
و بدأ بنشر فكرة اخويا هايص فى ميدان النهضة بكباب و كفتة و انا لايص فى التحرير بسميطة و جبنة , و كل الحكاية ان اخويا كان عايز كارت شحن , راح يقف معاهم .
بس بجد فيه سؤال محيرنى اوى , عاملة لسعة فى دماغى , و اعتقد لو ماعرفتش اجابته الخلايا اللاسعة عندى ممكن تضرب و تعمل مشكلة ,
سؤال لشيوخ و مطبلاتية الخرفان , هى الدقون دى جاهزة و لا تفصيل ؟
kanoun saksonia

رئيس تايه

نزلت اول امبارح على القهوة اسمع آخر خطاب للأستبن و أنا ماشي قابلت واحدة ست كبيرة بتعيط و تقول رئيس عبيط تايه يا ولاد الحلال قولتلها يا حاجة زمانه جاى متخافيش قالتلى يا بنتى بنادى عليه من بدرى و مش لاقياه قولتلها ماهو بيبقى عامل و دن من طين و التانية بيسمع بيها أخبار غزة و فلسطين يعنى لا هيسمعك و لا يسمع غيرك قالتلى و باقى المشايخ فى الزكايب و اهله و عشيرته كده ؟
قولتلها لأ عامة الشعب كله مقسم

نفسه كل مجموعة شغالة بنظام معين :
فيه جزء مقضيها عبط و استهبال
و جزء مقضيها استهبال فقط
و جزء شغال بنظام البيزنس
و جزء خارج نطاق الخدمة
و جزء حافظ مش فاهم
و جزء شغال بنظام الشراكة مع ناس من خارج الاهل و العشيرة
و جزء بيلعب عسكر و اخوانجية
و جزء بيلعب طراطير ....... لسة , طراطير .... لسه
وجزء بيلعب استغماية
و اما باقى الشعب بقى بيشجع اللعبة الحلوة
و الاحتياطى منتظرين ضربات الجزاء بانسحاب القوى المدنية
, قالتلى طب و الشعب اللى متأكد انه اتضحك عليه دوره ايه ؟
قولتلها لأ يا حاجة الشعب المختلف معاهم زى ما بيقولوا معمولين سايلانت و بقوا كفار و بعد ما عملوا الشعب باسم الدين سايلنت سايبين الناس ترن
kanoun saksonia

مش هاعمل عبيط

اعمل عبيط وأنت تستمع إلى عابد الكرسى و هو يرص الأكاذيب حجراً على حجر مثل أحجار الشيشة و هو ينشر قنابل الدخان فى كل مكان حتى لا نرى الحقيقة.
اعمل عبيط وأنت ترى الرشوة عينى عينك والصفقات تتم حولها فوق الترابيزة و تحت الترابيزة و جنب الترابيزة
اعمل عبيط و عيش أيامك عيش لياليك. اعمل عبيط وأنت ترى مظاهرات السلالم فى نقابات وسط البلد تحاصرها الإحباطات كما لو كانت تحاصر القوات الإسرائيلية فى الثغرة فى

السويس .
اعمل عبيط ولا تسأل عن حكومة قطونيل و لا كيف جاءوا و لا ما هى مؤهلاتهم
اعمل عبيط وأنت تشاهد برامج المطبخ فى التلفزيون و هم يحدثونك عن السيمون فيميه والكوردون بلو و الطرطوفة و الكاليمارى، اعمل عبيط و استمتع بحفلة البصل والفول المدمس اللى ما بتاكلش غيرهم .
اعمل عبيط وأنت تستمع إلى رجال الأعمال و وزراء المجموعة الاقتصادية وهم يقولون مصر فيها فرص عمل تقدر بعشرات الآلاف و لكن الشباب يفضل الجلوس على المقاهي.
اعمل عبيط وأنت ترى العمالة المصرية مسحوقة تحت رحمة الكفيل و مطرودة من أمام أبواب السفارات.
اعمل عبيط ولا تتحدث عن حقوق الإنسان تحدث عن حقوق الخرفان .. أضمن ألعب على المضمون.
اعمل عبيط و انت شايف ام ايمن بتعملك دستور ريحته جايبة البلد من شرقها لغربها تقفيل غريانى
بس طبعا مش هاتفضل طول عمرك عبيط , تبقى كارثة لو موافق و مقتنع تكون عبيط ,
ما تعملش عبيط و خليك في الصورة .. زاحم.. انحشر.. خليك غتيت.. قاتل و قل لنفسك لا فيها لاخفيها .

اعمل عبيط وكأنك لم تقرأ هذا الكتاب.. و حاول تعمل حاجة لمصر.. فالسيارة عطلانة... لكن البكاء لن يدير الموتور .. قل للناس من حولك يلا يلا يا رجالة .. يلا ننزل نجيب حقوقنا , احنا مش شعب عبيط يتضحك عليه , هاناخد حقنا بايدينا , مش هاتعمل فيها عبيط تانى ,
kanoun saksonia

ثورة الخبز عام 1977 و التى اطلق عليها السادات انتفاضة الحرامية

منذ 34 عاما هب الشعب المصرى عن بكرة أبيه منتفضا فيما عرف لدى الشعب المصرى بإنتفاضة الخبز وما أطلقه عليها السادات بإنتفاضة الحرامية، واليوم وبعد مرور كل هذه الفترة ما زالت تلك الإنتفاضة تلهم الثوريين فى مصر والمنطقة دروسا مهمة وتدعو للتأمل بعمق فى التركيبة الذاتية للشعب المصرى ومعرفة متى يثور وكيف.

ملخص لأحداث الإنتفاضة :

بينما كان الشعب المصرى الذى عانى كثيرا من تدهور أوضاعه الإقتصادية بعد حرب إكتوبر 73 ينتظر قرارات حكومية تخفف عنه هذه المعاناة وتحقق له وعد الرئيس بتحقيق الرخاء الإقتصادى الذى ردده فى الكثير من خطاباته وإمكانية ان يحلم كل شاب بتملك فيلا صغيرة وسيارة كما كان يردد، وبعد أكثر من 3 سنوات من الزيارة الميمونة للرئيس نيكسون والآمال العريضة التى بناها البسطاء على هذه الزيارة، إذا بنائب رئيس الوزراء للشئون المالية والإقتصادية الدكتور عبدالمنعم القيسونى فى بيان له أمام مجلس الشعب يوم 17/1/1977 يعلن فيه مجموعة من القرارات الإقتصادية الصادمة ومنها رفع الدعم عن مجموعة من السلع الأساسية وذلك برفع أسعار الخبز 50% والسكر25% والشاى 35% وكذلك الأرز والزيت والبنزين و25 سلعة أخرى من السلع التى لا يستطيع الفقراء العيش بدونها، لذا كانت الصدمة شديدة، وفى صبيحة اليوم التالى صدرت الصحف الثلاث تحمل تفاصيل القرارات الإقتصادية الأخيرة، لتبدأ نذر العاصفة تتجمع ثم ما تلبث أن تفجرت.

بدأت هذه الحركة العفوية بدون تنسيق أو تخطيط مسبق فى عدد من التجمعات العمالية الكبيرة فى منطقة حلوان بالقاهرة فى شركة مصر حلوان للغزل والنسيج والمصانع الحربية وفى مصانع الغزل والنسيج فى شبرا الخيمة وعمال شركة الترسانة البحرية فى منطقة المكس بالأسكندرية حيث بدأ العمال فى تجمعات صاخبة تعلن رفضها للقرارات الإقتصادية وتخرج الى الشوارع فى مظاهرات حاشدة تهتف ضد الجوع والفقر وبسقوط الحكومة والنظام رافعة شعارات تلقائية منها:

ياساكنين القصور الفقرا عايشين فى قبور

ياحاكمنا فى عابدين فين الحق وفين الدين

سيد مرعى يا سيد بيه كيلو اللحمة بقى بجنيه

عبد الناصر ياما قال خللوا بالكم م العمال

هو بيلبس آخر موضة واحنا بنسكن عشرة ف أوضة

بالطول بالعرض حنجيب ممدوح الأرض

لا اله الا الله السادات عدو الله

وغير ذلك من شعارات ارتفعت فى مظاهرات بطول مصر وعرضها واختلطت تظاهرات الطلاب التى خرجت من كل الجامعات المصرية بحشود العمال والموظفين والحرفيين وكافة فئات الشعب.

إستمرت مظاهرات الشوارع المصحوبة بالعنف الموجه ضد المصالح الحكومية وأقسام الشرطة ( الأزبكية والسيدة زينب والدرب الأحمر وقسم شرطة إمبابة والساحل وحتى مديرية أمن القاهرة)، وإستراحات الرئاسة بطول مصر من أسوان حتى مرسى مطروح ولم تسلم من الهجوم استراحة الرئيس بأسوان حيث كان يقيم وتقرر الغاء اجتماعه بكيسنجر فى نفس اليوم، ووصل الهجوم إلى بيت المحافظ بالمنصورة وتم نهب أثاثه وحرقه، ونزل الى الشارع عناصر اليسار بكافة أطيافه رافعين شعارات الحركة الطلابية، و استمرت هذه المظاهرات حتى وقت متأخر من الليل مع عنف شديد من قوات الأمن وتم القبض على مئات المتظاهرين وعشرات النشطاء اليساريين.

وفى صبيحة اليوم التالى خرجت الصحف الثلاث بعناوين عريضة متحدثة عن مؤامرة شيوعية لإحراق البلد وقلب نظام الحكم، واستمرت المظاهرات فى هذا اليوم بزخم أكبر وأكثر عنفا وتم الإعلان فى نشرة أخبار الثانية والنصف عن إلغاء القرارات الإقتصادية وفى الرابعة أمر السادات بنزول الجيش الى الشارع لقمع المظاهرات وأعلنت حالة الطوارئ وتقرر حظر التجول فى كل مصر من السادسة مساءا الى السادسة صباحا.

مصر والبنك الدولى

تعد مصر من الدول المؤسسة للبنك الدولى فى 1945 و نعرف دور هذا البنك فى تطبيق السياسة الإمبريالية تجاه الدول الفقيرة ولا ننسى دوره فى الضغط على نظام عبد الناصر ورفض تمويل بناء السد العالى ولكن مع بداية نظام السادات فى تطبيق برنامج الإنفتاح الإقتصادى فى 1974 فقد حدث تحول جذرى فى العلاقة مع البنك وأصبح البنك هو من يخطط لإعادة هيكلة الإقتصاد المصرى وتحويله من رأسمالية دولة الى نظام السوق الرأسمالى فيما عرف ببرنامج الإصلاح الإقتصادى وشكل البنك " المجموعة الإستشارية لمصر" من تكتل الدائنين ومانحى المساعدات وتم تعيين ممثل مقيم فى القاهرة للصندوق فيما يذكرنا بعهد الخديوى إسماعيل والذى انتهى بالإحتلال الإنجليزى.

وضع البنك الدولى روشتة للإصلاح الإقتصادى تمثلت فى النقاط التالية:

1- تفضيل الزراعة على الصناعة

2- تفضيل القطاع الخاص على القطاع العام

3- تفضيل النشاط التجارى والتوكيلات على النظام الصناعى الإنتاجى

4- تغليب قوى السوق عوضا عن التخطيط

5- تعديل قوانين الإستثمار لصالح رأس المال الأجنبى

6- تعديل قوانين الصادرات والواردات لفتح السوق امام المنتجات الأجنبية

7- السماح للبنوك الأجنبية بحرية النشاط فى مصر

8- ترشيد الإنفاق العام وخاصة المبلغ الموجه لدعم السلع الغذائية والإستعاضة بمنح علاوة اجتماعية للعاملين فى الدولة

9- تعويم الجنيه المصرى من خلال "توحيد سعر الصرف"

أدى التطبيق القسرى لهذه التوصيات الى ارتفاعات حادة فى الأسعار مع تحولات إجتماعية حادة طالت الطبقة الوسطى بمختلف شرائحها مما أحدث إحتقانا متزايدا وصل الى ذروته بقرارات رفع الأسعار وربط البيان الصادر ذلك بالإتفاق مع صندوق النقد الدولى والبنك الدولى لتدبير الموارد اللازمة لتغطية عجز الموازنة.

الخبرات والدروس

عندما نستعيد ذكرى انتفاضة يناير 77 فلابد أن نستخلص منها بعض العبر والدروس عسى الذكرى أن تنفع الداعين للتغيير، ويمكن تلخيص هذه الدروس من وجهة نظرى فيما يلى:

الدرس الأول:

كانت الطبقة العاملة المبادرة بالإنتفاض وخاصة فى المناطق الأكثر تنظيما وذات الخبرات النضالية، فقد سبق أحداث 77 عدد من الهبّات فى سنوات 75 و76 فى شبرا وحلوان والمحلة وكفرالدوار وغيرها، ورغم ان تلك الهبات كانت اقتصادية ونقابية بالأساس ولكنها جاءت على خلفية التحول الإقتصادى الى نظام راسمالى فردى مرتبط بالرأسمالية العالمية والإطاحة بالمكاسب المحدودة التى تحققت للطبقة العاملة فى نظام عبد الناصر، وهكذا يظل الرهان على الطبقة العاملة هو الفيصل لأى حركة ثورية حالية أو قادمة.

الدرس الثانى:

صاحب عملية التحول الإقتصادى بعد 73 ظهور و نمو طبقة رأسمالية طفيلية مرتبطة بالمراكز الإمبريالية العالمية فى الغرب وظهرت الحاجة الى مناخ تستطيع فيه هذه الطبقات الجديدة التعبير عن أفكارها، واستجاب النظام الى ذلك مبكرا بالإفراج عن الإخوان المسلمين واتاحة منابر المساجد لهم والسماح لهم بإصدار مجلة الدعوة وحقق بعض الحريات الصحفية النسبية مقارنة بالعهد الناصرى، وكان لقرار تحويل التنظيم الأوحد " الإتحاد الإشتراكى" الى منابر ثم أحزاب خطوة فى هذا الإطار، وكان لهذه العملية من جانب السادات مخاطرها التى كان من ضمنها وجود مجموعة من المعارضين الرديكاليين بمجلس الشعب من أمثال المستشارممتاز نصار وخالد محيي الدين والدكتور محمود القاضى والشيخ صلاح ابو اسماعيل وأبو العز الحريرى وغيرهم ممن ساهموا فى تحريك الحياة السياسية وإثرائها، كذلك لعب حزب التجمع اليسارى حديث النشأة دورا فى التمهيد لإنتفاضة يناير والمشاركة فيها ويشهد على ذلك عدد المقبوض عليهم منه فى الأحداث وقصة البرقية الشهيرة ومصادرة جريدته المتكرر وإقتحام مقره أكثر من مرة ، كذلك المشاركة الواسعة لليسار الراديكالى فى الأحداث وهو ما إتخذه السادات ذريعة لإظهار عداءه الكامن لليسار والشيوعيين وتسديد سهامه إليهم بتصريحه " إقتلوهم حيث ثقفتموهم" وتهديده " العيال بتوع إنتفاضة الحرامية دول أنا حعرف أربيهم".

الدرس الثالث:

تركزت إنتفاضة يناير فى المدن الرئيسية وغابت بشكل كبير فى الأطراف، مما يعنى يدل على تدنى الوعى السياسى فى الريف المصرى بغالبيته العظمى من الفلاحين والتى تعتبر تاريخيا رديفا للطبقة العاملة وعدم قدرة الحركة اليسارية فى الوصول الى فقراء الفلاحين وصغار الملاك مثلما حدث فى ثورة 1919حيث مثل الفلاحون وقود الثورة ودعامتها الأساسية، مما يلقى بتحدى حقيقى على أى حركة ثورية للوصول الى القطاع الأعظم من الفلاحين فى الريف المصرى

الحكم التاريخى

جاء الحكم التاريخى فى القضية رقم 100 لسنة 1977 والخاصة بمحاكمات المتهمين بإشعال الإنتفاضة على قدر عال من الموضوعية والجرأة وكانت حيثيات هذا الحكم بمثابة سيمفونية رائعة تتهم النظام بأنه المتسبب الرئيسى فيما حدث وتسخر بشدة مما قدمته النيابة من قرار إتهام بناءا على تحريات مغلوطة وعارية من الصحة، وجاء فى هذه الحيثيات تقريع شديد لجهاز الأمن الذى قدم كتبا ومجلات مما يباع فى الأسواق كأدلة إدانة، ناهيك عن الأخطاء الفادحة فى كشوف الأسماء لمتوفين ومهاجرين خارج الوطن، وذكرت الحيثيات نكتة "الشاهد الطائر" عقيد المباحث الذى شهد على الأحداث فى أكثر من منطقة فى نفس الوقت وكأنه من أهل الخطوة.

عشرات الأسئلة التى أجاب عليه هذا الحكم بشجاعة يحسد عليها ذلك القاضى الوطنى المستشار " حكيم منير صليب " ومساعديه عضوى المحكمة القاضيان "أحمد محمد بيكار" و"على عبد الحكيم عمارة" ويمكن لمن أراد الإطلاع على الحكم كاملا على الرابط التالى:

http://wwwentisarblogspotcom.blogspo...8-19-1977.html

يبقى فى النهاية أن انتفاضة الشعب المصرى العظيمة فى يناير 1977 ستظل دروسها معينا لا ينضب لكل الوطنيين المصريين لكى نتعلم منها ونستعيد قراءتها وستبقى دليلا على قدرة هذا الشعب على صنع الأحداث الهائلة والتى قد تكون مفاجئة حتى لمن يتصورون أنهم طليعته

وأخيرا فإن الدرس الأهم للإنتفاضة هو ضرورة بناء منظمة ثورية قادرة على قيادة الجماهير فى أصعب اللحظات التاريخية القادمة، والا فلا تلوموا الاّ أنفسكم. والسلام عليكم.

============== لقد إستطاع السادات القضاء على الإنتفاضة التي سماها ( إنتفاضة حرامية ) ..

رئيس يتهم شعبه الجائع " بالحرامية " .. مصيره ولغير هذا من جرائم بحق الشعوب العربية كلها .. جهنم وبئس المصير ..

إستطاع القضاء عليها :

بالقوة والسلاح والعنف ..

وببعض " التنازلات " عن " بعض أسعار قوت الشعب ..

إستطاع هذا .. وللأهم :

[ عدم وجود منظمة ثورية قادرة على قيادة الجماهير في أصعب اللحظات التاريخية ]

انا مصرى

يا ريت تتغير خانة الديانة فى البطاقة بدل مسلم و مسيحى
تبقى مسلم مرسى ,
مسلم مصرى ,
مسيحى تبعنا ,
مسيحى ضدنا
kanoun saksonia

فؤاد المهندس و سيدتى الجميلة و مصر

احنا بالضبط دلوقتى عاملين زى فؤاد المهندس فى مسرحية سيدتى الجميلة جاكتة مقفولة , و صديرى و كرافتة مربوطة , و قميص بست زراير ,
كل دة و نشلوا الثورة ,

قصدى نشلت الفانلة , طب ازاى ؟
kanoun saksonia

احدث خطابات محمد مرسى

قريبا احدث خطابات الاستبن , اهداء لبتوع اللمون
ايها الشعب المصرى العظيم و طبعا المقصود هو المؤيدين لي و لأهلى و عشيرتى , اما الباقين فلا عظماء ولا حاجة دول ولاد كلب,
اكيد انتم عرفتونى خلا ال 100 يوم اللى فاتوا , و عرفتوا انى باحبكم حب الناموس للدم.... و انتم عارفين حبي ليكم واني بحبكم لدرجة اني مستعد اذبحكم واحد واحد و اقلبهالكم حرب اهلية و لا انى اسيبكم ابدا .
و انتم شعبى و شعب عشيرتى و انا حر فى

شعبى , اذبحه , احرقه , اقلبها حرب اهلية , انا حر , ايه اللى يدخلكم فى اللى مالكوش فيه ,
خليكم عادى يا ثوار , مش هاتفرق معايا حاجة , و لو حبوب الهلوسة مأثرة عليكم علاجها الوحيد طلقة فى الرأس و نخلص منكم و من دوشتكم و كله يبقى طبيعى .
انتوا فاكريني زى مبارك اقتل منكم كام الف و بعدها اتخلع ؟ لا ياحبيبي انا مش رئيس جمهورية, انا هأقتل الشعب كله , و فى الآخر اجيب اهلى و عشيرتى من غزة حبايبى الحلوين و بدل ما يبقى الشعب المصرى , يبقى الشعب الغزامصرى .
انتم فاكرين الشعب حاجة مهمة للحاكم ؟ غلطانين , الشعب مجرد اكسسوار للحاكم يحب يحتفظ بيه او يحب يتخلص منه ويجيب شعب غزاوى احسن , و انا قررت بصراحة ان ما لمتوش نفسكم اتخلص منكم ,
و زى ما قال بابا المرشد , جبت صحابى المريخيين علشان يكتبولكم دستور هايظبتكم , دستور مش هايخلى حد ينطق و لا يتكلم , و السجون كتير يا شعب , جبت ناس من المريخ فى التأسيسية زى ام ايمن كدة عقولكم سابقاهم بييجى 500 سنة
فاهمين يا ثوار ؟ اسيادكم المريخيين اللى بيكتبوا دستوركم ,
و لو حد قال لأ مفيش حل غير الاشعة الكونية ووحوش الفضاء و غريندايزر جاهزين علشان يعملوكم كفتة وكباب .
انا قلت و بلغت و انتم احرار , هل انتم من المؤيدين لى و عشيرتى و لا , لا قدر الله من المعارضين ؟ ايه أخبار اللمون ايه ؟
kanoun saksonia

انتخابات حزب الحرية و العدالة

بعد انتخابات كدة و كدة , و تصويت على 2 مرشحين من ضمنهم واحد عريان داخل كدة و كدة , الكتاتني رئيسا لحزب الحرية و العدالة فى إنتصار كدة و كدة فى انتصار على منافسه كدة كدة و تمثيلية كدة و كدة , عملها حزب كدة و كدة بتاع جماعة كدة و كدة .
فقد فاز الكتاتني برئاسة حزب الحرية والعدالة بنسبة تصويت ساحقة ٦٧٪ كدة و كدة علي المنافس له عصام العريان اللى داخل قصاده كدة و كدة
بركاتك يا كتاتنى يا كبير , مسكت رئيس مجلس الشعب اتحل , و رئيس التأسيسية الاولى للدستور و اتحلت , يا مسهل ربنا كبير و بيسبب الاسباب .
kanoun saksonia

بلاد كحيانستان

فى بلد تسمى كحيانستان ,
بلد المواطن الغلبان ,
بعد ما ضاق بالكحيانين الحال ,
و بقى استمرار المعيشة محال ,
قام بثورة جبارة عظيمة ,
و دفع التمن شهداء و ذكريات اليمة ,
حتى وجد ان رئيسه الظالم قد طار ,
و جاب مكانه رئيس بدقن قال على نفسه من الثوار ,
و فرحت كحيانستان بالرئيس الجديد ,
اللى دخل عليها بالحنجل و المنجل و أدب شديد ,

و قال انا عندى مشروع للنهضة ,
و هانبقى اغنياء كلنا مرة واحدة ,
و فرح الشعب و قال دة رجل من الرجال ,
هايحقق الاحلام و يغير الحال الى أحسن حال ,
و ذهب المواطن الغلبان يعرض على الرئيس امره ,
و يطلب منه عونه ,
فرد عليه الرئيس بوجه طليق ,
قائلا ايها الصديق ,
قد صبرت مع من سبقنا 30 عام ,
فاصبر علينا مثله كمثل هذه الاعوام ,
فلا يوجد لدينا اموال ,
و لا استطيع فى اقل من هذه السنين تغيير الحال ,
فخرج من عنده المواطن يضرب كفا بكف ,
و حس ان عقله خف ,
و انه خلاص اتضحك عليه ,
لا نهضة و لا غيره و لا حتى الرئيس بيفكر فيه ,
وهذه حكاية دولة كحيانستان
حيث المواطن غلبان و كحيان ,
و حتى بعد ان قام بثورة ,
لا يزال الكحيان يذل و يهان .
kanoun saksonia

حل المشكلة بكارثة

هو دة اللى حصل معانا من محمد مرسى و حكومته :
بيقولوا كان فيه دكتور دخل عليه ناس المستشفى و معاهم واحد مصاب بحروق بسيطة و اللى شايلينه اصدقاءه و اقاربه , و الدكتور و هو بيعاين المريض دة لقى الراجل مصاب بكسور و رضوض فى كل جسمه , فسأل اهله الحروق بسيطة بس ايه الكسور و الرضوض دى ؟ ردوا عليه و قالوا , احنا لقينا النار مسكت فيه ما كانش قدامنا الا كل واحد يمسك عصايا و يحاول يطفيه .
طريقة معالجة الكثير

من المسائل الاقتصادية والاجتماعية وحتى السياسية الآن فى مصر اقرب ماتكون لهذا المثال , فالمنطق يقتضي انه عندما تبرز اي مشكلة يكون التصرف المنطقي هو التعقل والتفكير بحلول مناسبة تكون عملية وقابلة للتطبيق اولا و لاينجم عنها اي اذى لاي طرف ثانيا و تضمن عدم تكرار المشكلة نفسها اخيرا . انما فى مصر و حكومة محمد مرسى و قطونيل , حل المشكلة بمشكلة اكبر منها بكتير , دايما حل المشكلة بكارثة , علشان كدة مافيش اى مشكلة تم حلها ,
- حل مشكلة الكهرباء بقطع الكهرباء بالساعات عن الشعب
- حل مشكلة الكهرباء بغلق المحلات الساعة 10 و مش مشكلة اللى بيشتغلوا و يدرسوا و الناس اللى هاتقعد فى بيوتها .
- حل مشكلة المياة اذدياد فى فترات قطع المياة عن المنازل
- حل مشكلة المعارضين بالتكفير و التخوين
- حل مشكلة الثوار بالكذب و تشويه الحقائق .
- حل مشكلة المعتقلين بوعود كاذبة لا تنفذ
- حل مشكلة الحد الادنى و الاقصى بحجج واهية بان مفيش فلوس .
- حل مشكلة الاطباء بعدم اللامبالاة باضرابهم و مش مشكلة المرضى يموتوا
- حل مشكلة الزبالة بأن الشعب هو اللى ينزل يلمها
- حل مشكلة الغاز بتصديره لأسرائيل
- حل مشكلة السيولة بقرض من البنك الدولى سيبكم من تحليل فائدته و لكن برضه من شروطه رفع الدعم عن محدودى الدخل
- حل مشكلة التأسيسية انها لو اتحلت الحزب الحاكم بيقول الرئيس هايشكلها نفس التشكيل
كل دى مشاكل حلها كوارث اكبر من المشاكل الف مرة .
كل دى مشاكل حلها موجود بس لو فيه حد بيفكر و يخطط .
kanoun saksonia

بلاد اشتغالستان

كان هناك في أحد الازمان,
بلد يقال لها اشتغالستان ,
بلد كلها اشتغالات ,
و اللى جاى فيها بالضبط زى اللى فات ,
و الدقون فيها و تجار الدين
لا يبالون بشعبها الحزين ,
كانت هذه البلد كبيرة,
و الاموال فيها وفيرة ,
و فيها بشر من كل الالوان ,
لا تدري باي لغة يتكلم فيها الانسان ,

يحكمها شخص يقال له الرئيس ,
و هو رجل كلامنجى مقضيها تهييس ,
و حوله الكثير من المعاونين ,
ممن يطلق عليهم الطبالين ,
و رغم وفرة الاموال ,
و سهولة اصلاح الاحوال ,
فطلب من الدولى قروض ,
و قال مش ربال دى مصاريف بحدود ,
و في احد الايام ,
و كانه في الاحلام ,
جاء احد الطبالين ,
و هو رجل وقور يتاجر بالدين ,
و قال علينا كفار ,
و ان الشعب اللى ضد الكلامنجى من الاشرار ,
و الشعب يا عينى فقير و مسكين ,
من 30 سنة لحد دلوقتى شايل الطين ,
و شاف فى الرئيس الكلامنجى أمل و تغيير ,
بعد ما وعده بنهضة هاتجيب الخير الوفير ,
اول ما تحفنا الكلامنجى تحفنا بقوطنيل ,
اللى قطع الكهرباء و عيشنا فى ليل طويل ,
و رسوم و ضرايب على كل شئ ,
و المركب بتغرق و الشعب غريق ,
و طالب الشعب تانى تانى بالحقوق ,
بعد ما عصر لمون و خد الخازوق ,
عايز حقى يا كلامنجى يا كبير ,
رد الكلامنجى و قال مفيش حقوق يا حقير ,
و رجع الشعب المسكين للميدان ,
و قال ان آن الآوان ,
زى اللى قبله لازم نخلص منه و نرتاح ,
و كفاية اللى حصل و كفاية كل اللى راح ,
لو فاكر انك اقوى من الشعب يا كبير ,
مصيرك زى اللى قبلك هايبقى نفس المصير ,
kanoun saksonia

محمد مرسى قبل و بعد الانتخابات

محمد مرسى قبل انتخابات الاعادة :
اهم حاجة عندى مصالح الشعب و هاطبق مشروع النهضة ارادة شعب و سأوفر 200 مليار جنيه لتحقيق كل الازدهار الذى تتمنونه و اوعدكم خلال 100 يوم هاتشوفوا الفرق , هاحل مشكلة المرور و مشكلة القمامة و المرور , و ان شاء الله الشهيد اللى وصلنا للمرحلة دى مش هاسيب حقه و لازم حقه ييجى , و الحكومة هاتكون ائتلافية من كل الاحزاب و القوى السياسية , و سأعيد هيكلة وزارة الداخلية , و سأحاكم

 كل من قتل شهداء هذه الثورة , و هاحل التأسيسية و هاعمل تأسيسية جديدة توافقية بين كل فئات الشعب , و اوعدكم بتنفيذ حد ادنى و اقصى للاجور لتحقيق العدالة الاجتماعية و سأفرج فورا عن كل المعتقلين اللى اللى كانوا السبب فى هذا العرس الديموقراطى .

محمد مرسى بعد ما بقى رئيس :
حكومة توافقية بين الاخوان و الفلول برئاسة قطونيل , 100 يوم مش كفاية لحل المشاكل محتاج 1500 يوم فوقيهم علشان ابدأ اتحرك , القمامة زى ما هى فى الشوارع , المرور ما يعلم بيه الا ربنا , المجلس العسكرى خروج آمن , النهضة طلعت مشروع فكرى الله يرحمه , هاخد قرض من صندوق النقد الدولى و معلش هاضطر الغى الدعم , أزمة بنزين و سولار , أزمة كهرباء , 17 شهيد من الجيش على الحدود , مفيش معتقلين خرجوا , 22 شهيد من الأمن المركزى على الحدود , عمارات بتقع , ازمة انابيب , استمرار تصدير الغاز لأسرائيل , الافراج عن الارهابيين من الجماعات الاسلامية , سيناء بتضيع , مش هاحل التأسيسية و اذا تم حلها من المحكمة الدستورية سأعيد تشكيلها بنفس التشكيل , أخونة الدولة , قصائد شعر فى المجلس العسكرى القاتل و التعهد بحمايته من المحاكمة , مفيش فلوس لتطبيق الحد الادنى و الاقصى للأجور , غلاء فاحش فى الاسعار , طباعة 5 مليار جنيه بنكنوت مما ادى الى انهيار اقتصادى , فض اعتصامات و اضرابات العمال بالقوة , فض اعتصام المعاقين بالقوة , الدولة تنحدر بسرعة الصاروخ الى الانهيار الكامل .

هيا كدة يا شعب و اخبط دماغك فى الحيط و اللى مش عاجبه على رأى اللى قالوا يسيب البلد و يمشى , اخبار اللمون ايه يا بتوع اللمون ؟
على فكرة ( كل راع مسئول عن رعيته ) ( عدلت فآمنت فنمت يا عمر ) علشان محدش يقول هو مش مسئول .
مبروك عليكم النهضة
kanoun saksonia

الشعب المصرى حبيبى

الشعب المصرى دة حبيبى
عايز نهضة ياخد نهضة ,
عايز اخونة ماشى , خروج آمن ما يضرش ,
براءات لقتلة الشباب مفيش مشاكل ,
أزمة بنزين عادى , مفيش انابيب مش مشكلتى ,
غلاء فاحش ماليش فيه , دستور ام ايمن نعديه ,
حكومة فاشلة من عينيا , قروض بس كدة حاضر ,
انما يا شعب تيجى تقولى معتقلين و محاكمات و حد ادنى و اقصى و الكلام الفاضى دة , تبقى زودتها اوى ,
شعبى و انا حر فيه , اغسله و اكويه , افرده و اتنيه , انا حر .
الشعب يلبس على طووووووووووووووووووووووووووووووووول
kanoun saksonia

الانتخابات النزيهة

بعد انتهاء الانتخابات الرئاسية في مصر وسط جدل عميق حول شرعية الانتخابات و اتهامات من البعض للمجلس العسكرى و الاخوان بتزوير النتائج و استهداف المرشحين الآخرين فى الجولة الأولى , فاز محمد مرسى بالانتخابات فى جولة الاعادة .
و لمعرفة حقيقة هذا الموضوع التقت أذاعة صوت الخيال باحد كبار المسؤولين عن العملية الانتخابية للاطلاع منه على وقائع الانتخابات :
المراسل : اهلا بك سيادة المسؤول , و أول سؤال لنا هو

هل تعتبر ان الانتخابات كانت نزيهة ؟
المسؤول : شوف حضرتك المجلس العسكرى كان حريص على ان الانتخابات تكون نزيهة بس لما دورنا على نزيهة لقيناها ياحبة عيني اتجوزت وبقى عندها 3 عيال و مش فاضية
المراسل : جميل , وبعدين ؟
المسؤول : قلنا امرنا لله , بلاها نزيهة نجيب سليمة و نخلي الانتخابات سليمة لقيناها هي كمان اتجوزت فقلنا ندور على واحدة ثانية
المراسل : طيب من الأخر يعنى .
المسؤول : مش هاطول عليك فضلنا ندور بين سليمة لنزيهة لكريمة لوجيهة , واخرها مالقيناش غير عقيمة هي اللي لسة عانس و ما اتجوزتش فتوكلنا على الله وعملناها انتخابات عقيمة
و بعدين ايه التمسك الغريب ده بالاسماء ؟ نزيهة , نزيهة ؟ سيبك من الاسماء وخليك فى الافعال و اهي انتخابات و خلاص مش هو دة اللى انتم عايزينه اى خدمة .
kanoun saksonia

العسكر و الاخوان وجهين لعملة واحدة

يحكي انه في احد الايام وفي احدى البلاد كان هناك حاكم ظالم له ابن يحبه كثيرا و ذات يوم ارسله الى بلد اخرى كي ينقل رسالة الى حاكم تلك البلد من ابيه ,
فهاجمه الشعب المظلوم و أصابه اصابات بليغة , و انقذه منهم نحاس من النحاسين , و النحاس هو ( رجل يصنع اواني من النحاس )
و لكن بعد فترة و بالخطأ جاء لهذا الحاكم الخبر المحزن ان ابنه قد قتل على يد الشعب و ان آخر من تم رؤيته مع ابنه هو النحاس ,
حزن الحاكم

 و استشاط غضبا لسببين الاول مقتل ابنه الحبيب و الثاني عدم قدرته على معاقبة القاتل الذى فى اعتقاده هو النحاس , و اخيرا تفتق ذهنه عن فكرة عبقرية فطلب من الحرس ان يجلبوا له احد النحاسين من بلدته كي يضرب عنقه انتقاما من النحاس الذي قتل ولده في البلد الاخرى . فجاء اليه شخص يشرح له الحقيقة و ان من حمى ابنه هو النحاس و ليس من قتله , و قالوا له ان الظلم هو ما دفع الشعب لمهاجمة ابنه , فغير الحاكم رأيه و قرر التنازل عن العرش للنحاس الذى سيجئ به الحرس ,
خرج الحرس في رحلة البحث عن نحاس فاكتشفوا انهم جميعا قد هربوا بعد ان وصلهم خبر قرار الحاكم بالانتقام لمقتل ابنه , فما كان من الحرس الا ان اعتقلوا حدادا و ساقوه الى الحاكم فتنازل له عن العرش حسب وعده على اساس ان مهنته اقرب المهن للنحاسين !
من الآخر العسكر و الأخوان وجهين لعملة واحدة و اقرب الفصائل للعسكر هم الاخوان , ما تستغربوش لأن فعلا دى الحقيقة , اقرب الفصائل السياسية للعسكر هم الاخوان , فصيل لا عهد له , سهل شراءه و التفاوض معه , فصيل لا مبادئ عنده و لا شرف , سهل جدا ايجاد نقط اتفاق معه .
kanoun saksonia

يوم فى حياة المواطن المصرى مطحون افندى كحيان

يوم فى حياة المواطن المصرى : مطحون افندى كحيان

مطحون افندى كحيان دة مواطن زى آلاف المواطنين المصريين فعلا حمال أسية
ـ يصحى من نومه الصبح يشرب كوباية مية لو عدت على فلتر هايطلع منها بلاوى سودة و الفلتر يسود فى يومين دة اذا اصلا كان فيه مية و طبعا معظم الوقت المية قاطعة بينزل يشرب من اى كولدير او زير ,
- يفتح الشباك يشم هوا لو مر علي فيلتر هاتكتشفوا فعلا ليه المصريين عمال علي بطال كلمة زفت فى اى جملة بيقولوها من كتر الزفت اللى بيشموه فى الهوا .

- يفطر بأه ما هو لازم الفطار .. طبق الفول المتين ورغيف العيش بزلطه و مساميره.. خراسانة جاهزة نموذجية تخلى معدته ع المحارة ..
و بعد ان يمر البطل مطحون افندى بكل هذه المعارك .. ينزل الشارع .. العربيات ماشية و هو كمان ماشي و لا فيه مرور و لا حتى اشارة .
و هو بيمشى مع العربيات .. و كل واحد و شطارته على تفادي الآخر.. ولقد اكتسب مطحون افندى الغلبان مقدرة عالمية في المرور بين السيارات برشاقة كراقص باليه محترف.. و عبرمطحون افندى هذه المرحلة كعادته .. رايح علي فين يا بطل.. بيقول انه رايح المرج.. وماله ركب المترو .. مطحون افندى بيكلم نفسه و بيقول " هايعطل المترو بالتأكيد , اصل الكهرباء كل شوية بتقطع و ممكن الواحد يتخنق جوة المترو و تيجى الحكومة تقول مالناش دعوة .. بس عادى كلنا لها , نقرأ الفاتحة قبل ما نموت قصدى قبل ما نركب المترو "
, هاخاف من ايه يعنى ؟ سيبك انت ما كل يوم كدة ,
و هو راجع بسلامة الله رجع على البيت لقى الانبوبة فاضية نزل يغيرها ب 80 جنيه و رجع بيها على البيت , جه يشغلها طلعت منفسة و انفجرت فى الشقة , ما حصلش حاجة يعنى الحمد لله ربنا ستر لأنه عالم بالحال , كل الحكاية اصابة فى كتف مطحون افندى و نقلوه على طول على المستشفى , و فضل ينزف من الساعة 11 مساء لحد تانى يوم الصبح اما جه الدكتور يشوفه و فى الآخر بعد كل النزيف دة الدكتور بيقوله انت عايز نقل دم ,
ضحك مطحون افندى اوى و رد و ماله عدينا من حاجات اصعب من كدة بكتير ,
تلك هى عظمة مصر , شعب حمال أسية .
kanoun saksonia

دولة اخوانستان

استيقظ الزعيم ذات يوم من أيام دولة اخوانستان اللي ما يعلم بيها إلا ربنا علي صوت رئيس وزرائه السيد قطونيل بيصرخ وبيزعق …
فزع الزعيم و هب من فراشه علي صوت النواح الغريب
فيه إيه يا يا قطونيل ؟ هو الواحد ميعرفش – يتخمد - شويه في القصر المهبب ده
فقال له السيد قطونيل : يامعالي فخامة الزعيم الإنجليز إحتلو البلد …
فأخذ يفرك الزعيم في عينيه ويهز في رأسه حتي يتأكد من صحة ما يقول هذا القطونيل

- و رد : إنجليز ايه يابني .. هو احنا مش حررنا المدعوقة دي من الإنجليز قبل كده هي شغلانة , ولا هما مورهومش غيرنا يعني ..
- قصدي الارهابيين يامعالي الزعيم , المصيبة لجمت لساني وشلت خيالي وتفكيري وكلامي و خليتنى اقول انجليز .
- قال الزعيم : يا أخي الله يولع فيكم نفر نفر , مفيش غير أخبار تسد النفس دايما كده , والارهابيين وصلو لحد فين ياخويا
-عدوا الحدود ودخلوا سيناء البلد ياجناب الزعيم
- طيب خلاص يا ابو السيد مدام مقربوش من سيناء المحطة , يبقي إحنا في السليم ولا إيه؟
- طلع بيان للشعب أشجب فيه الإحتلال علي سيناء البلد
خرج السيد بيه قطونيل رئيس وزراء جناب الزعيم بيكلم نفسه والكل بيتهامس عليه وبيرموه بالجنان ,
طلع ورقة وقلم من درج مكتبه وجلس يبلور قرار الشجب حتي يلقيه رئيس البلاد الموقر فكان نصه :
من غير سلام ولا مسا ولا كلمة كويسة ,
أحب أقول للجماهير العريضة إن أنا مش موافق علي الي بيحصل في سيناء البلد ده لإن ده ميرضيش ربنا و أنا ليا كلام مع الارهابى الكبير – المبطرخ – بتاعهم , أكبر راس عندهم
وقد قررنا نحن رئيس دولة اخوانستان الموقر إننا نصرف عيش من غير مسامير و إزازة شويبس عشان عاملين مقاطعة عقبالكم كده لما تحسوا علي دمكم شوية , الريس يا غجر منك له عامل مقاطعة شوف انت بقي هاتعمل ايه
يعني أقدر أدخل محل كينتاكك في أي وقت واكل صدور فراخ مقرمشة زي ما أنا عايز وكمان أقدر أشرب سجاير(برلمورو)زي ما أنا عايز بس مش هعمل هذا الفعل الشنيع عشان مقتلش اخواتي الاخوانستانيين برصاصة أدفع أنا تمنها … يارب نحس علي دمنا … وأنا من موقعي هذا بشجب الإحتلال من كل قلبي … و الله يسامحهم الوحشين , و السلام ختام .
kanoun saksonia

كشف حساب

كشف حساب
انا مش هاجيب حاجة من الهوا او من دماغى بس اللى عرفته ان مرسى حقق خلال 90 وم 4 وعود من 64 وعد وعد بيهم قبل ما ينجح فى الرئاسة , 4 وعود يعنى بنسبة 6% , يعنى جاب فى الآخر 6% ,
هااااااااااااااار اسود , يعنى ساعة الامتحان ساب الورقة فاضية , دة لو ابنى او بنتى جاب 6% , دة انا اضربه بالنار فى ميدان عام , تخيلوا كدة 6 % , بس ايه 6% و هو اللى وعد , يعنى مرسى اللى اختار الامتحان كله سؤال سؤال , م

ا حدش اجبره على حاجة , كل دة علشان بيلعب طول ال 100 يوم , ايوة بيلعب .
مرسى سافر 7 دول خلال 90 يوم ,
- السعودية و قال للملك عبد الله انه خليفة المسلمين , الملك عبد الله اللى حبس احمد الجيزاوى , الجيزاوى دة بتاع 6 أبريل , اللى بتأيد مرسى .
- سافر اثيوبيا يحضر مؤتمر دول حوض النيل و كانت ساعتها البلد عمارات وقعت و قطار خرج من خط سيره و البلد مقلوبة , بس ما ينفعش , حوض النيل , ايوة لازم حوض النيل , لازم يروح اثيوبيا ,
- مرسى راح الصين و معاه وفد رجال اعمال اخوانى فلولى عظيم , فلول و اخوان , هااااااااااااار اسود , هى خلاص رجال الاعمال فى مصر كلهم حرامية و نصابين , فلول على اخوان , و فى الآخر يقول الصين اديتنا 300 سيارة شرطة , طيب ما الصين وعدتنا بيهم من ايام المخلوع , ما جبتش الديب من ديله يعنى .
- مرسى راح ايطاليا و كل شرائط مقابلاته فى ايطاليا اختفت مش عارف ليه , عملت ايه فى ايطاليا يا مرسى ؟ رجعت تقول ان ايطاليا فتحت الطريق لتدريب المصريين و العمالة المصرية هناك ؟ بجد ؟ و الله ؟ يعنى ايطاليا هاتسيب دول شرق اوروبا , رومانيا و بلغاريا و استونيا و ليتوانيا و هاتاخد عمالة من مصر , يا راااااااااااجل عيب عليك .
- مرسى راح ايران مؤتمر دول عدم الانحياز , عدم الانحياز لمين بقى الله اعلم , ما علينا , قال خطاب زى الفل بصراحة قعد يشكر فى الصحابة , مش عارف ايه علاقة دولة زى فنزويلا مثلا بالصحابة , مش عارف هو راح ليه اصلا . ما علينا
- مرسى راح امريكا , و قال خطاب زى الفل فى الامم المتحدة باللغة العربية , طبعا اللغة العربية من اللغات الرسمية للامم المتحدة , بس مش بدل الترجمة و المترجمين و الاجهزة كنت قلت الخطاب انجليزى يا مرسى , و فضيحتك مع رئيسة وزراء استراليا يا مرسى , و فضيحة المنديل يا مرسى , ليه يا مرسى كدة ؟
- مرسى قالوا انه هايروح تركيا فى زيارة 12 ساعة , ليه ؟ هى تركيا فيها كارثة يعنى لازم يروح صد رد , و لا ممنوع يبات برة بعد فضيحته فى امريكا , ممكن برضه .
يا حج مرسى انت عجبتك طيارة الرئاسة و لا ايه ؟ يا حبيبى دى مش للفسح و مش ملاهى , هيا مراجيح يا مرسى ؟
عامة فى الآخر 6% , آدى آخره اهمالك فى مذاكرتك , طبعا يا مرسى احنا ججبنا النتيجة من الكنترول , اما النتيجة تطلع رسمى و هانعمل فيك اللى هاتعملوا فى ابنك لو جاب 6 % , انا ن نفسى كان ابويا هايعلقنى على باب البيت . شوف انت بقى , ليلتك سودة يا مرسى .
kanoun saksonia

الشعب المصرى الجريح

بلغنى ايها الشعب الجريح , اللى مش واخد منهم غير تصاريح
بأن الاوضاع هاتتعدل , و ان الدنيا هاتتبدل
طلعوا علينا بالوعود , و بأن الخير هايبقى بوفرة موجود
و فى الآخر كله كلام , و من احلام ندخل فى أوهام
قالوا هاتعيش فى العسل بحور , و فى الآخر قطعوا عليك النور
قالوا هانخلى حياتك مية مية , و انت مش لاقى دلوقتى نقطة المية
جابولك حكومة ائتلافية , اخوانية على فلولية ,
كأن البلد ما فيهاش , و كلها ما تسواش
غير اخوان و فلول , ومن دلدول لدلدول ؟
جبت لنفسك رئيس , مقضيها افراج عن الارهابيين المحابيس
مقضيها سفر فى كل البلاد , و سايب المفرمة تفرم فى العباد
بيحب طيارة الرئاسة , يا ريس شوية حساسة
مقضيها مراجيح , و سايب الناس فى وش الريح ,
و كل مافى البلد تحصل مصيبة , نلاقى الريس فى بلد تانية غريبة
يا عالم هو فيه ايه , هانخرج امتى من اللى احنا فيه
يا ريس مرسى انت فين ؟ جوة لبلد و لا برة البلد
موجود و لا مفقود ,
فى القصر و لا بتصلى العصر
و فى الآخر نختم بالسلام الحنجورى , و سيبكم بقى من الجمهورى
و التعلب فات فات و فى ديله سبع لفات
التعلب فات فات و فى ديله سبع لفات
kanoun saksonia

عالم الخرفان

كان ياما كان , فى عالم الخرفان ,
و دة عالم غريب , كله متاهات عجيب ,
مرشدهم هو الكبير , و باقى القطيع طراطير ,
المرشد كلمته تمشى على كل القطيع , اشترى يا فلان , و انت يا فلان بيع ,
صغير او كبير , بيسمع الكلام ,
انت اكدب و نافق و انت بيع اوهام ,
و من اهم شروطهم , ممنوع التفكير ,
الكبير يتحرك , يشتم او يتملق , و كله وراه على طول شغلته تكبير ,
يا كبيرنا يا خطير , عملت عملت عملت , دة علمك غزير

و قلت و قلت و قلت ,
و اللى برة القطيع , و فهمهم سريع ,
قالولهم الخطير , دة ما بيعملش حاجة ,
ذو العلم الغزير آخره فى التلاجة ,
و بأمر الخطير , المرشد الكبير ,
ابتدى الخرفان يقولوا علينا كفار , و فى كل مكان يصفونا بالاشرار ,
طلع مرة خروف , حلو اوى حلوف ,
يقول اللى مش معانا , دة كافر يغور , و اللى مش ويانا , دة شارب خمور ,
يعنى الراجل الكبير , بلغ الطراطير ,
اشتموا و شوهوا , فى اللى يعوز تغيير ,
عالم الخرفان , حلو اوى و توهان ,
المخ فى التلاجة و ما حدش فاهم حاجة .
kanoun saksonia

بلاد كحيانستان و حكم الخرفان

حدوتة قبل النوم
كان ياما كان , فى هذا الزمان , اللى اتقلب فيه الميزان ,
بلد من البلاد , اللى مليانة بالعباد , اسمها كحيانستان , بلد المواطن الغلبان
بلد كحيانستان فيها الكحيانين , الفقراء المشردين ,
حكمها حاكم جبار , 30 سنة اسمه المباركدار ,
دخل على البد خربها , و على كل فيها نهبها ,
و دمر كل حاجة , بقمة السماجة ,
شعب كحيانستان , دة شعب غلبان ,
اما فاض بيه و الدنيا قسيت عليه ,
قام الشعب و

ثار , على الحاكم الطاغى الجبار ,
و مسكها العسكر , و باعوها اكتر ,
قسموها دويلات , علشان الشعب يبكى على اللى فات ,
و يندم انه قام بثورة , كأن الثورة عورة
و سلموها للخرفان , اللى بقوا فى كل مكان ,
و بدأت دولة خرفانستان , السيطرة على الشعب الغلبان الكحيان ,
و انقسمت دولة كحيانستان , الى دويلات فى كل مكان ,
اكبرهم خرفانستان , و ليبرالستان و علمانستان و اشتراكستان ,
و بالكذب و الخداع , و الأمل اللى ضاع ,
و بوهم مشروع النهضة , القضاء على المعارضة
فقدت جماعة الخرفان الشعبية , و قلت اوى عندها الجماهيرية ,
فحاولت السيطرة على الدويلات المجاورة الشقيقة , لأنقاذ شعبيتها الغريقة ,
و استخدوا حلفاءهم الحاذقون , اللى على طول مغيبون ,
و استخدوا المطبلاتية المتلونون , اللى كل يوم بلون ,
فى تشويه ليبرالستان , و علمانستان و اشتراكستان ,
و قالوا عليهم كفار , و قالوا ضد الشرع و اشرار ,
و قالوا اتباعهم يشربون الخمور , و عايزين شعبهم ينسى الخابور ,
بس بعد طول انتظار , و بعد المعيشة النار ,
اتفقت الدويلات على الاتحاد , ضد الخرفان الشداد ,
و اترعب الخرفان , و مأمأوا فى كل مكان ,
خوفا من المعركة القادمة , و الهزيمة المحتملة بعد فترة حكمهم الآثمة ,
و جمعوا انفسهم , بقيادة مرشدهم ,
السيد شخرم خان , زعيم الخرفان ,
و اتباعه المتشخرمين , التايهين الضايعين
و مفيش اللى يعملوه , بعد و لا عهد وفوه ,
و خلصت الحكاية , و كانت دى البداية ,
بداية ثورة جديدة , بعد ما بقينا كلنا على الحديدة ,
هاتشيل الخرفان و يتعلقوا فى الميدان .
و تبقى كحيانستان , ملك المواطن الغلبان و شعبها التعبان
روبا بيكيا  .

جمهورية تيكا تيكا الدقنوقراطية

جمهورية تيكا تيكا الدقنوقراطية
النظام الدقنوقراطى هو نظام من أحدث النظم العالمية و قد تم تطبيق هذا النظام لأول مرة فى جمهورية تيكا تيكا .
و قد حاولت جمهورية تيكا تيكا , الخروج من النظام المهلباتى الى النظام الديموقراطى و لكن الشعب التيكاوى اختار النظام الدقنوقراطى , بما لا يخالف شرع الله ,
و النظام الدقنوقراطى يعتمد فى الحكم على بعض المبادئ الاساسية التى سيتم وضعها فى الدستور التيكاوى الجديد ,

منها مثلا انه تم اكتشاف ان الانسان التيكاوى اصله دقن
تجرى جرى الثوار و بالصندوق كله طار
يا تيكاوى ايه فرعنك , مش لاقى دقن تلمنى
و لهذا و لخبرة الدقنوقراطيين بالصناديق و المطابع الاميرية و الصفقات مع عسكور المغرور , قد فازوا فى الانتخابات التيكاوية و تعين حاكم دقنوقراطى , كل اللى بيعملوا انه بيصلى و يدعى للشعب التيكاوى ربنا يفك كربه
و يتصور بمعدل 5000 صورة فى الركعة و بالحراسة بتاعته
و يسافر يزور البلاد المجاورة بمعدل سفرية كل 12 ساعة
, ليتسول معونات للشعب التيكاوى المطحون , الذى اصبح لا حول له و لا قوة ,
و قد تم تشكيل الحكومة الدقنوقراطية الجديدة و كان مبدأها ( الله جاب , الله خد , الله عليه العوض )
و بدأنا نرى انتشار الدقون بكثرة بين الشعب التيكاوى , و خصوصا بعد انتشار الاشاعات بمنع ماكينات الحلاقة و الامواس . و انتشر مبدأ , انا بدقن اذا انا موجود . اه طبعا , انا بدقن يبقى انا اللى هاشتغل و اللى من غير دقن فى الشارع , انا بدقن يبقى انا هاعيش و الباقى فى داهية , انا بدقن هاعرف انافق و اكدب و اوصل الى ما اريد , مش مشكلة شوية وعود مش هاتتنفذ , مش مشكلة كدبتين على الشعب . مش هاتفرق المهم الكرسى .
و طبعا لاعتماد النظام الدقنوقراطى على الدقن و الدقن فقط , فهو يعتبر نظام ناجح بكل المقاييس فى القضاء على الشعب التيكاوى و افلاسه و تجويعه , و طبعا لأن الحاكم بدقن و دى مهمة جدا فى ان الشعب التيكاوى اقتنع بالدقن و بأن فعلا التيكاوى اصله دقن .
و قد بدأ مطبلاتية الحاكم فى نشر ان الحاكم التيكاوى الدقنوقراطى مبعوث الهى , لا يخطئ , مش مهم الشعب التيكاوى يشتغل , مش مهم ياكل , مش مهم مواصلات و تعليم و صحة و الكلام الفاضى دة , المهم فى النظام الدقنوقراطى ان الحاكم بيصلى و يدعى ربنا يهدى التيكاويين اللى بيفكروا فى الحاجات الدنيوية دى ,
و طبعا كان من نتيجه ذلك ان انقسم الشعب التيكاوى بين مؤيد للحاكم ابو دقن , و بين كافر علمانى ليبرالى ذنديق كافر لمخالفته شرع الله و معارضته لأبو دقن .
و طبعا لأن الحاكم مبعوث الهى , له كرامات , ما بيغلطش ابدا , اوعى تقول على ابو دقن بيغلط , دة ملاك , الراجل بيصلى , عايزين ايه تانى ,
و لازال الشعب التيكاوى يرزح تحت حكم الدقون , المتحكمين فى مفاصل تيكا تيكا , و لكن بدأ الكفار , و انا منهم على فكرة فى حشد الجيوش , لمحاربة ابو دقن و اعوانه و ما زالوا يحاولون جمع المتشخرمين من ابناء الشعب التيكاوى لمقابلة ابو دقن فى الموقعة الاخيرة للخروج من مأزق الدقنوقراطية التى عوقب بها الشعب التيكاوى .
و تيكا تيكا بالدقنوقراطية بقت بلد انتيكا ,
فهمت كلامى يا ويكا و لا نقول كمان .
kanoun saksonia

عصر حكم الخرفان

خرفاااااااااااااااااااااااااان
بابا
قولوا ماء
مااااااااااااااااااااااااااااااااء
بصوا بقى يا قطيع
عايزين نشترى و نبيع
و اللى معانا يا مرحب
و اللى مش معانا يضيع
خرفاااااااااااااااان
بابا

قولوا ماء مااااااااااااااااااااااااااااااااء
برادعى تكفروه
حمدين تشوهوه
و فلان و فلان و فلان
يطلع عين ابوه
خرفان
بابا
قولوا ماء
ماااااااااااااااااااااااااااااااء
رئيسكم تكبروه
و لو ما عملش حاجة ,
برضه تفخموه
فى الشارع فى كل حتة
مع الناس تعظموه
خرفااااااااااااااااااااان
بابا
قولوا ماء
ماااااااااااااااااااااااااااااء
الشعب تتوهوه
بالدين تقنعوه
اللى معانا دة مسلم
و دة كافر لا تسمعوه
خرفاااااااااااااااااااان
بابا
قولوا ماء
مااااااااااااااااااااااااااااااااء
عايزكم تكدبوا
تنافقوا و تلعبوا
اهم حاجة الكرسى
لو ضاع هاتندبوا
خرفان
بابا
قولوا ماء
ماااااااااااااااااااااااااااااء
عايز ناس فى التوهان
بيعشقوا الخرفان
مش فاهمين اى حاجة
نخدعهم , يقولوا كمان
خرفااااااااااااااااان
بابا
قولوا ماء
ماااااااااااااااااااااااااااااء
تفكير ما تفكروش
حسابات ما تحسبوش
و الكلمة تسمعوها
ببلاهة على الوشوش
خرفااااااااااااااان
بابا
قولوا ماء
مااااااااااااااااااااااااااااااااااااااااااااااء ماااااااااااااااااااااء
مااااااااااء مااااااااااااااااااء مااااااااااااء
kanoun saksonia

بعض التعريفات الساخرة من زمن الاخوان ,

بعض التعريفات الساخرة من زمن الاخوان ,
التحديث فى عهد مرسى :
السياسات الحكومية التى تؤدى الى جعل المواطن يمشى فى ربوع الوطن وهو يتحدث مع نفسه
خطاب الرئيس:
كلام يكتبه شخص ليقرأه شخص آخر على أشخاص يعرفون ان شخصاً آخر هو الذى كتبه لكنهم يصفقون للشخص الذى يقرؤه , رغم معرفتهم انه مش هاينفذ حاجة منه .
السواد الأعظم من الشعب :
هو السواد الذى بيشوفه الشعب بعد ما انتخب الاخوان
تطوير التعليم فى دستور

ام ايمن :
العمل على جعل كل طالب مصري طور في برسيمه
سياسة التقشف عند مرسى :
تجويع الشعب إلى أن يتقشف جلده
إعادة الهيكلة :
توفير كل الضمانات الأمنية والسياسية لتحويل المصرى الى هيكل عظمى
النظرية النسبية :
النظرية التى ابتكرها اينشتاين وطبقها مرسى بتشكيل الوزارة من مجموعة من النسايب .
حزب الأغلبية :
الحزب الذى يذيقك الغلب و الذل وتعيش تحت حكمه أغلب فترات حياتك
العدل :
عدل المواطن حتى يأخذ على قفاه بشكل مريح لمن يضربه
kanoun saksonia

يعنى ايه أخونة الدولة ؟

يعنى ايه أخونة الدولة ؟
- يعنى كلنا بنحب ناكل ام على و تلاقى قرار جمهورى بتغيير اسم ام على لأم ايمن
- يعنى قرار جمهورى بمنع ذبح الخراف البلدى فى عيد الاضحى للحفاظ على الاهل و العشيرة من الانقراض
- قرار بفرض ضرائب تصاعدية على مستخدمى الطماطم فى طعامهم و مخالفة الرئيس الذى نصح باستخدام المانجا
- قرار بالغاء الجنيه و تغيير اسمه الى قندهار , حد معاه فكة 20 قندهار ؟ بس عايز 5 معدن و النبى
- قرار بمنع عرض اغنية الفنانة الراحلة سعاد حسنى الدنيا ربيع و الجو بديع , لأن مرشد الجماعة انكر انه كان الجو بتاعها
- قرار بوضع صورة بكار فى كل مؤسسات الدولة , لأنه راجل بكالوريوس تجارة بركة و علامة بصراحة
kanoun saksonia

سؤال و جواب

سؤال و جواب
س- الشفحتاريت المفتحز بالسهاريظ المشعظة ؟
ج- هو دة حالنا دلوقتى .
س- هل يجوز أن نطلق على الشعب المصرى انه شعب مستأنس ؟
ج- التعريف ده لايق اكتر على جماعة الخرفان , خرفان مغمية يقودها حمار يا ترى هيوديها فين
مع الاعتذار للحمار .
ماهى موصفات الرئيس مرسى ؟
1- البرود ( عشان يطلع للشعب كل شويه بتصريحات ورديه )
3- العته (عشان يصدق قراراته التاريخيه الحكيمه )
4-الخشوع (لزوم التصوير ساعة صلاة الجمعة و صلاة العيد )
kanoun saksonia

فن الاعراب فى مصر

مرسى : فاعل مرفوع بالجماعة و علامة رفعه الكرسى
الشعب : مفعول به منصوب عليه و علامة النصب النهضة
الاخوان : مضاف اليه مالوش لازمة مجرور و اللى بيجرهم المرشد
بديع : حرف جر , مجرجر وراه البلد كلها
الشاطر : اداة نصب تنصب على ما بعدها و قبلها و وسطها كمان
kanoun saksonia

الاستبن

هو الاستبن اما بييجى يسافر اى دولة ,
بيدخل من صالة كبار الزوار و لا من قرية البضائع ؟
مش فاهمين قصدى , يعنى بيدخل للطيارة على رجليه و لا بيدخلوه على السير ؟
يعنى بيبقى زينا كدة قاعد على كرسى و لا فى مخزن الشنط ؟
اوعوا تفهمونى غلط
kanoun saksonia

الشعب المصرى الغريق

بلغنى ايها الشعب الغريق , اللى تاه منه الطريق
انك بقيت فى حالة مش طبيعية , و بلدك لسه فيها الحرامية
 يبقى عندك نهر النيل , و مفيش مية نهار او ليل
و عندك برضه السد العالى , و الكهربا قاطعة يا غالى
و بقيتوا مش عايشين , و لا حتى فاهمين
 ان رئيس التكية , اللى اقال الحرامية
 معززين مكرمين , بعد ما نهبوا البلد سنين
و خرجوا خروج آمن مشرف , فى رواية و لا اجدع مؤلف
و كله بالاتفاق , ماهو بين الجماعة و العسكر مفيش خناق
و طلعت الجماعة بيان للمطبلاتية , اللى شغالين تطبيل ميه ميه
و عاملين زى الخرفان , و موجودين  فى كل مكان
 و نسى رئيسك ان فيه شهداء , و نسى رائحة الدماء
 و الناس اللى اتقتلوا , و اتضربوا و اتسحلوا
علشان يوصل للكرسى , و يقولوا عليه الرئيس مرسى
و آدى أخرة الاخوان , مبسوط يا شعب يا غلبان ؟
لا و لسه دة التقيل جاى , هيخلوك درويش تقول الله حى
هاتصحى امتى يا شعب و تفوق , دة انت طالع فوووووق فووووووووووق سن خازوووووووق
Kanoun saksonia 

مزرعة الحيوانات

مزرعة الحيوانات
==========
تتحدّث الرواية عن مزرعةٍ يديرها السيد (جونز).
والحيوانات في هذه المزرعة تشعر أنّ أسلوبه في التعامل معها فيه الكثير من الظلم والقسوة والاستغلال.. ولقد عملت جملةٌ من الظروف على تصعيد مشاعر النقمة في نفوس الحيوانات..
ومع أوّل فرصةٍ تعلن الحيوانات في المزرعة الثورة على السيد جونز، وتتمكّن من طرده، لتصبح المزرعة تحت سيطرتها.. تتولّى مجموعةٌ من الخنازير لاسيّما (سنوبول) و(نابليون) إدارة العمل في المزرعة، وتنظيمه، رافعةً خلال ذلك شعاراتٍ أو وصايا تدعو إلى الإخلاص في العمل والتفاني فيه لإقامة المجتمع الحيوانيّ الجديد الذي تنتفي فيه كلّ أشكال الظلم والاستغلال، ويسوده الرخاء والعدل، وتربط بين أفراده أواصرُ المحبّة والإخاء..

ولكن ماذا لو تحوّلت هذه الشعارات البرّاقة إلى سكاكين مسلّطةٍ على رقاب الحيوانات؟.. هذا ما حدث فعلاً،
فباسم الحرية استُعبِدت هذه الحيوانات،
وباسم المساواة تم سلب حقوقها،
وباسم الرخاء اصبحت مجاعة فى المزرعة ،
وباسم الحياة سُفِكت دماؤها ،
وباسم المستقبل كُمّمت أفواهها..
حتى تمكّن الخنزير (نابليون) من طرد رفيق دربه (سنوبول)، والاستئثار بالسلطة، مستعيناً بمجموعةٍ من الكلاب التي درّبها منذ كانت جراءً صغيرةً لتكون جهاز أمنه الخاصّ، إضافةً إلى الخنزير (سكويلير) الذي أنيطت به مهامّ الإعلامي القادر على تبرير سياسات (نابليون)، وإقناع الحيوانات بحكمة ما يصدر عنه من قراراتٍ أيّاً كانت طبيعةُ هذه القرارات، أو الدوافعُ وراءها، ومهما كان الثمنُ الذي ستدفعه الحيوانات جرّاء تنفيذها..
الروايةُ لا تتضمّن إدانةً لنظام الحكم الدكتاتوري والثورات الخداعة فحسب، بل إنّها تدين إلى جانب ذلك ـ بل ربّما قبل ادانتها للثورات الخداعة ـ حالةَ الاستسلام الكليّ التي يبديها مجتمع الحيوانات تجاه كلّ ما يُمارَس ضدّه من صنوف القهر والظلم.

الشعب المصرى الضايع

بلغنى ايها الشعب الضايع , اللى معظمه مرمى على القهاوى مش لاقى شغل و صايع

انك عصرت على نفسك لمون , و قلت بكرة تهون

و بعد ما انتخبت الاستبن مرسى , اللى ما صدق نط و كلبش فى الكرسى

بقت تحكمك الجماعة , اللى كلها كدب و نطاعة

و كان اول القرارات قنديل , عايز يلبس البلد كلها قطونيل

و لم كل المحاسيب و القرايب , و عينهم فى كل المناصب

و بدأوا يشحتوا علينا , من كل الجيران اللى حوالينا

و يستلفوا من الدولى قروض , توصلنا لطريق مسدود

و وصلونا لخراب و توهان , و البلد عششت فيها الغربان

و قسموا البلد كلها عليهم , و ركبوها و دلدلوا رجليهم

و قالولك مد رجليك على قد اللحاف , و انت اصلا مش لاقى العيش الحاف

و اختفت انابيب الغاز , و رجعوك تانى لوابور الجاز

و رفعوا الدعم عن البنزين , و انت لا عارف تروح شمال و لا يمين

و قالولك فى الآخر اضربها طبنجة , و خلوا القوطة بسعر المانجا

و قالوا رئيسك مبعوث الهى , و ياما تحت السواهى دواهى

و يطلع عليك المطبلاتية , يقولوا الرئيس مية مية

و يطلع عليك حزب شوية الصبر , عايزينك تصبر لحد ما تروح القبر

و انت  اصلا بتموت من الجوع , و جواك آلام الدنيا و موجوع

و طلع فى الآخر النهضة ما فيش , و سلمت نفسك للى ما يساويش

دة غير دستور قندهار , هايخلى حياتك جحيم و نار

يا ترى يا شعب خلاص هاتفوق ؟ و لا خلاص عجبك الخازوق ؟

kanoun saksonia