بعض الآراء السيكاوية فى الريس السيكى

نبدأ كدة درس من تاريخ سيكا سيكا

كان الفراعنة مجتمعين علشان ياخدوا الاستمارة و يمضوا التفويض

كان أبو الهول قاعد هنا و منقرع قاعد هنا و ابو الهول عمال يصرخ ما أخودهاش يا خوفو ما أخودهاش يا خوفو و يعيط

و أنا بصراحة شفته بيعيط صعب عليا بقيت أعيط

و منقرع قلع الباروكة بتاعته و بقى يعيط

و خفرع كان قاعد جنب شجرة الدر و يعيط

و أخناتون جايب بطيخة في ايده و جاي لقانا بنعيط قعد يعيط

سيبكم انتم ما ياخدش ايه و يعيط ايه

كلنا هانعيط ما تقلقوش 

مش القتلة كلهم براءة

و ضيف عليهم الحرامية براءة

و الشهداء طلعوا ماتوا لوحدهم

انتحروا يعنى

اللى ما فيه امين شرطة خد حكم و لا فيه حد من نظام مبارك اتحبس و اتحاكم بجد و كله نهب البلد و خلع المهم مكافأة للريس السيكى طبعا البلد بقت مهلبية خالص و دى بعض آراء عينة من السيكاويين فى الريس السيكى آخر الرجال المهلباتية النهابين 

فقد قالت السيكاوية الشمطاء :  أنا بعبد السيسي

ثم قالت البلهاء : عاوزه أديك مفتاح الشقة

ثم قالت صفاء ذات الابتسامة الصفراء  : أنا بحب الرجالة و أفهم فيهم كويس و هو راجل أوى قصدها على السيكى طبعا

ثم قالت ميمونة القرد عنقاء : أنا بحبه أوى أوى أوى أوى

ثم قالت الولية ام علاء الصلعاء : خذنا إليك ملك يمينك

و طبعا هذا رأى النساء السيكاويات المحترمات فى الكباريهات اما رأى الرجال السيكاويين المحترمين الواقفين قرنى على باب صفط اللبن و المغربلين

فقد قال قرنى الأقرع : نساؤنا حبلى بنجمك و رجالنا حاضت

ههههههههههههههههه رجالنا حاضت اتكلم عن نفسك يا ابو الرجال

ثم قال بقرى الاشلخ  : أنا أهيم عشقاً فيه

ثم قال ابو فوطة مظبوطة : نساؤنا معذورات بحبه

لا يا راجل

ثم قال احد مشايخ الزكايب : احكم فأنت الواحد القهار .

و فى النهاية تم عمل نصب تذكارى للسيكى و وضعوا صورته على الملابس الداخلية للنساء فى سيكا سيكا

و سيكا سيكا

بولوتيكا

و الشعب دة انتيكا

و سيسيكا

صورته

على الاندر كدة يا ويكا

فى ذكرى محمد محمود

بجد مش عارف اكتب ايه و اقول ايه بس يمكن الصور تتكلم و قبل ما أنزل الصور هاقول كلمتين بس 

الله يرحم اللى ماتوا

و يسامح اللى تاجروا بيها و يشفى كل واحد تاجر بالثورة 

و انا باتابع صفحات الفيس بوك لقيت كله نزل محمد محمود و كله بقى بطل و كله اشتبك مع الداخلية 

اللى عايز اقوله ان اللى نزل محمد محمود مات او فى السجن او مصاب لأن ماحدش شاف ملحمة محمد محمود الا اللى اشترك فيها و اللى مفيش فى جسمه على الأقل اصابة من محمد محمود ما يكدبش و يقول نزلت لأنه كداب بطلوا قرف و خلوا عندكم دم و سيبوا الثورة فى حالها على رأى صديق بقيتوا مقرفين اوى يا ريت تخرسوا خالص , عامة الصور مش كلها من محمد محمود طبعا بس دول ابطال الثورة اللى اتأذوا و ماحدش جاب حقهم لحد دلوقتى مش ابطال من ورق كله عايز يبقى فى الصورة و خلاص 

عامة دة أقرب للحقيقة للى عايز يفهم 

شهادة مهم لكل انتهازى من الاخوان والسلفين
لعنة الله عليكم ايها الخوانة يامن بعتم شبابنا
حازم ابو اسماعيل و احداث محمد محمود ( حقيقة ما حدث )
10 ديسمبر، 2012، الساعة 10:49 صباحاً

حازم ابو اسماعيل و احداث محمد محمود

فى يوم 20 اكتوبر 2011 اتصل بي واحد اسمه امجد ، وقال لى انه الشيخ حازم ابو اسماعيل يريد ان يجتمع بالحركات الثورية المؤثرة على الارض وانه يعرف الشيخ حازم ، واعتقدت ساعتها انه من حملة حازم ، واتفقنا على ان نقابل الشيخ حازم بعدها بيوم فى مسجد اسد ابن الفرات بالدقى وبالفعل توجهت للمسجد وكان فى استقبالى شاب طيب اسمه احمد عبد القادر ، وبعدها بدقائق قابلت امجد ، وعرفت وقتها انه ليس من حملة حازم ، وانما هو من انصار وجدى غنيم ، وكان شاب طيب ايضا ، ووجدت فى الاجتماع وقتها عمرو الوزيرى مسئول التحالفات الخارجية فى حركة 6 ابريل الجبهة الديموقراطية فى ذلك الحين ، وقابلن الدكتور احمد دراج لاول مرة وبعض شباب الحركات وايضا بعض شباب الحركات والائتلافات الاسلامية المختلفة ، وكان الكلام عن اسقاط المجلس العسكرى ، وجاء الشيخ حازم وصلينا العشاء وجلسنا فى جلسة مطولة نتكلم عن فاعليات متلاحقة من اجل اسقاط المجلس العسكرى ، واتفقنا فى ذلك اليوم على ان نقوم بدعوة ليوم 28 اكتوبر نطالب فيها بتسليم السلطة للمدنيين واتفقنا انه فى حالة كان الحشد كبير سنقوم بالاعتصام وبداية التصعيد لاسقاط العسكر ، وبالفعل خلال ذلك الاسبوع قمنا بعمل اكثر من اجتماع ولم يسعفنا الوقت للحشد الكبير يوم 28 اكتوبر ، وكان الميدان غير ممتلىء بالشكل اللازم فاتفقنا انه لن نعتصم واننا سنحشد ليوم 18 نوفمبر وسيكون امامنا من الوقت ما سنستطيع من خلاله الحشد

وعقدنا عدة اجتماعات فى مكتب الشيخ حازم بالدقى وتعرفت فى تلك الاجتماعات على المزيد من شباب الحركات الاسلامية مثل د/ حسام ابو البخارى من ائتلاف دعم المسلمين الجدد ومجدى فياض من الجبهة السلفية وغيرهم من الدعوة السلفية بالعبور وطلاب الشريعة ، وبالفعل بدأنا العمل المشترك واجتماعات متتالية خلال الفترة من 28 اكتوبر الى يوم 18 نوفمبر ، ووجدنا ان الدعوة بتكبر وبتزيد ، وبدأت باقى الحركات الثورية وغيرها يدعون لذلك اليوم وعندها اتفقنا انه سيكون اعتصام كبير ، لان الدعوة انتشرت وسيكون الحشد كبير ، وكان الكلام فى اخر اجتماع مع الشيخ حازم ومع باقى الحركات الثورية والاسلامية ان الدعوة ستكون لاعتصام كبير من اجل اسقاط العسكر وكان الاتفاق على ذلك ، وظهرت وقتها وثيقة السلمى وقام الاخوان بالمشاركة فى الدعوة ، ولكن لإفشالها كالعادة ، وسموها مليونية اسقاط وثيقة السلمى ، التى وضعوا بنودها الان فى دستورهم الباطل .

المهم نزلنا جميعا الى الميدان وكان يوم حاشد كبير وجاءت المسيرات من كل مكان ، والكل دخل الى الميدان على اساس انه اعتصام ن حتى انى اعرف بعض الناس جاءت من السعودية وتركت اشغالها من اجل المشاركة فى اعتصام 18 نوفمبر من اجل اسقاط العسكر ، وجاءت نهاية اليوم والاستعداد للاعتصام ، وكان الميدان ممتلىء لآخره ، وفوجئنا بالشيخ حازم يصعد على المنصة ، ويعلن انه لن نعتصم ، دون الرجوع لاى حركة من الموجودين والمتفقين معه على الاعتصام ، واننا سنعود بعد انتخابات مجلس الشعب ، وضرب بكل الاتفاقات عرض الحائط ، فكانت صدمة لنا جميعا، لقد طلبت الحشد ، وحشدنا ، واعلنا عن اعتصام وكل الموجودين كانو مجهزين نفسهم على ذلك ، حتى ان الائتلافات والحركات الاسلامية فوجئت بذلك ، وقرروا عدم الموافقة على ما يقوله وقرروا الاعتصام ، وقررنا نحن كذلك الاعتصام بدون حازم حتى لو وصل عددنا الى 10 افراد ، وهتف الشباب ضد حازم فى الميدان وكان من الهتافات ( ليه يا حازم يا صلاح ، ليه بتضيع الكفاح ) وكانت صدمة كبيرة للجميع ، وبسبب اعلان حازم عدم الاعتصام بدأ عدد الناس فى الميدان يقل ويقل وبقينا نحن وبعض الحركات الاسلامية التى انسحبت بعد الفجر ، وبقى تقريبا 29 من مصابى الثورة ، ومعهم ما يقرب من 100 شاب فقط فى المثلث المجاور لمجمع التحرير وتم فتح الميدان لعدم تعطيل الطرق .

وكان من الطبيعى جدا ، بعد انسحاب حازم والاخوان وبعض الحركات الاخرى من الميدان ، ان يتخذها الامن حجة قوية من اجل فض الاعتصام بالقوة ، وبدأت احداث محمد محمود ومات من مات واصيب من اصيب واعتقل من اعتقل ، وجدنا حازم راجع الى الميدان كل يوم فى احداث محمد محمود بسيارة وميكرفون من اجل ادعاء البطولة ومنها برضو شوية شو من اجل انتخابات الرئاسة ، وكانت كلماته كالعادة لن نبرح ولن نتراجع ، ولن نحيا خرافا ، وهذا الكلام الجعجاع ، وبعد ثلاثة ايام من بداية الاحداث طلبت منه الجلوس معه فى جلسة منفردة بعد اتفاقى انا وبعض مسئولى الحركات الثورية لدعوة كل من البرادعى و حازم و احد شخصيات الاخوان و حسام عيسى ونهى الزينى وجورج اسحاق من اجل تكوين مجلس رئاسي مدنى ، وكانت مهمتى هى ابلاغ حازم بذلك الاقتراح

وبالفعل جلست معه فى سيارة صديقى احمد عبد القادر احد اعضاء حملة حازمون ، وتكلمنا فى ذلك وعرضت الموضوع عليه ، وفوجئت فى ذلك الوقت برده ، فكان رده كالأتى :

اذا اردت ان تعرض على شىء فاعرض على شىء محترم تحترمنى فيه

فقلت له : لم افهم ماذا تقصد يا شيخ

قال لى : انا رجل داخل على انتخابات رئاسة وسأكون رئيسا ، فكيف لك ان تطلب منى ان اشارك الرئاسة مع آخرين وانا اعلم اننا لن نتفق مع بعضنا البعض

فقلت له : يا شيخ اذا كانت مصلحة مصر فى ذلك فلا بد من ان ننحى المصالح الشخصية جانبا ، انه مستقبل بلد

فقال لي : الاقتراح مرفوض ، وكما قلتلك عندما تعرض على افتراح عليك ان تعرض اقتراح محترم

وفى ذلك الوقت تأكد لى كم ان هذا الرجل متكبر ومتغطرس ، ولا يهمه مصلحة البلاد ،ولا يهمه دم من ماتوا بسببه بعد ان تخلى عنهم فى الميدان ، وبعد ان اشتهر اسمه على دمائهم .

بل انه جاء لى بعد فترة تأكيد بأن حازم قام بفض الميدان ، بناءا على طلب الاخوان المسلمين من اجل اجراء انتخابات مجلس الشعب فى مقابل انهم سيدعمونه فى انتخابات الرئاسة وسيكون هو مرشحهم فى الرئاسة ، لانهم وقتها كانوا رافضين لترشيح احد منهم فى انتخابات الرئاسة .

واكتشفت انه باع الميدان ، وباع دم الشهداء من اجل دعم الاخوان له فى انتخابات الرئاسة .

ويشهد الله ان كل ما جاء فى هذا المقال صحيح ليس فيه زيادة او نقصان

لذلك اقول ان هذا المسمى بحازم ابو اسماعيل ما هو الا رجل متكبر ومتغطرس ، لا يهمه الا مصلحته الشخصية ، وانه افاق ، يلعب على مشاعر الناس ومشاعر محبيه المخدوعين فيه ، وعندى استعداد كامل لمواجهته ومواجهة كل الاسماء التى ذكرتها فى المقال بهذا الكلام وجها لوجه امام الجميع ، وان اقسم على كتاب الله ، وان يقسم هو والاخرين على كتاب الله

والله يحكم بيننا يوم القيامة

هذه حقيقة كان يجب ان يعلمها الجميع عن حقيقة هذا المخادع

الذى طالما باع مؤيديه ومحبيه وقد فعلها يوم 18 نوفمبر ، وفعلها فى العباسية ، انها عادته ، فهو ليس اسدا كام كان يدعى وليس بطلا ، وليس مقاتلا ، وليس فارسا ،

اللهم انى قد بلغت اللهم فاشهد

منقول؟؟

 

تصوروا

تصوروا لو فيه حساسة
و الجيش ساب السياسة

   
و رجع يحمي حدوده  
و رجع يصنع تاني الرصاصة

تصوروا حاسبنا الغيلان 
   رجعنا حقنا إللي كان

  تصوروا كدة ضابط شرطة  
ما يخليش مواطن يتهان

تصوروا صحينا في يوم 
   ما لقيناش عبيد البيادة

   
و لا عبيد مرشد مجنون 
  ماسكين شرعية زي القراضة

كله عايز ينتف ريشك 
  و يضيعوا في سينا عريشك

   
بس فيه ناس واقفين في الزور
  هما دول يا بلدي جيشك

روبا بيكيا

زعلانين ليه

انتم زعلانين ليه ان منتخب مصر خرج لتالت مرة من تصفيات كأس الأمم الأفريقية
دة بدل ما تحمدوا ربنا دي البرازيل إللي اسمها البرازيل عمرها ما وصلت لنهائيات كأس أفريقيا 

تنكروا دة ؟ 

بصوا لنص الكوباية المليان شوفوا البرازيل خدت كاس أفريقيا كام مرة و مصر أخدته كام مرة

قصدي الكاس يا واطي منك له لها له

دة مش ماتش كورة

الموضوع مش موضوع ماتش كورة الموضوع فريق ضايع ما عندوش خطة و كل خططه فاشلة مرة كفته و مرة ع الناشف و كله ساكت رغم انه شايف ، سيبكم انتم نحسبها كدة

نبدأ بخط  الضهر خط الضهر ما شاء الله مفتوح ع البحري ، و المنافس بيلدع زي الحية ، تفجير هنا و تفجير هنا ، و كل مرة نقول هانظبط الدفاع ما بيحصلش و نفس المساك إللي كل مرة المهاجم يهرب منه ما بيتغيرش ، فاشل و في مكانه متثبت ، تقولش متثبت بمسامير ، و قال إيه الدفاع معاه عقد تحصين ٨ سنين ، وحش حلو هايقعد ٨ سنين ، أصلها مش لعبة دي الناس قالت نعم و آمين ، دفاع مفتوح يمين و شمال ، بس تغييره محال ، العقد بيحميه ، و إللي عمل العقد أندال ، بس الجمهور ماله ، كل ما تحصل هجمة من الفريق التاني الجمهور يعيط و يشتم ، بدل ما تشتم ما تشوف دفاعاتك يا عم المفتوحة دي ، ما هو أما يبقي المساك بيبني كباري و الليبرو بيعمل مكرونة يبقي مين هايفكر في الماتش ، دي ناس مش فاضية يا عم ، البيزنس واخد كل وقتها بس كابتن خط الدفاع متحصن و متسلطن و ضامن مكانه ، سيبك م الدفاع دة ميئوس منه ، تعالي نشوف خط الوسط

خط الوسط يا خرابي إيه إللي انا شايفه دة ؟ خط الوسط مقضيها هز و رقص و غنا و سايب الماتش ، عندك واحد بيطبل و واحد بيرقص و ٤ بيغنوا تسلم الأيادي ، بس الماتش شغال و الهجوم جامد و لا الهوا تسلم الأيادي ، طبعا بالنسبة لخط الوسط لازم المطبلاتي علشان يظبط الأداء ، و المطبلاتي ممكن يبقي فضائي علي أي فضائية و ممكن يبقي نتاوي علي موقع تواصل ، و طبعا يمتاز بالتبرير ، هو ما يهموش الإجوان إللي قطعت الشبكة ، هو بيبرر ليه الإجوان دي دخلت ، طول ما الإجوان بتدخل هو بيبرر دي شغلته التبرير إيه إللي انا شايفه دة ليبرو خط الوسط بيرقص و يغني ، اه بيظبط الإيقاع ، طب و باقي خط الوسط فين ؟ دول بقي نايمين و مقضيينها تفخيد و مستكنيسين في بيوتهم مقتنعين بأن الحياة بقي لونها بمبي ، و أنا جنبك و انت جنبي ، و أنا جنبك يا حبيبي ، يا حبيبي و انت جنبي ، المباراة بقي لونها بمبي ، بمبي بمبي بمبي بمبي و طبعا بظهور اللون البمبي بدأ ظهور العناتيل و كله ماشي و كله مقضيها و كله في الاستخوبوس و الناس لبعضيها ، حتي الوسط سايب طب و الهجوم ؟ ربنا يستر

خط الهجوم بقي دة حكايته حكاية و رواية و صدق مين قال ما بتحدفش كتاكيت الحداية ، خط الهجوم مكتوم طبعا فيه فرع الوطني مركب كاتم للصوت ، و عندنا ناس شغالة هجوم عمال علي بطال ، تفضل تهاجم فيك حتي تستغيث ، و الاستغاثة مش من العالم الآخر ، دي بفعل الكهربا هاتقول الكهربا قاطعة لأ مش قاطعة يا عم دول واخدينها كلها مبسوط انت و فاشخ ضبك ان خط الهجوم شغال و مواله موال ، ما تتبسطش أوي كدة ، دة خط الهجوم أصلا سايب الماتش و بيهاجم الجمهور ، أيوة الجمهور يا عم الجمهور جاي يتفرج يقولك ما لكش دعوة هو إللي هارينا إجوان يا عم إزاي بس فهمني إيه ياض انت جمهور و لا إيه ، شكلك جمهور لا يا عم و الله انا محترف أجنبي و هايرجعوني أتحاكم في بلدي زي ما قال الكابتن طب يلا غور ، بس ما تزعلش إشطة يا مان ، سي يو

واحد رخم هايقول طب في وسط الزحمة دي فين الجون كيبر ؟ أقوله الجون كيبر مات في الفرافرة و فيه ناس بتقول في ليبيا و أما غيرناه مات في العريش و فيه ناس بتقول في ليبيا ، غيرناه تاني مات في البحر المتوسط في دمياط و فيه ناس بتقول في ليبيا ، ما علينا بس اسكت مش طلع الفريق التاني متفق معاهم ، هاتقوللي إزاي ، هاقولك مش بعد ما الناس إتأكدت ان الجون كيبر مات في ليبيا طلع فيديو لمدرب الفريق التاني يعلن مسئوليته عن كل الإجوان ، مش توقيت غريب بذمتك ؟ إشمعني دلوقتي بقي ؟ سيبك انت الماتش شغال و الدنيا فل و الحمد لله الجمهور نصه إتقتل و شوية في المعتقل ، و الباقي أدينا مستنيينهم ينزلوا الملعب يدشدشوه علي دماغ الفريقين تفتكر الجون الجاي إمتي قريبا

يا قدم الخير

أخدت العهد تخربها  
قصاد الشعب تقلبها  
تفرقها تحزبها  
و دم كتيييير

ركبنا النحس بوجودك
يخرب بيت إللي يعوزك 
  دة بكرة اسود من بوزك
يا قدم الخييييير

قوم نادي ع الصعيدي 
  و ابن اخوك البورسعيدي 
  و الشباب الاسكندراني  
علشان نقتل كل الرجال

  و انزل الم في السوهاجي  
و القناوي في السجون  
و أجري أهجر السيناوي 
  و اربط النوبة بحبال

بكرة نقضي علي السوايسة 

مفيش قانون و الدنيا هايصة 

واللسماعلاوية نعتقلهم  
نسيب أهاليهم كدة لاصية

   
و كلمني ع الشراقوه  
نخلص منهم نبقي أقوي  
نخلص منهم نبقي اقوى  
و فسادنا يرجع كدة تاني

و أملنا كبيييييييييييير

أخدت العهد تخربها 
  قصاد الشعب تقلبها  
تفرقها تحزبها  
و دم كتييييير

ركبنا النحس بوجودك  
يخرب بيت إللي يعوزك  
دة بكرة اسود من بوزك
يا قدم الخيييييييير

بحيري منوفي أو دمياطي
كله م الجوع هايطاطي   
حلايب يبقوا في زكايب  
و كله ع القبر يرووووح

واكتر حاجه فيها ميزة
 نقتل كل ناس الجيزه
يا مرحب
السجن منور
بناس مطرووووح

أخدت العهد تخربها 
 قصاد الشعب تقلبها 
  تفرقها تحزبها  
و دم كتيييييير

ركبنا النحس بوجودك
يخرب بيت إللي يعوزك
دة بكرة اسود من بوزك
يا قدم الخيييييير

عجبي

أنا إللي سنين ألف في دايرة مقفولة

 

و غيري عمال بياكل في أتة محلولة

 

و أرجع و أقول عملت ثورة علشان العدل

 

إمتي بس يا رب أشوفها معدولة

و عجبي

أنا الفقير و كان حلمي رغيف العيش

و كل حاكم يحكمني يقوللي مفيش

و يوم ما أصرخ و أقول حقي و عايزه يا ناس

 

يردوا يقولوا انت في بلدك مالكش سعر و ما تساويش

و عجبي
 

السيكاوي الأصلي

السيكاوي الأصلي مختلف تماما عن أي بني آدم تاني و يعتبر من نوعية أنوية نادرة إنقرضت من سنين فاتت 

السيكاوي الأصلي بيقول ان الريس السيكي نيم أمريكا و اسرائيل من المغرب

كان أما يهتف مؤيدا للريس السيكي و يهاجم أمريكا يقول : يا أوباما يا جبان يا عميل الأمريكان ، أصلي أصلي يعني

  اما بقي السيكاوي الأصلي شاف الريس السيكي و هو بيتحايل علي أوباما إللي هو عميل الأمريكان عشان يسانده ضد الإخوان الإرهابيين و يبعت الطيارات الأباتشي قال إيه ؟ قال دة تكتيك من العبقري اسم النبي حارسه و صاينه الريس السيكي في انه يلبد في الدرة و يعمل خطة أباتشية حلزونية

  

السيكاوي الأصلي إقتنع و صدق إن الضفادع البشرية المصرية هاجمت الأسطول السادس الأمريكي و قبضوا علي قائد الأسطول و أبوه و أمه و جوز خالته الله يرحمه 

وفي نفس الوقت شايف بعينه سلاح الجنازات في الجيش عمال يحول في جثث مجندين و ضباط من سيناء و الفرافرة و حتي البحر ما إتعتقش و مفيش دبانة من المريخيين إللي بيفجروا إتمسكت و إتقبض عليها 

و رغم كدة عمال يشتم في الإرهابيين إللي بيقتلوا مجندي و ضباط الجيش إللي أسر قائد الاسطول السادس الأمريكي ، طب فين الضفادع او فيران حتى ؟ ما علينا

السيكاوي الأصلي إللي صدق إن إريال عبعاطي بيحول الفيروس لكفتة و ان كل دول العالم عايزة تسرق الإختراع و بعد ما استوردوا علاج فيروس سي سوفالدي قعد يطبل و يهيص و نسي خالص ان كان فيه كفتة فى الاسياخ من كام شهر 

السيكاوي الاصلي إلي صدق انه نور عيون الريس سيكي و رغم كدة قاعد ع القهوة مش لاقي شغل و لا لاقي شقة و لا لاقي علاج و يقول الأمن و الأمان أهم و لازم نحارب الإرهاب و مصدق ان فيه قنبلة تتحط فوق الشجرة علشان تفجر العصافير

السيكاوي الأصلي إللي صدق ان فيه حفر ع الناشف و حفر في المبلول و مصدق ان فيه محور قناة هايفيد البلد و شايف ان الجيش بشركاته هو إللي شغال و باقي البلد عواطليه و مصدق ان دة دور الجيش و رغم كدة زعلان ان المجند إللي بيبيع في سوبر ماركت علبة السمنة مش عارف يدافع عن نفسه

دة السيكاوي الأصلي النادر و الباقي تقليد 

 و حديد علي حديد ، الأصلي غير التقليد

سيكاوي كاورك أليط

طبعا الريس السيكي بعد ما أصدر قانون بالموافقة علي قرض من البنك الدولي
بعد ما كان رفع الدعم علشان ما نستلفش من برة 

و لم التبرعات لصندوق تحيا سيكا سيكا علشان ما نحتاجش لحد 

و تبرعوا علشان السيكي يصيف 

و طبعا بعد تبرير المبرراتية و تطبيل المطبلاتية 

و رقص الراقصات علي عزف الآلاتية 

بأن الريس السيكي مش هاياخد قروض من البنك الدولي 

 دلوقتي طبعا كالعادة يبررون و يطبلون و يشرحون في درس لغة عربية بليغ 

ح فتحة حا  

ش كسرة شى 

، لأ مش دة 

 يشرحون ليه السيكي هاياخد قرض من البنك الدولي رغم كل دة من رفع دعم و لم تبرعات و فلوس من رجال الاعمال و الشعب الغلبان 

و هذه بعض تعليقات السيكاوية ذوات الأربع ، لأ مش قصدي ، ذوات التبريرات الحلزونية في طشة الملوخية

بداية عندنا الأخ محمد الهادي و هو س ك أ يعني سيكاوي كاورك أليط فئة فاقدى العقل بيقول

بيصلح إللي افسده غيره كأن مثلا مرسي كان هايعمل جمعية يقبضها الأول مش هاياخد قرض من البنك الدولي و شتموا فيه و بهدلوه

نفس الشخص قال تاني سيبوا الراجل يشتغل يا خرفان طبعا ان السيكي شغلته الأساسية الشحاتة و القروض و النصب و الإحتيال علي العيال

طبعا مش دة بس إللي برر 

 دة تبرير تاني من أمير محمد برتبة س ك أ فئة ممتازة هابلة قال

و ماله ربنا يعينه يعينه علي إيه يا سيكاوي ؟ يعينه علي ايه يا ابن المفضوحة ؟ هو القرض محتاج معاونة

ما علينا الأخ صقر العرب حاصل علي لقب س ك أ معدل 

 و طبعا بعد التعديل تقريبا معاه إعدادية سنتناول بالتحليل تعليقه لصعوبة الأسلوب اللغوي المكتوب به 

الأخ حداية قصدي صقر مش هاتفرق الأتنين بريش كاتب بالضبط

دة لتعزيز ثقة المستسمرين أما يشوفوا البنك الدولي قرض مصر يبقي كدة مشيين صح

طبعا عند البحث عن كلمة مستسمرين جاية من متمسمرين ، و طبعا المتمسمرين في سيكا سيكا كتير الوزير متمسمر علي كرسيه 

رجال الأعمال متمسمرين في نهب البلد 

الثوار متمسمرين في السجون و ترب الغفير

أما بالنسبة لمصطلح طبعا أما يشوفوا البنك قرض مصر

قرض دي خدناها في سنة تالتة ابتدائى ، أيوة قرض الفأر الشبكة لينقذ الأسد ، بس يبقى الترجمة

 البنك الدولي قرض مصر لينقذ السيكي
و إييييييييييييييييييييييييييييييييه ياض غني يلا تسلم الأيادي

تحياتى من معاميع الفشة لكل س ك أ في البلد

أنا أشك إذا انا دبوس

أغرب خبر شفته علي موقع جريدة الوطن 

ضبط طالب بحوزته دبوس حريمي ، مكتوب عليه إنتصارك بكرة جاي

كدة إللي قال جملة أنا أشك إذا أنا دبوس ، المفروض يتمسك بتهمة تدبيس السلم العام

  

و لا إللي معاه دباسة بقي ، أخرابي ، هاتوه و حرزوا الدبابيس التهمة دباسة بدون ترخيص عايز تدبس الحكومة فى الشعب يا واطى

 

انتي يا آنسة قبل ما تروحي تشتري دبابيس للطرحة بتاعتك لازم تاخدي تصريح من أمن الدولة

و تم الغاء البوسة المشبك للشبهة فى علاقتها بالدبوس المشبك 

 

و من أخبار الدبابيس

 

انفجار دبوس يدوي في ملف محامي بمحكمة زينهم و نتج عن الانفجار تطاير بعض الاوراق على الأرض فى المحكمة و تعلن جماعة انصار بيت المقدس مسئوليتها عن الحادث

 

ضبط صاحب مكتبة يتاجر في الدبابيس بدون تصريح و تمت مصادرة المكتبة و الدباسات و الدبابيس بعد ان تم العثور على دبابيس صوتية و دبابيس عنقودية فى المكتبة

 

ضبط دبوس مكتب ماشي مع دبوسة إبرة علي كوبري المنيل في وضع مخل و سيعرضون على النيابة باكر بعلبتهم 

ضبط شحنة دبابيس قبل تهريبها داخل البلاد فى ميناء السويس الدولى فى حاوية قادمة من تركيا 

و باستطلاع آراء شيوخ المنصر في هذه المرحلة الدبوسية من تاريخ الدولة السيكاوية

قال الشيخ علي جمعة مفتى سيكا سيكا  الدبابيس من الشيطان فقد كان ابليس يلعب بالدبابيس و هو صغير و اتمسك فى كمين قبل كدة و معاه دباسة علشان كدة بيدبس الناس فى الشر

 

أما برهامي الحرامى فقال من يحمل دبوسا ليعارض اسم النبى حارسه و صاينه السيكي فهو كافر كافر يستحق تدبيسه في ورقة فلوسكاب و تعليقه على اى حيطة

و بهذا ينتهى تقريرنا عن الدبابيس الحلزونية فى سيكا سيكا المهلبية  

معكم المراسلة
دباسة دبوس
من أمام مصنع الدبابيس

ماذا تريد أمريكا

علشان نبدأ و نشوف أمريكا عايزة إيه ، لازم نبقي متفقين إن أمريكا مش عايزة غير ضمان أمن اسرائيل ، بس كدة ، و تصريح نتنياهو من شهر ان الحليف الوحيد لأمريكا في الشرق الأوسط هو اسرائيل دة مش من فراغ ، ليه بقي اسرائيل مش قلقانة من داعش ؟ ليه مصممة علي حصار قنبلة موقوتة اسمها قطاع غزة بمساعدة السيسي طبعا ؟ تفتكروا أمريكا فارق معاها السيسي أو مرسي او أبو جلمبو ؟ لأ طبعا ، أي حد يحافظ علي المصالح الأمريكية و يضمن أمن اسرائيل و يبعد عن الكلام عن المعونة و يحافظ علي معاهدة السلام يعتبر الراجل بتاعها مش مهم هو مين أو نظامه إيه ديموقراطي أو ديكتاتوري أو قمعي ، مش مهم عندها غير انه يبعد عن المعونة يحافظ علي معاهدة السلام ينفذ الأوامر طبعا السيسي مثالي لكل دة ، بينفذ الأوامر بالحرف ، بس كل الدول العربية ناسية ان أمريكا ماشية بمبدأ مصلحتي فين ، عدو الأمس صديق اليوم ، طبعا إتجاه أمريكا دلوقتي لأنها تجر ناعم مع إيران دة ضربة جامدة جدا لدول الخليج ، غير كدة أمريكا قلبت علي حليفتها عضوة الناتو تركيا و دة برضه مش مفهوم نظرا لأن فيه مشاكل حاليا بين مصر و دول الخليج من جانب و بين تركيا من جانب آخر و الأغرب ما شفناش أي رد فعل عن تهدئة أمريكا للأوضاع مع إيران و محاولة إلصاق داعش بتركيا رغم ان هدوء اسرائيل من ناحية داعش بيأكد انها صناعة أمريكية ، ماذا يدور في الشرق الأوسط ؟ هل داعش هي مفتاح الشرق الأوسط الجديد ؟ هل سيبدأ التقسيم بسوريا و العراق ؟ هل سيبدأ ظهور إيران علي الساحة لتأخذ نصيبها من جزر الخليج العربي ؟ ما الهدف من إخلاء سيناء ؟ هل سيقتحم اهل غزة المعبر ؟ هل سيتم المخطط ؟ أم هناك في الغيب ما لا نعلمه ؟

عامة أعتقد أن الأيام القادمة بها الكثير من المفاجآت .

المواطنون الشرفاء

طبعا اللقب دة بنقوله علي فئة عددها مش قليل ، إللي بيقولوا عايزين الاستقرار ، عجلة الانتاج ، و دة أحسن رئيس و عايزين نبني البلد  و بينكروا كل المشاكل و يبرروها و يبينلك ان البلد أحسن بلد في الدنيا و يتحمل كل حاجة بس البلد تمشي ، و الناس دي نسبتها كبيرة حوالي ٧٠% من العدد ، الفئة دي موجودة من أيام الفراعنة ، نفس الناس دي إللي عبدت فرعون أما قال ليهم أنا إلهكم فاعبدوني ، و أما مات عبدوا الفرعون إللي بعده ، و أما جه إللي بعده قال انا ابن الإله صدقوه ، نفس الناس دي في حكم الدولة الفاطمية بقوا شيعة ، بعدها في دولة المماليك بقوا سنة ، نفس الناس دي كانوا ملكيين مع الملك و اشتراكيين مع عبد الناصر و انفتحوا مع السادات و استحملوا مبارك ٣٠ سنة نفس برضه الناس دي إللي أما قامت ثورة يناير كانوا ضدها و أما نجحت كلهم قالوا إحنا كنا في الميدان ، كأن البلد كلها نزلت ساعتها نفس الناس دي إللي قالوا ندي لمرسي فرصة و دلوقتي انتخبوا و راضيين بالسيسي الناس دي مش فارق معاهم ، هما مع اللي يركب ، مات الملك عاش الملك ، الناس دي مقتنعين باللي بيقولوه فعلا عايزين استقرار و مقتنعين بالحاكم بتاعهم و مش فارق هو مين ، الناس دي مهما إتكلمت معاهم و مهما حاولت تقنعهم و تقولهم علي الحقيقة مش هايقتنعوا ، هما لابسين نضارة شايفة غير إللي انت شايفه ، بس الناس دي مع إللي يكسب عسكر ماشي إخوان ما يضرش حد تاني أوكي ، ياخد فرصته و اديله فرصة و عجلة الانتاج و الاستقرار الناس دي مع الكسبان مهما كان و رغم سلبيتهم ، هما القوة الأكبر و النسبة الأكبر في الشعب و أيوة سلبيتهم لأنهم ما بينزلوش ضد حد ، يعني مؤيدي السيسي مثلا لو حد نزل ضده ما هاينزلوا يحموه و يهتفوا ليه ، هايخافوا . علشان كدة بيستخدم الداخلية و البلطجية إللي بيقول عليهم مواطنين شرفاء برضه ، تخيلوا لو المواطنين الشرفاء فعلا نزلوا معاه ٧٠% من الشعب ، أكيد لا هايبقي فيه حد ضده و لا ثورة ضده في الشارع ، هما عايزين الاستقرار و دايما بيضحكوا علي نفسهم ، يتفرجوا و يشوفوا مين هايكسب و هما معاه ، إكسب هايبقوا معاك .

الرعب الامريكى

نقلا عن جريدة الوطن

نيويورك تايمز تبرز الرعب الأمريكي من تعيين فايزة أبو النجا مستشارة للرئيس

يامى يامى امريكا يعنى مرعوبة لحسن مصر تمنع تصدير السلاح لامريكا 

ولا يمكن خايفة مصر توقف المعونة العسكرية للجيش الأمريكي  

ولا يمكن خايفة مصر تمنع تصدير القمح للامريكان ما يلاقوش ياكلوا  

ولا خايفة مصر تمنع صندوق النقد انة يمول مشروعات امريكية و يدي أمريكا قرض

 كله كوم بقى و أوباما الغلبان لقوه ناكش شعره 

و بيلف في حواري نيويورك 

و بيقول انا مش أوباما ، أنا اللمبي 

.

انا شاكك ان فايزة ابو النجا  دي هي اللي اعتقلت قائد الاسطول السادس الامريكي علشان فض رابعة

روبا بيكيا  

واخدلي بالك انت

بيقولوا فيه ٣٠ مجند ماتوا ع الحدود ، 

واخدلي بالك يا عم السيكي

و لا انت لسه ما جيتش

و بيقولوا فيه ١٢ طالبة ماتوا في سوهاج ، 

واخد بالك يا عم السيكي 

و لا انت قاعد في بلد تانية

و بيقولوا فيه ٥ ماتوا في انفجار قطر منوف ، 

واخدلي بالك يا عمونا 

و لا انت بتحيي العلم

و بيقولوا فيه ١٨ تلميذ الأوتوبيس ولع بيهم و إتفحموا ، 

واخد بالك انت 

و لا نايم بتحلم انك بتحارب الإرهاب

و بيقولوا فيه ٩ ماتوا في حادثة أوتوبيس الغردقة ، 

خدت بالك منها 

و لا قاعد مع ناس غيرنا

مين الحمار فينا

قول و النعمة

أنا حمار و انت حمار 

مين الحمار فينا 

العدد في اللمون

٣١ قتيل في حادث الحدودفي سيناء
١٢ قتيل في حادث طالبات جامعه سوهاج
١٩ قتيل في حادث طلاب البحيرة
٥ قتلي في حادث انفجار قطار منوف
٥ قتلي في حادث أوتوبيس الغردقة

زود عليهم بقي إللي قبل كدة مجندين و طلبة جامعات و رابعة و النهضة و سيناء و انفجارات في كل حتة و المصيبة ان الحكومة ما إتشالش منها وزير و السيكي لسه بيحارب الإرهاب

و انتباه يا دانس يا آه يا آه أحلي من الشرف مفيش .

القادم اسوأ من أسوأ كوابيسكم

محدودي الدخل

طبعا بعد ما طلع الريس سيكي و أعلن عن مشروع المليون وحدة سكنية و كان هاينفذه قطاع المقاولات بالقوات المسلحة ، و رجعوا سلموا الأرض تقريبا تخليص حق لشركة أرابتك الإماراتية و الشركة الإماراتية حددت سعر الشقة بالتقسيط شقه لمحدودى الدخل ب ٤٥٠٠٠٠ جنيه فقط لا غير ، يا حلاااااااااوة
أنا شفت إعلان عن مقبرة ، تربة يعني و حق انتفاع مش تمليك ، التمليك غالي ، حق انتفاع ب ٧٣٠٠٠ جنيه بس ، جميل ، كدة محدود الدخل علشان يسكن في الدنيا و يلاقي تربة تلم جتته بعد ما يموت عايز ٥٢٣٠٠٠ جنيه بس ، تمام أوي . و ترجعوا تقولوا يامحدود منك ليه إن الدولة مش مهتمة بيكم ، أهى الدوله عداها العيب و أزح
ترجع يافاشل تقولى مرتبي ٣٠٠٠ جنيه و انك معدوم الدخل مش محدود الدخل و مش هاتقدر علي الأقساط أرد عليك و أقولك كفايه عليك المقبره يا انتهازي يا طماع ، مش لازم كل حاجة خليك قنوع يا واطي ، هي الحكومة هاتقطع نفسها علشانكم يعني جتكم القرف مليتوا البلد

روبا بيكيا

السيكي فين

ألو

ألو

السيكي فين

السيكي هنا هنا أهو أقوله مين

قوله الشعب
شعب مين أقوله مين بيكلمه

شعب يا شعب يا شعب شفت خربها إزاي شعب يا شعب يا شعب شفت نهبها إزاي

شفت انت الحادثة و رقاب بتطير و يطلع يتسهوك و تبص العصافير و الدم بحور و الدم كتير يعتقلوا الناس و إديها تبرير

شعب يا شعب يا شعب تشرب في مرار شعب يا شعب يا شعب عجبك الإستقرار

شفت انت الدعم ما خلاص رفعوه عايش في الهم طب ليه جبتوه ابنك محبوس و مراتك ولدت التاني في الشارع دة شغل مجوس دة الشارع والع

شعب يا شعب يا شعب هاتحفر ع الناشف شعب يا شعب يا شعب و ماحدش شايف

أهو ابنك مات في طريق مدرسته و التاني في الجامعة و انت إللي حبسته و لا فيه تفسير دي حكومة طراطير و وزير داخلية يقتل بضمير و انسي انسي و بص العصافير

ألو

ألو

السيكي فين

السيكي هنا هنا أهو أقوله مين

قوله الشعب

شعب مين أقوله مين بيكلمه

روبا بيكيا

سيكو عصافير

و قال الملك سيكو عصافير ، لمحلوب الوزير ، إحبس التفكير ، و إترك في الشارع البعير ، و لابسي السلطانية و الطراطير ، و كل مطبلاتي خطير ، خليه يطبل لنقفل قناته الفضائية و يطير

فقال الوزير محلوب ، و هو بيشرب الخروب ، و حاطط بدل مخه قالب طوب ، أنت تؤمر يا سيكو عصافير ، عندي وزير داخلية أروب ، يقتل القتيل و يحضر الجنازة و يصلي ركعتين و يتوب ، و أوعدك أمشيها بالمقلوب ، القاتل براءة و القتيل في اللستة مكتوب .

ففرح الملك سيكو عصافير ، و نام علي السرير ، في يوم مطير ، و سال دم الصغير و الكبير ، و كل حاجة عنده ليها تبرير

سيكو عصافير أدعوله أدعوله يخرب بيت أبوه و كمان أدعوله يخرب بيت أبوه .

فتاوي و أحكام

من أجمد فتاوي علي جمعة أن لو عملت ذنب كبير و تبت قبل ما يمر عليك ٦ ساعات ، كأنك ما عملتش حاجة . تقريبا كدة تلحق تتوب قبل ما ينزل علي السيستم و ما نعرفش نشيله .

الحرامي إللي ورا آخر مرة سرقت امتي ؟ اسرق و توب علي طول ؟ قتال القتلة إللي هناك ، تبت و لا لسه.

لسه ، يبقي حظكم حلو لو السيستم وقع .

روبا بيكيا

بودي جارد

عارفين إحنا عاملين زي إيه

حد بيهددك ، فأنت رحت جبت بودي جارد علشان يحميك منه ، البودي جارد في أول يوم قام بعزم ما فيه و قام ضربك علي قفاك ، انت قمت متنح و بتقوله ليه ؟ قالك بادفي ايدي علشان إللي بيهددك أما يقتلك أعرف أضرب عليه نار .

المصيبة انك صدقته و سايبه يدفي إيده كل شوية ، و الكارثة إنه طلع في الآخر هو إللي مسلط عليك إللي بيهددك علشان تجيبه يحميك .

رغيف حواوشي

يا شعب سيكا سيكا العظيم ، قريبا سيتم الإعلان عن أعظم إختراعات الجيش السيكاوي العظيم سامع واحد ورا بيقول الكفتة لأ مش الكفتة يا واطي

انت ياللي بتلعب في كتف زميلتك سامعك مش كحك العيد يا معفن

عارف دماغكم هاتروح للسخانات و البوتاجازات و المكرونة ، لأ يا خونة يا عملاء

قريبا أعظم انجازات الجيش السيكاوي العظيم بعد أن صنعت الجزائر أول طيارة إفريقية بدون طيار ، بعد أن وصل الأمريكان إلي المريخ ، بعد أن إختراع الإنجليز للهوفركرافت الجو برمائي ، بعد أبحاث كثيرة مضنية بعيدة كل البعد عن عبعاطي كفتة ، يقدم الجيش السيكاوي العظيم أعظم و آخر إختراعاته ، أول رغيف حواوشي في قارة أفريقيا صناعة مصرية ١٠٠%

اللحمة من جزارة سلاح المدرعات البصل من مزارع سلاح المشاة التوابل من عطارة القوات الجوية الملح من ملاحات الدفاع الجوي و العيش من مخابز سلاح الإشارة

و يباع الحواوشي في منفذ البيع الوحيد جنب الكوبري إللي عمله سلاح المدفعية

و تسلم الأيادي اللى بتحارب الارهاب 

روبا بيكيا

ع الناشف

أحفروا ورايا كدة ع الناشف  
كلنا نحفر ع الناشف  
و البلد ناشفة و ع الناشف 
 و سور و لا حدش شايف

جينا نحفر قال جابت مية 
  و الحفر صعب يا عينيا 
  كلها ناشفة إشمعني دي  
دة النحس رابطه في رجليا

أنا واد منحوس و مفيش مني  
لو حطوا فانوس فوق راس أمي  
سيكي و عجيب و باتسهوك 
  و باخلي الشعب كدة يغني

بالكفتة هاعالج الفيروس  
و الشعب يصدق و يهيص  
و انا أفضل أضحك و أكركر 
  و حكومتي تنهب و تشهيص

وأفضل كدة أشرع قوانين  
و أحبس بيها في البني آدمين  
و اللي يعارض دة يا ويله  
أعتقله سنة أو حتي سنين

أحزاب حركات و فضائيات  
كله بتمنه و الحر أهو مات  
و فساد بيذيد و يذيد و يذيد 
و الحرامي في بيته يبات

كله خلاص لبس الطراطير  
و الثوار مساجين بكتير  
قانون تظاهر أو إرهاب  
و تحت إيدي غفير و وزير

شعبي حبيبي عجيب و غريب  
شعب كامل من المجاذيب  
و لا حد فاهم و لا عارف  
اننا في عصر التهليب

روبا بيكيا

شخلل علشان تعدي

المواطن السيكاوي غير أي مواطن تاني 

 حقه ضايع و بيغني تسلم الأيادي 

 أيوة هي الأيادي إللي بترزعه علي قفاه  

الأسعار نار و مفيش شغل و مش لاقي ياكل و بيرقص علي أنغام بشرة خير 

 أيوة هي بشرة خير طبعا انه داخل الجنة علشان العذاب إللي شافه في الدنيا بأنه سيكاوي 

بس دخوله الجنة مشروط بموافقة السلفيين طبعا

 هما إللي بيحددوا هل سيدخل الجنة أم جهنم و بئس المصير ، و طبعا السلفيين معروفين 

 واقفين علي باب الجنة و شخلل علشان تعدي شخلل في عرف السلفيين مش فلوس لا سمح الله دول ناس بتوع ربنا ، شخلل يعني انتخابات برلمان تنتخب المرشح بتاعهم ، انتخابات رئاسة تنتخب إللي يقولولك عليه ، كدة يعني ، و طبعا تسمع الكلام تدخل الجنة  

شخلل علشان تعدي دة نظام قديم جدا في سيكا سيكا 

 من أول عسكري المرور لحد الوزير بس طبعا الشخللة بتفرق من العسكرى للوزيرالعسكرى تشخلله بعشرين جنيه علشان ما ياخدكش مخالفة انما الوزير شخللته تقيلة بكام مليون علشان تاخد مناقصة و لا يصدرلك قانون يخدمك و لا حتة ارض لشركة اماراتية , كدة يعنى 

 مثلا أمريكا علشان تشخلل مع العسكر و تحب تعمل منطقة عازلة في سيناء لضمان أمن اسرائيل تشخلل بكام طيارة أباتشي و دى امريكا مش اى شخللة يعنى ، العسكر بقى يقوم مشخلل بكام جثة و انفجار مدوى ، أهالي سيناء يشخللوا في الشارع بعد ما سابوا بيوتهم ، و الشعب يشخلل علي انغام تسلم الأيادي ، قفايا ورم انا و ولادي .

شخلل علشان تعدي بقي اسلوب حياة فى سيكا سيكا  .
روبا بيكيا

فلاتر السيكى

من أحدث ابداعات معامل القوات المسلحة السيكاوية 

فلاتر السيكى 

تحجز النضيف و تنزل الوساخة 

فلاتر السيكى 3 مراحل 

معتقل

شهيد 

تايه 

فلاتر السيكى 

تمنع عنك الشرف و الكرامة 

تحجز النضيف و تنزل المنافق 

تحجز الشهيد و تعدى البلطجى اللى قتله

تحجز الشريف و تعدى الكذاب و الحرامى و شيخ المنصر 

تحجز المحترم و تعدى الفاسد

فلاتر السيكى 

مش هاتلاحق ع الوساخة 

فلاتر السيكى فى كل بيت سيكاوى ملئ بالمغيبين 

فلاتر السيكى خدمة شاقة مؤبدة  

علشان توصل لإيه يا لئيم

طبعا السيكي في تصريح ليه بيقول ان فيه ناس استغلت الديموقراطية علشان توصل لحكم مصر ، رغم عدم إقتناعي انها كانت ديموقراطية أصلا بالتكفير و التخوين و الجنة و النار ، بس السيكي نسي يقول ان فيه ناس وحشة بتستغل الأوتوبيس في الوصول لشغلها انا اعرف واحد ابن تيت استغل المذاكرة في الوصول لكلية الهندسة و عندي واحد جاري واطي واطي يعني استغل مراته و جاب منها عيال و في واحد صاحبي ابن كلب استغل العلاج علشان يخف من التعب إللي كان فيه . ناس استغلالية صحيح ، هو انت وصلت للكرسي إزاي يا سيكي ؟ الحمد لله ما استغليتش الديموقراطية . استغليت البقر و الجاموس و الحمير السيكاوية .

روبا بيكيا

داقين عصافير

طبعا كلمة بص العصفورة ، معناها انه يشغلك بحاجة صغيرة تفضل تفكر و ترغي و تهري فيها و هو و انت مشغول يعمل حاجة كبيرة يفاجأك بيها ، العصفورة مش لازم تكون حاجة بتغطي علي حاجة أو حاجة بتصرف نظرك عن حاجة ، ممكن العصفورة تبقي حاجة يحصل بسببها حاجة لمكاسب بعيدة جدا عن العصفورة ، زي مثلا التفجير الأخير في سيناء كانت نتيجته إيه ؟ أولا تهجير أهالي رفح و تنفيذ المخطط الصهيوني في إخلاء سيناء و عمل منطقة عازلة لحصار غزة و الأهم بقي اللي حصل مالوش علاقة بالعصفورة ، نزول الجيش لحماية المنشآت العامة و إعتبارها منشآت عسكرية و التعدي عليها يحولك للقضاء العسكري مع تنازل الرئيس عن بعض صلاحياته لوزير الدفاع المحصن ٨ سنين بموجب الدستور ، و حملة إعتقالات كبيرة بين طلبة الجامعات ، طبعا حضرتك يا باشا و حضرتك يا هانم بمختلف انتماءاتكم السياسية مشغولين يا تري الجنود ماتوا في سيناء و لا في ليبيا ؟ و يا تري إزاي نقطة أمنية فيها العدد دة ؟ و يا تري القاعدة و لا أنصار بيت المقدس و لا تركيا و لا قطر و لا الحفر ع الناشف ؟ و السبب في دة الإخوان و لا السيسي ؟ و رغي رغي رغي و هري هري هري و كله يهاجم كله و كله يشتم في كله

و سمعني سلام كبير أوي

أصلنا داقين عصافير و راكنين ع الناصية الفيل

و اديني عصافير أديك تمر هندي و أهو كله سمك بيعوم في البحر .

بص العصفورة بقي يا معلم

روبا بيكيا

السيكاوي و البيادة

ناس كتير أوي من أتباع السيكي في جمهورية سيكا سيكا  فرحانين و هما بيبوسوا البيادة أو شايلينها فوق دماغهم كشو أو كحب ظهور أو مأجورين ، حتي اللجان الإلكترونية علي مواقع التواصل الإجتماعي ، تلاقي ردودهم بيادة الجندي السيكاوي برقبتك ، بيادة الجندي السيكاوي أشرف حرامي ، لأ معلش قصدي  أشرف منك ، عادي طبعا انهم عبيد ، بس هل رمز جيش سيكا سيكا العظيم أصبح البيادة ؟ سؤال أهم ليه في انتخابات الرئاسة في سيكا سيكا لم يختار السيكي رمز البيادة إللي أشرف من معظم الشعب السيكاوي ؟ طبعا مفيش إجابة ، عامة لكل خروف سيكاوي مخروم شالوا مخه و حطوا إيه يا ولاد ؟ حطوا بيادة يا عمو ، البيادة إللي بلغتنا العامية تعني الجزمة اللي حضراتكم بتعظموها طبعا الطيور علي أشكالها تقع ، و تحيا الأم المثالية ، روح بوس البيادة يا معلم أكيد البيادة أشرف منك طبعا و أوعي تقول لأ عيب دي بيادة ، انت ابن ناس و متربي و دة جيش بلدك لازم يديك بالبيادة علي دماغ أم اللي جابت أمك و انت تقول كمان ، و سمعني سلام كبير أوي و تسلم الأيادي مصحوبة برقع البيادة علي قفا المواطن السيكاوي المتحول

روبا بيكيا

نوادر عسكر سيكا سيكا

من أغرب الحاجات في دولة سيكا سيكا الغريقة ، الجيش السيكاوي العظيم و طبعا له نوادر لا مثيل لها في أي مكان تاني جعلت منه لغزا لا حل له . أنا عارف في دماغكم إيه ، قصدكم مكرونة و كحك العيد و شركات المقاولات و الأوتوبيسات و صناعة المراوح و الأثاث و تأجير قاعات الأفراح و كدة يعني ، لأ طبعا فيه الأغرب من كدة .

مثلا المجند السيكاوي يموت في طرابلس ، تاني يوم تلاقي جثته في الواحات الفرافرة ، إزاي ما تعرفش ، بيقولوا تنظيم القاعدة .

مجند تاني سيكاوي برضه يموت في بنغازي بعدها باسبوع يموت تاني في تفجير نقطة أمنية في رفح ، أيوة هو نفس المجند .

الصحافة السيكاوية بقي تقول ان إللي قتل المجند في رفح ناس الله يرحمهم من حماس ماتوا قبله بشهر في الهجوم الاسرائيلي علي حماس .

عمل إيه بقي الجيش السيكاوي بعد الهجمات الإرهابية دي ؟ واجه الإرهاب بأحدث الأساليب ، راح يأمن الجامعات في إثبات للنظرية اللولبية ان الإرهاب بدايته من الجامعات

طبعا الطالب يبدأ إخواني ياخد ليسانس قاعدة ، ماجستير في انصار بيت المقدس ، دكتوراه في داعش و بعدها دبلومة في جماعة الولاولة الحمرا الإرهابية
و سمعنى سلام كبير اوى

و إديني إرهاب 
أديك تأمين 
  و أحبس طلاب 
و الناس نايمين 
  و الدنيا تلف 
شمال و يمين
أنا مين أنا مين 
أنا امتي و فين

روبا بيكيا