و عندك واحد محلب باللبن و معاه شيشة تفاح هنا للأستاذ .
أحدث وسيلة لمنع الحمل ، المحلب النحاسي .
أغنية الموسم
و اتمحلب و اجري ، يا رمان
أبونا مسكونا محلبونا ، و ادونا كل يوم نفس الصابونة
الاثنين، 3 مارس 2014
المحلوبة
طالما جنان بجنان بقي
المهم
هيا المحلوبة لسا فيها حليب محلب يحلبه ، و هل الحلب هايتم يدوي و لا اوتوماتيك ؟ أصلها تفرق كتير .
و من حقنا يبقي فيه شفافية و نعرف ميعاد الحلب امتي ؟ دة حقنا ، علي الأقل الواحد يستحمي قبلها ،
بس تعرفوا إحنا ما اتوقعناش صح ، الداخلية بقالها 8 شهور بتحلب الناس في الاقسام ، كان لازم نفهم ان آخرها محلب يعني ،
نستحمي يعني و لا هايحمونا هما قبل الحلب ، و لازم نعرف الحلب هايبقي فراداني و لا جماعة ؟
أسئلة كتير لازم محلب يجاوب عليها ، منها الحلب قبل السلخ و لا النفخ بعد الحلب ،
و سمعني سلام كبير اوي
و هاحلبك يا حمار
انا الشعب
مفاجأة من العيار الثقيل في الحكومة المحلبية الجديدة
محمد براهيم للداخلية
السيسي للدفاع و الانتاج الحربي و مرشح محتمل للرئاسة و الحاكم العسكري و القائد العام للقوات المسلحة ، و إحتمال قريب يطلع يقول ، أنا الشعب و الشعب أنا .
الاريال بيعالج الايدز
إيه يعني الإريال بيعالج الإيدز ؟ مش مصدقين ليه ؟
جربوا الأول خدوا مريض الإيدز ، و خدوا الإريال ،
وقفوا الإريال علي السطوح علشان الإشارة ، و تحطوا أربع بيضات تحت الإريال و علبة سمنة ، طبعا البيض و السمنة علشان الإريال هايعمل الفيروسات عجة ،
تنيموا المريض علي ظهره و رجله في إتجاه الإريال ، هاتلاقوا فيروسات الإيدز خارجة من المريض في إتجاه البيض ، و كل فيروس واخد الفيروسة مراته في ايد و في الإيد التانية صباع كفتة .
يا جماعة جربوا قبل ما تحكموا علي الناس و تظلموهم .
الجردل الرئيس القادم
نقول كمان
السيسي مش هايترشح رئاسة ، السيسي في أقرب فرصة هايخرج من الليلة خالص ،
الرئيس الجاي مدني ، هايقعد سنة بالكتير و هاتبقي أسود من سنة مرسي بكتير ، و سيتم اسقاطه في الموجة الثورية القادمة و إحتمال كبير يكون من الوجوه المعروفة ، و الهدف برضه إثبات ان الديموقراطية فاشلة و تلميع حكم العسكر اكتر و أكتر ،
انتظروا أسود سنة بعد الثورة ،
بس يا تري مين الجردل إللي هايشيل المشاريب ؟
فكروا كدة شوية .
رأيى الشخصى
لكل أصدقائي أنا أما باكتب رأيي ، دة بيبقي رأيي الشخصي و أنا شايف الوضع إزاي ، انا واحد ماليش أي انتماء لأشخاص و بعيد عن أي أحزاب أو حركات ، مع نفسي من الآخر ، و دة بيبقي رأي شخصي ، اوقات بيبقي غلط و أوقات كتير جدا إللي باقوله بيحصل و فيه ناس عارفة كدة ،
عمري ما قلت إني صح ،
و دايما بقول الأيام تثبت مين صح .
اخوانا البعدا
انا حاسس إن إخوانا البعدا هايخدوا مقلب محترم هايطلع من نافوخهم الأيام الجاية ،
قال وائل الإبراشي بيقول إن سيسهم مأجل إعلان ترشحه علشان فيه جماعات بتهدد بعمليات إرهابية لو اترشح ،
عامة ، أنا مستني أعرف هايطبلوا لمين لما أخينا ما يترشحش ،
بقي فيه أزمة طبول في البلد من تطبيلكم حرام عليكم كفاية
نفس السيناريو
هافترض إن كل حاجة بتتكرر صدفة
هافترض إن نزول طنطاوي بالبدلة من سنتين و نص و مطالبة ناس بترشحه و اشاعة ترشح السيسي و برضه الحاح ناس علي ترشحه صدفة ،
هافترض ان إقالة حكومة شرف و مجئ الجنزوري و اقالة الجنزوري و مجئ قنديل و اقالة قنديل و مجئ الببلاوي و اقالة الببلاوي و مجئ محلب لنفس الاسباب و هي تزايد الإضرابات العمالية و الأزمات ، كل دة صدفة ،
هافترض إن نفس الافلام إللي بتحصل علي قانون انتخابات ال...رئاسة و تأخر صدوره ايام طنطاوي و دلوقتي صدفة ،
هافترض إن تكرار قطع الكهرباء بالصورة المستفزة دي أيام طنطاوي و مرسي و دلوقتي صدفة ،
هافترض إن جهاز علاج الإيدز و فيروس سي إللي ظهر ايام طنطاوي و ظهر نفس الجهاز دلوقتي صدفة ،
هافترض إن نفس طريقة التطبيل و نفس شغل اللجان و نفس الإشاعات إللي بتطلع صدفة ،
لو افترضت إن كل دة صدفة ، أبقي أهبل و بريالة لا مؤاخذة لأن تكرار نفس السيناريو غير إنه سيؤدي لنفس النتيجة الرئيس التوافقي ، بيثبت إن كلها خطة واحدة و كلها مسرحية من الأول بتتمثل علي الشعب .
مش صدفة ابدا كل دة .
انا مين ؟
علشان مش مقتنع بالعسكر لازم تبقي اخوان ،
و علشان مش مقتنع بالإخوان لازم تبقي فلول ،
و علشان تثبت إنك مش إخوان ، لازم توافق علي أي حاجة يقولها العسكر ،
و علشان تثبت إنك مش فلول لازم توافق علي كل إللي بيقوله و يعمله الإخوان ،
عبوكو كلكو
مش هانخلص بقي من الحلزونة ياما الحلزونة ،
جتكو القرف .
انا رئيس جمهورية نفسى
أنا مش هاخلص بقي
أنا يمين الله لا برادعاوي و لا حمديني و لا ابريلي و لا إخواني و لا سيساوي و لا اشتراكي .
أنا مع نفسي ، رئيس جمهورية نفسي ، حكمي علي المواقف مش الأشخاص ،
بهاجم مواقف مش أشخاص ، باشغل عقلي مش أكتر .
أما انتمائي ، انتمائي مصري فقط لا غير .
؟هو ليه القاعدة بقت إني لازم أكون تابع لحد
فين الكفتة يا حمدين ؟
أحمد موسي : حمدين حاول سرقة إختراع القوات المسلحة .
فين الكفتة يا حمدين ، إللي ياكل لوحده يزور ، الكفتة تتوزع علي الشعب .
طرطور مقاسك
طراطير .. طراطير .. طراطير
طراطير
للصغير و للكبير
طراطير بترتر
فى الليل تنور
بالنهار تقولك
دة طريقك اخضر
و يطلع اغبر
و تلاقى نفسك
و انت ماشى
طلقة فى دماغك
و دماغك تطير
طراطير .. طراطير .. طراطير
ترتر بيبرق
ترتر بيلمع
ما بقتش تفرق
ان شالله تولع
ترتر تشوفه من بعيد
ملعلع فوق طرطور كبير
طراطير .,. طراطير .. طراطير
طرطور مقاسك
و كمان مقاسى
و كله لابس طرطور و ناسى
و ياما لسه هانشوف مآسى
و ياما هانشوف
فى زمن الحمير
طراطير طراطير طراطير
طرطور و حابك
فوق دماغك
نازل و طابق
فوق ودانك
لا تسمع
لا تفهم
تقعد متنح
تقعد مبلم
و ان حد قالك
يالا وافق
على طول تسلم
و لا مرة تتعب دماغك
فى التفكير
طراطير طراطير طراطير
للصغير و الكبير
kanoun saksonia
الرئيس التوافقى
مواصفات الرئيس القادم
مدني صيفا ،
سلفي بدقن شتاء ،
تصاحبه رياح عسكرية محملة بالأتربة في الربيع ،
فلولي متقوقع في الخريف .
هو دة التوافقي إللي يرضي جميع الأطراف . هو و لا مش هو يا متعلمين يا بتوع المدارس .
يكونش مرسى السبب
يكونش مرسي و هو في السجن هو السبب في أزمة الأنابيب ؟
و هو السبب برضه في قفل محطات المترو الجيزة و أنور السادات ؟
و هو السبب في قطع الكهرباء ؟
و هو السبب في الإضرابات ؟
و هو السبب في عدم تطبيق الحد الأدني و الأقصي ؟
و هو السبب في انهيار كوبري عزبة النخل ؟
هااااااااااااار اسود ، دة راجل مبروك ، كل دة و هو في السجن ؟
الحمد لله انه محبوس ، و إلا كانت مصر وقعت من الكرة الأرضية و اتفشفشت علي كوكب المريخ .
عبوكو كلكو
تهييس لذيذ
أظن هيسنا كتير الأيام اللي فاتت ، كفتة و ايدز و إريال و رئيس توافقي ، نتكلم جد شوية .
لازم نعرف مدخلنا إيه و نخرج منين ، ماهو إحنا لو ما عرفناش دخلنا إزاي مش هانعرف نخرج إزاي ، لأن المنظور المتوازي للدخول في المعمعة يتناسب طرديا مع المحاولا...ت المستميتة في حل اللوغاريتمات المعقدة التي تواجهنا مسلحة بجذور تكعيبية عميقة منتشرة في غياهب التحليل الفراغي المستوي و اللا مستوي علي بديهيات من الأسس المحصورة بين اللا نهاية المتعلقة بتفاضل القوي بينها و بين نفسها ، و تكامل نفس هذه القوي مع قوي منحرفة في القضاء علي نفسها ،
و بهذا يحدث الانكسار المنحدر بين القوي المختلفة لتدمير أصل الكسر الموجود في مربع حدثي من المعادلات المتباينة في تقسيم الناتج علي ما ينتج من وضع صباع السجق بالطول في طبق سلطة الطحينة ،
لازم نفكر بموضوعية في حل جذري للموضوع دة .
Kanoun saksonia
و قلت نعمل ثورة
و قلت تعمل ثورة ،
نط فيها إخوان ،
و قلبت معاك بفلول ،
نطوا في قلب ميدان ،
و انت يا صاحبي تايه ،
بتلف كل مكان ،...
دي ثورتي أنا ،
قلبت هبل و جنان .
و عجبي
عجبي ع اللي يسلم
نفسه لغيره ،
و يغني بعدها ظلموه ،
ما بين طايفة و طايفة ،
فرقوكم ،
و بعد إيد واحدة ،
الأخ باع أخوه ،
و في الآخر أخدتوا المقلب .
ايوة
كلكم خدتوه ،
بس نقول إيه ،
في راكب دماغه ،
لا اتعلم من ماضيه ،
و لا إخواته حتي شافوه .
و عجبي
عجبي علي إللي نزل
علشان حق الفقير ،
وعده يجيبله حقه ،
و خلاه يحلم كتير ،
ضحي بنفسه و حياته ،
و اخواته ضيعوه ،
العيب مش فينا يا صاحبي ،
دة لسه فيه أعاصير .
و عجبي
عجبي ع اللي بيجري
ع التورته جري وحوش ،
قال إيه عايز يقسمها ،
و أصلا كله فشوش ،
خدها الأول يا صاحبي ،
و قسم براحتك بعدين ،
من كتر تقسيمها راحت ،
و طعمها دة ما شفتوش .
و عجبي
عجبي علي إللي بيبلع ،
كل مرة نفس الطعم ،
و يقع في نفس المصيدة ،
و نفس الوهم ،
يا صاحبي دي لعبة كبيرة ،
و دخلنا فيها كلنا ،
دخلنا بحلم ،
و لسه زي ما هواه حلم .
و عجبي
عجبي
مطلوب وزير
مطلوب وزير
أقرع و بأستك
تشده و تمطه
في أي وزارة تحطه
السن لا يقل عن 180 سنة
يكون خدم أيام مبارك و مرسي و طنطاوي في منصب سيادي ،
ما يكونش و زير داخلية ،
علشان داخلية متجوزة ،
ما يكونش دفاع علشان
الدفاع مكتوب كتابها و دخلتها قريب ، ...
ييجي بالطرطور بتاعه علي دماغه ،
يشغل تسلم الأيادي في مكتبه 24 ساعة ،
يكون لا أري ،
لا أسمع ،
لا أتكلم ،
و العقد محدد المدة لحد ما نقيل الوزارة بعد الأزمات إللي هانعملها الأيام الجاية ،
إللي موافق علي الشروط يتقدم بطرطوره في موعد اقصاه 12 محلب القادم .
موقف فى المترو
الموقف دة حصل معايا دلوقتي حالا .
أول مرة انزل و أركب المترو و اسيب الفيسبوك مفتوح ،
المهم في محطة الشهداء ، ضابط وقفني و قاللي بطاقتك ، طلعت البطاقة ، واحد فتشني و طلع التليفون و إداه للضابط ،
الضابط قاللي افتح التليفون ، فتحته لقي خلفية التليفون صورة السيسي بالبدلة العسكرية و مكتوب عليها تسلم الأيادي ، ابتسم كدة و قاللي انت بتشتغل ايه قلتله ، إداني البطاقة و قاللي إتفضل .
شفتم وصلنا لإيه ؟
مشيت و انا باضرب كف علي كف .
لو مفيش ارهاب
علشان بس فيه ناس خنقتني ، نقول كمان
تفتكروا لو مفيش إرهاب كان هايبقي له لازمة التفويض ؟
تفتكروا لو مفيش إرهاب كان هايبقي فيه حجة لقفل ميدان التحرير ؟
تفتكروا لو مفيش إرهاب كان هايبقي فيه سبب للتعذيب في الأقسام بدون أي مساءلة ؟
تفتكروا لو م...فيش ارهاب ، كان هايبقي فيه سبب لمنع التظاهر ؟
تفتكروا لو مفيش ارهاب ، كان هايبقي فيه سبب لوجود قيادات الجيش في الحياة السياسية و تحكمه بعد فشل طنطاوي ؟
تفتكروا لو مفيش إرهاب كان هايبقي فيه سبب للقبض علي الناس عاطل في باطل ؟
تفتكروا لو مفيش ارهاب ، كان هايبقي فيه سبب لإستخدام الداخلية الحي و الخرطوش و قناصة في فض المظاهرات ؟
تاني
وجود أي نظام يعتمد علي وجود فزاعة يخاف منها الناس ، و مفيش فزاعة أحسن من الإرهاب ، الفزاعة القديمة .
يعني وجودي يعتمد علي وجودك ، لو انت مش موجود ، وجودي مالوش لازمة ، يبقي لازم تبقي موجود حتي لو هاضحي بكام عسكري علشان الملك يعيش ،
يعني السلطة العسكرية و الدينية الموصومة بالإرهاب وجود دي بيعتمد علي دي ،و دي ما تقدرش تستغني عن دي ، لأنها بتسلمها الليلة وقت الزنقة ، زي طنطاوي و الإخوان .
حلو الكلام ؟
يا رب نفهم .
Kanoun saksonia
العقلاء
وسعوا من وش العقلاء
لاء
لاء
إعمل إضراب يا سواق
واق
واق...
خش يا محلب
م البلكون
و ارمي الببلاوي
أصله زبون
طلع زبون
تعالالي يا محلب
و انا مالي هه
نشرب سوا سحلب
و انا مالي هه
تلهط او تنهب
و انا مالي هه
ع الكرسي و تركب
و انا مالي هه
هه
محلب
محلب
أوعي يجيلك محلب
طالع يحلب
نازل يحلب
محلب
محلب
يا محلب
قوم اشرب
في حياتك أكبر مقلب
و ادلع
و اتمخطر
هما كام شهر هاتركب
فتح يابني فتح
شوف مين بيكلمك
دة انا محلب المكسح
هاخربها و أخرشمك
محلب
محلب
وسعوا من وش العقلاء
لاء
لاء
إعمل إضراب يا سواق
واق
واق
Kanoun saksonia
البط فى موسم حرق قش الرز
لما الواحد بيفتح في التهييس ما بيعرفش ابوة من جوز خالته ، و عندما تتملكه الحالة التهييسية تماما ،
تلاقيه خد لحسة من عمق الدماغ و يفرشها علي سطح خلايا الدماغ اللاسعة ، و يقول البوست دة برعاية كوكاكولا ،
أصل لما توصل لمرحلة انك مش عارف الفرق بين الفيل و النملة ، و تايه زي العيل إللي امه نزلت من اسيوط نسيته في محطة مصر في اسكندرية ، يبقي لازم تلاقي النافوخ دخن و ودانك بتطلع بخار زي الحلة البريستو ،... تيجي تمشيه يمين ، ييجي معاك ، تقوله شمال ، يحدف منك و في أول ملف يزقك برجله ،
الحالة المزاجية بتفرق كتير أوي في بين التهييس و التفعيص ، و طبعا الظروف المحيطة بكل مهيس بتفرق كتير في قدرته التهييسية في منشور حدثي من التهييس المتواصل بانفجار أورام براتونية تحت القشرة المخية ،
و بوجود هذه الحالة المزاجية في توحد اكتمالي بين المهيس و الطنبورة ، يصبح من المعتاد تواجد القيمة الشفحلية في تكتل الشحرفات المنسية .
و دة طبعا من تواجد البط في موسم حرق قش الرز
الراجل الكبير
مين الراجل الكبير ؟
مين إللي في إيده كل خيوط اللعبة ؟
مين إللي بيحرك الكل ؟
مين إللي كل شوية يحرق كارت ؟
ليه كارت السيسي بيتحرق دلوقتي ؟
طب لو المطلوب حكم عسكر ، ليه العسكر بيشوه نفسه ؟
اسئلة كتير أوي ،
حلقة مفقودة بتربط كل حاجة ببعضها ،
مين ؟
المجلس العسكرى و امريكا
كل المجلس العسكري مروض لصالح امريكا و من زمان ما حدش ينكر كدة ، السلاح كله امريكي غصب عنهم ،
أمريكا عارفة كويس أوي ان اقوي حاجة لزيادة شعبية شخص في الشارع المصري هي إظهاره انه معادي ليها و دة إللي بيحصل و أعتقد بمساعدة المخابرات الأمريكية تخرج كل التصاريح من المسئولين الأمريكان ، معاهدة السلام و المعونة بيقولوا إن إمريكا مصلحتها حاكم عسكري متحكم و مسيطر علي الجيش و مش عايزة رئيس مدني ،
معروفة عل...اقة سامي عنان بأمريكا و معروف حاليا ان العصار هو رجل امريكا الأول و عدم ظهور العصار في الصورة دة شئ يقلق و بيثبت إن ليه دور كبير لسه جاي و انه كارت كسبان بالنسبة ليهم هايظهر قريب أوي ،
و بدون عواطف دلوقتي فيه سؤال مهم ، ليه السيسي رغم ان العصار الرجل الأول هو إللي في الصورة و في وش المدفع ؟ و ليه التصريحات الأمريكية بتدي شعبية للسيسي عن طريق إظهاره انه معادي ليها ؟
و ليه السيسي بجهاز الإيدز و عنف الداخلية و خداع الناس في الحد الأدني و الأقصي بيخسر شعبيته و بيحرق نفسه ؟
في نفس الوقت السيسي مش غبي انه يحرق نفسه بالطريقة دي إلا إذا كان ماشي علي خطة دوره انتهي فيها ؟
و ليه دلوقتي العسكر بيفقد الشعبية بهبله و بحواراته إذا كان المطلوب رئيس عسكري ؟
حل من اتنين
-يكون فيه صراع في الجيش بين السيسي و حد تاني أقوي منه في الجيش بيتحكم في تحركاته .
-أو حد في إيده كل كروت اللعبة و بيلعب بالكل و بيحرق كل الكروت علشان يبقي الكارت الوحيد الموجود و الحاكم بأمره في الآخر
اسئلة كتير أوي مالهاش اجابة .
و ممكن نفكر فيها مع بعض .
جيش بيعمل مكرونة
إيه يعني الجيش بتاعنا بيشتغل في المكرونة و عنده مصانع مكرونة و شغال في تأجير قاعات الأفراح ، و شغال في المقاولات و الانتاج الحربي بيعمل سخانات و بوتاجازات علشان لو دخلنا حرب نحارب بالأنابيب .
بطلوا حقد و ما تبصوش للناس في السبوبة بتاعتهم .
بعد إريال علاج الإيدز و فيروس سي و الصدفية و الضعف الجنسي و السكر و السرطان و الإستبحس ، و دوره في توفير الكفتة في الاسواق ،
فيه ابحاث حاليا لزراعة مكرونة بالصلصة ، لتوفيرها باسعار في متناول الجميع .
ربنا يكلل الأبحاث بالنجاح و نحل المشكلة دي .
شعبية الجيش
التأثير علي شعبية الجيش و جعله مثار للسخرية ، لصالح مين ؟
ليه المجلس العسكري بيخسر شعبية الجيش بحوارات فاشلة و الهدف إيه ان الجيش يفقد مصداقيته ؟
تكنولوبيا
سبحان الله التكنولوجيا بتتطور اسرع مما نتخيل ،
زمان كان إللي عنده مرض أو حاجة بيروح لحلاق الصحة ،
مين يصدق دلوقتي إن إللي يجيله مرض ، يا دوب يروح للكبابجي يلبس صباع كفتة يبقي زي الفل .
أخرابي ع التكنولوبيا أجودعان
مين هايبقى كفتة
سيبكم بقي من التريقة ، ٦/٣٠ الجاي هانعرف و نتأكد فيروس الإيدز هايبقي فعلا صباع كفتة و لا دي اشتغالة لضرب سوق الكفتة .
أعتقد لو فضلت الأحداث كدة أكيد فيه حد هايبقي كفتة قبل ٦/٣٠ ، يا تري مين هايبقي كفتة ؟ الله أعلم ،
و يا تري هايستعملوا الإريال و لا هايرموه لكلاب النجع يعملوه كفتة ؟ برضه الله أعلم .
عامة هانعرف مع الأيام مين و نوعية الكفتة إللي هايتحول ليها ، يا تري رز و لا برغل و لا سيخ .
مش د...ة موضوعنا ، مش مهم ، خلينا في إللي مقتنعين بجهاز الجيش رغم كل الكلام إللي إتقال عليه في الصحف العالمية ، إزاي جهاز يكشف فيروس بدون عينة دم ؟ و يعالجه كمان ؟ بيعالج بإيه بقي ؟
شعاااااااع
أشعة فوتونية غير منظورة مثلا و لا إلإريال بيطلع شخاليل بس علشان نعرف ؟
مش مهم ، كفاية ان حتة بلاستك زي دي يطلع منها كل دة ، دي معجزة علمية معملية فذة ،
أهم حاجة في الناس المصدقة إنهم مقتنعين أوي انهم يستنوا و يشوفوا ،
إحنا ما نكرهش ان يبقي فيه علاج للإيدز و فيروس سي و السكر و الصدفية و الضعف الجنسي و الإستبحس ، بس بالعقل ،
فيه في الجمجمة كتلة مقاس ٤٠ تسمي العقل لو اشتغلت هاترتاحوا ،
يا تري موجودة عندكم بنص و لا برباط ؟
الاعراض الجانبية لاريال الجيش
معلش يا جماعة جهاز الجيش خلي دماغي تفتح في التهييس استحملوني ،
المفروض أي علاج بيظهر بيقولوا مع العلاج أعراضه الجانبية ،
و طبعا الإختراع الجديد ما قالوش أعراضه الجانبية ، ليه بقي ؟
علشان الشعب الصبور المهاود ما يقلقش ، بس بعد البحث و التمحيص و الشوي و القلي ع الفحم إكتشفنا الأعراض الجانبية لجهاز الكفتة ،
تم ملاحظة بدء ظهور إسياخ حديد في الفخدة عند مريض الإيدز بعد استعمال الجهاز ، هو الجهاز استعمال موضعي و لا لبس ؟ مش مهم ،
بالنسبة لمريض فيروس سي تم ملاحظة نزيف من الزند تحول الدم إللي اللون الطحيني ،
أما مريض الصدفية فيعاني من تضخم في النيفة مع ضمور جزئي في سلطة البابا غنوج ،
و المفاجأة في ما لاحظناه عند من يعاني من السرطان ، و هي إنكماش في العكاوي مع تزايد القدرة في طرب الضاني و الاستغناء عن الكندوز .
و هذا للأمانة العلمية .
المرحلة الانتقالية
و هي المرحلة الانتقالية ايه ؟
غير حبة سنين
بتعدي بالضالين
ممكن تعيشها عبد
و ممكن تبقى سجين
و توافق على اى حاجة
و تقول الفرج جاى
و العسكر دول حلوين
و تعيش في دنيا سودة...
مفيهاش غير كدابين
هتاخد اكبر مقلب
و تبات فى كابوس متين
و ترجع بيتك تدعي
ع التفويض و المفوضين
مش هاتقدر تعيشها عادى
دة كان خازوق سمين
غراب شاف عصفورة
مره غراب شاف عصفورة , فقال الفيل هاتوا لي البطة , فنزلت البقرة من فوق العمارة و خدت الأم ابنها و رجعت , و اتقبض عليه بسببها فقالها انتى طالق طالق طالق , و عملوا حادثة , جاله شلل و غرق فى البحر و نامت الحداية بين الصخر , و قال الحمار لازم نتعاون , و اصطاد الحوت بس خلص البصل و قالها بحبك بحبك بحبك و قرر انه يسيب شغله , بس هيا صممت تروح بيت اهلها , و نام الجحش فى حضن الأسد ناحية كوبرى قصر النيل ,
و فى يوم أغبر ما طلعتلوش شمس , فجأة بدون سابق انذار لقيناه الصبح بيقول بسبس , عرفنا ساعتها هيا ليه بتقول مياو مياو .
الدنيا زى المرجيحة
أنا رأيي طالما اخينا مش هايترشح نلغي إنتخابات الرئاسة و نأجر البلد مراجيح أهى تجيب مبلغ برضه ,
و الدنيا زي المرجيحة من تحت لفوق
و الغازية لازم تنزل
و ظلموه
و سمعني سلام كبير أوي
و كداب يا خيشة
جهزوا نفسكم
اما الداخلية تقول يسقط حكم العسكر
و الجيش يقول الداخلية بلطجية
اجهزوا بقى علشان نروح نكافح الارهاب
الداخلية و الجيش
علي فكرة كدة الداخلية و الجيش مش هايجيبوها لبر ،
أنا رأيي محمد ابراهيم و السيسي يترشحوا الاتنين و ينزلوا قصاد بعض في انتخابات الرئاسة و الشعب يختار ، يدخل كهرباء و لا يلبس كفتة ،
محمد ابراهيم يبقي رمز السلك العريان و السيسي يبقي رمز السيخ المحمي و الحكم للصندوق .
رحيل الببلاوى بلاوى
بعد رحيل ببلاوي دار مسنين و التغييرات الرهيبة إللي حصلت ،
دلوقتي بقي عندنا سيسي متين ،
و محمد براهيم التنين ،
و محلب فساد السنين ،
و لسه الخير كتير ، انتو لسه شفتو حاجة ،
دة بيقولوا الحكومة الجاية هايبقي فيها فريد شوقي و رشدي اباظة و المليجي و زكي رستم و بعد جهاز الكفتة إحتمال دكتور شديد .
و آه ...
نشنت يا فالح
أحلي من الشرف مفيش .
و معكم مراسلكم
بلاميطة شلضم
من عند بتاع العصير إللي جنب الشفخانة .
متفاءل
انا متفاءل باللي جاي علي فكرة ،
و شايف إن فيه تخبط ، و طالما الأمور بقت خارج السيطرة يبقي المتحكم حاليا هامش الخطأ إللي ما عملوش حسابه في خططهم و دة في مصلحتنا .
حد فهمني ؟
دخلة بلدى
أنا حاسس إن بعد إللي حصل امبارح قريب أوي الجيش هايدخل بالداخلية ،
الشعب يريد دخلة بلدي و نشوف الدم ع المنديل نتأكد برضه ، طول عمرها سافلة .
الأحد، 5 يناير 2014
مكعب روبيك و السياسة
عارفين مكعب روبيك ؟
اللعبة دى جميلة اوى و مشهورة و قديمة من سنة 1974 تقريبا , مكعب روبيك هو لغز ثلاثى الابعاد ,
علشان نفهم حاجة , الثورة دى بالضبط عاملة زى مكعب روبيك ,
حاجات كتير بتتبدل , حاجات كتير بتاخد اماكن مختلفة و مراتب معينة , اللى فوق بيبقى تحت و اللى تحت بيبقى فوق ,
مكعبات صغيرة ملونة و احنا عمالين نركب فيه علشان نحل الفزورة او اللغز ,
اثناء الحل بنبدل لون مكان لون , نجيب الاحمر فوق و الازرق تحت , الابيض فى اليمين لا لا فى الشمال و الاصفر فى النص , و الاخضر دة يبقى فى تانى صف ,
اللون الاخضر النهاردة فى اول صف , بكرة يبقى فى التانى و بعده فى التالت و ممكن يرجع الاول تانى
هيا بالضبط كدة كل اللى بنعمله اننا بنحاول نوصل علشان نكمل الالوان و نرتبها صح ,
طول الوقت حاجات عمالة تتبدل , اولويات و فكر و اشخاص ,
شوية الفلول اول صف و شوية الاخوان و شوية العسكر و كلهم عمالين يبدلوا مع بعض , و مع الوقت كل فترة بتلاقى العدو بيتغير و اللى كان عدو بيتركن على الرف , دة شئ طبيعى جدا مش غريب , باختلاف الظروف و طرق المواجهة و مدى تحمل كل طرف لهذه المواجهة ,
على فكرة مش دايما التبديل فى المكعب بيوصل بيه انه يترتب صح , بالعكس جايز يلخبطه اكتر من الأول و جايز يعقده زيادة و تحتاج وقت اكتر علشان ترتبه من جديد ,
مش مهم هاياخد وقت اد ايه , المهم ازاى ترتبه صح , ممكن و انت بترتب لون تلاقى لون اترتب معاك بكل سهولة , و ممكن الدنيا تتعقد ,
بس طول ما انت مصمم ترتبه صح , هاييجى الوقت اللى هاتلاقيه اترتب صح معاك .
يا رب تكون الفكرة وصلت
فهمان و لا مو فهمان ؟
روبا بيكيا
سياسة الشطرنج
سياسة لعبة الشطرنج تعتمد على هلاك الجميع وبقاء الملك ،
يعنى بقاء الملك مهما كانت التضحيات , و لكن الآن نجد أن سياستها تغيرت
فهي لم تعد هجوما و دفاعا بين طرفين لحماية الملك ليحافظ على رقعته ، لقد
تغيرت الاستراتيجية لحماية الملك ,
فكيف تدار اللعبة الآن ؟
الرقعة هي مصر ،
الجنود او العساكر أصبحوا يملأون الفضائيات و هم خط الدفاع الأول منهم من
يدافع عن الملك و منهم من يتم التضحية به لحماية الملك ،
أما القلاع
الحصينة فهي اتباع النظام و المستفيدين منه , و قد شبهت بالقلاع الحصينة
او الطابية لأنها تعتبر من اقوى و اضعف فى نفس الوقت قطع على الرقعة ,
تتحرك بصعوبة و لكنها محصنة فى ركن الرقعة ، اقوى فى نفوذها و سيطرتها على
مفاصل الدولة , و أضعف لأنها سلسلة لو كسرت حلقة منها , كسرت كل السلسلة .
و الفيلة هم أصحاب رؤوس الأموال و رجال الأعمال المستفيدين من فساد
النظام , و هم لا يسيرون فى خط مستقيم , و لا يغيرون اسلوبهم , من يسير على
المربع الابيض يبقى على الخط الابيض و من يسير على المربع الاسود يبقى على
المربع الأسود ،
و رجال السياسة هم الفرسان الذين لا زالوا يتدربون على ركوب الحصان الذى يقفز لتخطى الموانع و دائما فى موضع المهاجم ،
و الوزير على رقعة الشطرنج هو المسئول عن حماية الملك , يتحرك فى كل
الاتجاهات و له كل الصلاحيات , خلى بالك لو تم التخلص من الوزير من الممكن
ترقية عسكرى فى اللعبة ليصبح وزيرا , يعنى الوزير لو كارت اتحرق نرقى عسكرى
و نخليه وزير جديد و اكيد بعد ضعف الجيش المقابل هايتحرك اسهل ,
أما
من بيده إدارة اللعبة فهم شخصان , يعنى اللى بيتحكم فى كل القطع على رقعة
الشطرنج شخصين يحركون كل القطع , لو شخص اذكى من التانى هايتوقع حركته
القادمة , و هايكون بيلعب بخطة معينة لينهى اللعبة و ينقذ ملكه , ممكن
الخطة دى تتغير حسب طريقة لعب الشخص اللى قدامه , ممكن يخسر قطع فى الخطة
دى لأن الشخص الآخر لعب بطريقة غير متوقعة , بس المهم انه يحمى الملك بتاعه
, المهم يبقى عنده خطط بديلة , لأن الشخص اللى قدامه ممكن يكون بيقرأ
افكاره برضه و بيعمل خطط مضادة , ممكن يرمى فيل يضحى بيه علشان يقتل الوزير
بتاع الشخص التانى او يخرجه برة الرقعة , ممكن يلفت نظرك لأنك تاكل عسكرى
يرميه طعم علشان يقولك كش ملك , مش مشكلة لو ضحى بكارت من كروت اللعبة زى
الطابية او الحصان , علشان يبعدك عن الملك , مش مشكلة لو دخل الحصان فى وسط
جيشك يتحرك و يقتل و يسحل فى جيشك لحد ما يموت طبعا الحصان اللى هو رجال
السياسة المساعدين للنظام , يدخل فى وسط جيشك يخلخل دفاعاتك و يخترقك و مش
لازم يموتك بايده بس يدفعك لطريق تموت فيه ,
ما يهموش فى حاجة المهم انك تكون بعيد عن الملك مهما ضحى حتى لو بكل القطع ,
فى لعبة الشطرنج العساكر هم خط الدفاع الأول , تحركاتهم محدودة , بس خلى
بالك تانى ممكن العسكرى يبقى وزير مسئول عن حماية الملك , يعنى العسكرى لو
اثبت جدارته و وصل لآخر الرقعة من حقه يبقى وزير طالما الوزير كارت اتحرق
او خرج من اللعبة , و ساعتها بعد ما كانت تحركاته محدودة , هايتحرك زى ما
هو عايز , بس بأمر اللى بيحركه من خارج الرقعة .
كانت الخطة هي الإطاحة بالثورة و الثورة هيا الملك و نظام مبارك الملك التانى على الرقعة ,
فتم قتل بعض الجنود أي بعض الثوار و حبس بعضهم و نفى و تشويه بعضهم ، و
لازال السعي للإطاحة بالباقي ، ومن ثم تتدخل القلاع الحصينة للثورة المضادة
بفتات المطالب لتقوم باحتضان هذا الشعب و مساعدته بايهامه بأنه يأخذ حقوقه
من جنود انتقلت إلى رحمة الله ، أو من البديل الذي تم اختياره كجندي يسد
ثغرة لحين ميسرة ، و طلبت من الفيلة أن تجلس ساكنة لركود الاقتصاد ، و
بعثوا بالفرسان لينطقوا بما يثير الشعب و يجعلوه قابع في القلاع لا يخرج
منها أبدا ، و تناسى الفرسان أن هذه القلاع مجرد مبان لتغييب وعى الشعب و
تناسوا أنهم جزء من هذا الشعب، و لا زال النظام يحرك الجميع و يمضي في رسم
الخطط و تغييرها لأنه يعلم أنه عند نهاية أي خطة يجب ان تكون هناك خطة
بديلة ,
من الآخر كله يسعى لحماية ملكه مهما كانت التضحيات , النظام
يسعى لحماية نفسه و الثورة تسعى لحماية نفسها و كل يسعى للقضاء على الجيش
الآخر نهائيا ليفوز .
دلوقتى فيه سؤالين
الأول : بما أن فكرة اللعبة تغيرت ، كيف يمكن لنا أن نلعب معهم ونحول أنفسنا على الرقعة من من الدفاع الى الهجوم ؟
لأن فى مبادئ الشطرنج خير وسيلة للدفاع هى الهجوم ,
لحد دلوقتى هما فارضين علينا طريقة اللعب , بس ممكن نفرض اسلوبنا عليهم
بسهولة , لو اتحركنا صح و قدرنا نقرأ دماغهم و تفكيرهم فيها ايه .
و
الثاني هل سيكون هناك ثورة قريبا تقضي على ما تبقى من النظام و نلم شتات
القطع من الرقعة لتنظيم الصفوف و عمل هجوم شامل على الجيش المضاد ؟ أم
نكتفي بما حدث لنا و نستسلم ؟
روبا بيكيا
خد سيف
خد سيف
خد كمان سيف
و كمان سيف
طلع الارهابيين من السجون
و سلمها للاخوان
و اقلبها مراجيح
و جوع الشعب
و اعمل بقى تفويض
و انزل بالسيسى
kanoun saksonia
قضاءنا طاهر
قضاءنا طاهر و هايفضل طول عمره طاهر
و يا ام المتطاهر حبسوا الشرفاء 3 سنوات
و مقامه الطاهر و الحرامية خدوا براءاااااااااااااااااااااا
يا قضاء يا طاهر
حبسه تفوت و لا حد يموت
يا ام المتطاهر
طلع اللى بيحكم كتكوت
يا ام المتطاهر حبسوا الشرفاء 3 سنوات
و مقامه الطاهر و الحرامية خدوا براءااااااااااااااات
kanoun saksonia
التكفير و الهجرة
اولا دى معلومة عن جماعة التكفير و الهجرة , و عامة الجماعة دى قد انشقت منها معظم الجماعات اللى بتسمى نفسها اسلامية و هيا جماعات ارهابية فى العالم دلوقتى , و المعروف ان معظم الجماعات الاسلامية فى العالم تم انشقاقها عن جماعة الاخوان , نبدأ بمجموعة معلومات عن رموز جماعة التكفير و الهجرة الارهابية ,
أبرز الشخصيات التى ساعدت على انتشار و تكوين هذه الجماعة :
الشيخ علي إسماعيل: كان إمام هذه الفئة من الشباب داخل المعتقل وهو أحد خريجي الأزهر وشقيق الشيخ عبد الفتاح إسماعيل أحد الستة الذين تم إعدامهم مع سيد قطب وقد صاغ الشيخ علي مبادئ العزلة والتكفير لدى الجماعة ضمن أطر شرعية حتى تبدو وكأنها أمور شرعية لها أدلتها من الكتاب والسنة ومن حياة الرسول صلى الله عليه وسلم في الفترتين: المكية والمدنية متأثراً في ذلك بأفكار الخوارج إلا أنه رجع إلى رشده وأعلن براءته من تلك الأفكار التي كان ينادي بها.
ماهر عبد العزيز زناتي (أبو عبد الله) ابن شقيقة شكري مصطفى ونائبه في قيادة الجماعة بمصر وكان يشغل منصب المسؤول الإعلامي للجماعة أعدم مع شكري في قضية محمد حسين الذهبي رقم 6 لسنة 1977م. وله كتاب الهجرة.
شكري أحمد مصطفى (أبو سعد) أحد الذين اعتقلوا عام 1965م وكان عمره وقتئذ ثلاثة وعشرين عاماً. تولى قيادة الجماعة داخل السجن بعد أن تبرأ من أفكارها الشيخ علي عبده إسماعيل. في عام 1971م أفرج عنه بعد أن حصل على بكالوريوس الزراعة ومن ثم بدأ التحرك في مجال تكوين الهيكل التنظيمي لجماعته. ولذلك تمت مبايعته أميراً للمؤمنين وقائداً لجماعة المسلمين فعين أمراء للمحافظات والمناطق واستأجر العديد من الشقق كمقار سرية للجماعة بالقاهرة والإسكندرية والجيزة وبعض محافظات الوجه القبلي. في سبتمبر 1973م أمر بخروج أعضاء الجماعة إلى المناطق الجبلية واللجوء إلى المغارات الواقعة بدائرة أبي قرقاص بمحافظة المنيا بعد أن تصرفوا بالبيع في ممتلكاتهم وزودوا أنفسهم بالمؤن اللازمة والسلاح الأبيض تطبيقاً لمفاهيمهم الفكرية حول الهجرة. في 26 أكتوبر 1973م اشتبه في أمرهم رجال الأمن المصري فتم إلقاء القبض عليهم وتقديمهم للمحاكمة في قضية رقم 618 لسنة 73 أمن دولة عليا.
وفي 21 أبريل 1974م عقب حرب أكتوبر 1973م صدر قرار جمهوري بالعفو عن مصطفى شكري وجماعته إلا أنه عاود ممارسة نشاطه مرة أخرى ولكن هذه المرة بصورة مكثفة أكثر من ذي قبل حيث عمل على توسيع قاعدة الجماعة وإعادة تنظيم صفوفها وقد تمكن من ضم أعضاء جدد للجماعة من شتى محافظات مصر كما قام بتسفير مجموعات أخرى إلى خارج البلاد بغرض التمويل مما مكن لانتشار أفكارهم في أكثر من دولة. هيأ شكري مصطفى لأتباعه بيئة متكاملة من النشاط وشغلهم بالدعوة والعمل والصلوات والدراسة وبذلك عزلهم عن المجتمع إذ أصبح العضو يعتمد على الجماعة في كل احتياجاته ومن ينحرف من الأعضاء يتعرض لعقاب بدني وإذا ترك العضو الجماعة اعتبِر كافراً حيث اعتبر المجتمع خارج الجماعة كله كافراً ومن ثم يتم تعقبه وتصفيته جسدياً.
رغم أن شكري مصطفى كان مستبداً في قراراته إلا أن أتباعه كانوا يطيعونه طاعة عمياء بمقتضى عقد البيعة الذي أخذ عليهم في بداية انتسابهم للجماعة. جوبهت هذه الجماعة بقوة من قبل السلطات المصرية وبخاصة بعد مقتل الشيخ محمد حسين الذهبي وزير الأوقاف المصري السابق وبعد مواجهات شديدة بين أعضاء الجماعة والسلطات المصرية تم القبض على المئات من أفراد الجماعة وتقديمهم للمحاكمة في القضية رقم 6 لسنة 1977م التي حكمت بإعدام خمسة من قادات الجماعة على رأسهم شكري مصطفى وماهر عبد العزيز بكري وأحكام بالسجن متفاوتة على باقي أفراد الجماعة. في 30 مارس 1978م صبيحة زيارة السادات للقدس تم تنفيذ حكم الإعدام في شكري مصطفى وإخوانه.
بعد الضربات القاسية التي تلقتها الجماعة اتخذت طابع السرية في العمل الأمر الذي حافظت به الجماعة على وجودها حتى الآن ولكنه وجود غير مؤثر ولا ملحوظ لشدة مواجهة تيار الصحوة الإسلامية من أصحاب العقيدة والمنهج السلفي لهم بالحوار والمناظرات سواء كان داخل السجون والمعتقلات أم خارجها مما دفع الكثير منهم إلى العودة إلى رشده والتبرؤ من الجماعة.
دلوقتى نحاول تفسير ما يحدث فى مصر , او السيناريو اللى بيحصل حاليا ,
الاخوان الأخ الأكبر لكل الجماعات المتأسلمة ,
عندما وصل الاخوان اللى الحكم فى مصر بما طبعا لمصر من مكانة دولية و استراتيجية بالنسبة للعالم كله , سواء دة كان صفقة او لأ , مش موضوعنا , رغم انى وجهة نظرى ان قادة جماعة الأخوان عملوا الصفقة مع العسكر و كانوا مجرد اداة لتقسيم الشعب , بس برضه مش موضوعنا ,
كل الجماعات الجهادية زى انصار بيت المقدس و التكفير و الهجرة و القاعدة و السلفية الجهادية و غيره كتير اوى لقت بعيدا عن انهم يعرفوا بالصفقة او لأ , فرصة لدخول دولة زى مصر , و طبعا مع الثفقة بين نظام مبارك و الأخوان اللى كان من نتائجها خروج معظم الارهابيين من السجون مع الثورة فى فتح السجون او بالأعفاء الرئاسى بعدها , بدأت هذه الجماعات فى تأمين نفسها فى مصر و بقت مصر تعتبر بالتعبير الأمريكى او المخابرات الأمريكية تحديدا , زى عش النمل , جمعوا فيها كل الأرهابيين و الجماعات الأرهابية ,
طبعا رغم انى متأكد ان دة شغل جماعات ارهابية منشقة من الاخوان و ليس الأخوان نفسهم , قادة جماعة الأخوان عملوا الصفقة , و بعدها ما عملوش حساب الجماعات دى ,
ان الأخواة الصغار للأخوان مغيبين بفكرة انهم ما عندهمش استعداد ان الاخوان يسيبوا الحكم و انهم يرجعوا تانى مشتتين فى العالم و انهم يسيبوا مصر ,
طبعا الجماعات دى لأنها ما تعرفش حاجة عن الصفقة , فأحنا شايفين كل اللى بيحصل منهم من ارهاب و تفجيرات فى كل مكان ,
و تانى يا سيسى لو مش قادر تحمى البلد اطلع قول و اطلب مساعدة الشعب و هايساعدك , لو انت عارف بكل دة و ساكت تبقى خاين و تستاهل الاعدام ,
الشعب مالوش ذنب و اللى حضر العفريت يصرفه ,
خلص الكلام
روبا بيكيا
حاجة بشعة
بجد بقينا حاجة بشعة ،
كله بيكره كله ،
و كله بيخون كله ،
و كله فاكر إن هو إللي صح ،
و كله فاكر إن كل مخالف ليه غلط ،
و كله بيشمت في الدم ،
و كله بيفرح في الموت ،
و كله بيسعد أما كله التاني يتحبس ،
كله بقي يتمني لكله كوارث ،
و كله بيدعي علي كله ،
و كله فاكر إن معاه الحق ،
و علشان كدة لازم كله يتعالج نفسيا لأننا بقينا فعلا كله شعب سايكو ،
ربنا يحرق كله علي كله ، و يرزق كله بزلزال ياخد آجل كله ,
و ياخد كله بقى و يريح كله من كله ,
يقطع كله على كله على كله , دى بقت مستشفى مجانين
روبا بيكيا
عايزين الشعب ازاى ؟
عارفين إحنا حالنا إيه بعد 30 / 6
هما عايزين الشعب يقتنع بكدة ، بالصورة دي ،
الشعب إتقسم :
جزء قال صح بيحصل ليه لأ
جزء تاني قال أبجني تجدني و أنا أقول إن دة صح و أطبلك و أقنع الناس
جزء تالت مش في دماغه غير إنه ياكل البقرة علي الغدا و يعمل البيض اومليت علي العشا رغم إنهم مش موجودين أصلا
جزء رابع لسه بيجادل دي بقرة و لا عجل
جزء خامس مش فاهم إزاي دة بيحصل و بيقول يمكن صح
جزء سادس مش فارق معاه ، طالما اللارجات موجودة و العيشة اليسطا
جزء سابع عايز يقتل البقرة و يكسر البيض و فيها لأخفيها
جزء تامن لسه بيسأل البقرة بتبيض و لا بتولد
جزء تاسع بيصرخ و يقول دة مستحيل و مش هايضحكوا عليا تاني ، دة بقي قالوا عليه طابور خامس .
يا تري إنت تبع أنهي جزء ؟
روبا بيكيا
يخرب بيت الأخوان
يخرب بيت الإخوان ليه مش مقتنعين إننا في المزنق إللي هما عايزينه بالضبط ،
الحل سهل عبو العسكر ع الإخوان و ضد الإتنين ،
بس مش مع حد ضد حد ،
وصلت ولا لسه ؟
من الآخر لا الإخوان هايسيبوا الصورة و لا العسكر عايز يخلص منهم ، و احنا تايهين و قريب أوي هايتصالحوا ، و يقسموا التورتة .
الإخوان بالضبط زي الصورة دي ، هما كدة بس النظام عايزكم تشوفوهم كدة ، فهمان و لا مو فهمان ؟
Kanoun saksonia
الف وش
فيه ناس بتصحي الصبح تعمل كدة ،
و تختار تتعامل النهاردة بأنهي وش ،
و فيه ناس عندها ألف وش ،
و فيه غيرهم من غير وش ،
و فيه إللي بيصدق أي وش ،
و فيه ناس مش فارق معاها الوش ،
و ناس بتتعامل مع أي وش ،
و غيرهم مش عارفين وش من وش ،
بس الحقيقة إن تغيير الوشوش هاييجي في يوم يخلي ما لكش وش
Kanoun saksonia
امتى يفهم ؟
اسئلة حلزونية
إمتي النظام هايفهم
إن العنف لا يولد إلا العنف ؟
إن بعد الثورة الناس بطلت تخاف ؟
إن اسلوب الداخلية هايزود الدم و العنف مش هايقضي عليه ؟
مين صاحب المصلحة في لعبة تبادل الادوار بين الاسلام السياسي و العسكر ؟
مين صاحب المصلحة في حرق كل كروت اللعبة عن طريق تكرار نفس الأزمات صورة بالكربون ؟
مين بيلعب بالكل لمصلحته ؟
مين كارت اللعبة الجاي ؟
مين المنقذ المزعوم بعد حرق كل كروت اللعبة و إللي كل المخطط دة علشانه ؟
لو عرفتم إجابة الأسئلة دي تبقوا فهمتم اللعبة .
Kanoun saksonia
الدائرة المغلقة
عايزين نفكر شوية فى الدائرة المقفولة اللى احنا فيها :
نتكلم بمنطق و عقل و نشوف الاحداث اللى بتحصل
أعتقد كل إللي أنا شايفه من وجهة نظرى انه بيحصل
و موقف السلفيين من الدستور اللى انا اتوقعته من اكتر من شهر و من انتخابات الرئاسة و مش هانقدم مرشح رئاسى مالوش غير معني واحد ان خلاص الصفقة تمت و تاني إنتظروا الرئيس التوافقي ،
بس بجد إعادة السيناريو دة مالوش غير معني واحد يتيم ،
نحسبها صح ، أيام طنطاوي تم الإعلان عن قانون تظاهر و عن رفع الدعم و إصدار إعلان دستوري أعوج ، دة غير أزمات الوقود و الغاز المفتعلة ، و كانت الإعتراضات كبيرة جدا ، و إنتهت بإقالته و ماقدرش ينفذ منهم حاجة ،
أيام مرسي نفس الكلام ، برضه قانون التظاهر و دستور ام أيمن و الكلام عن رفع الدعم و محور قناة السويس غير طبعا الأزمات التانية زي البنزين و الأنابيب ، و برضه كانت الإعتراضات كتيرة و إنتهت بعزل مرسي ،
دلوقتي في عهد السيسي برضه قانون التظاهر و دستور فلولي و محاكمات عسكرية و الكلام تاني عن رفع الدعم و محور قناة السويس مع بدء ظهور نفس الأزمات سوء وقود أو غاز ،
أنا شايف إن نفس القوانين و القرارات و حتي الأزمات بتتكرر صورة بالكربون ، و أعتقد في الثلاث مراحل فيه علاقة بين الجنزوري و محور قناة السويس و رفع الدعم لأنه عامل مشترك ، إصدار نفس القرارات و القوانين في 3 مراحل عن طريق أشخاص مختلفة مرة طنطاوي و بعده مرسي و حاليا السيسي و قياس مدي رد الفعل الثوري و الشعبي من القرارات دي ، مع الوضع في الإعتبار الصفقات المعروفة المعلنة و الخفية بين المتأسلمين و العسكر ، و خصوصا إن حزب النور بديل الحرية و العدالة موجود و موقفه الحالي من الدستور و الإنتخابات الرئاسية و البرلمانية ، إن الخطة الواضحة هيا تنفيذ كل القرارات القوانين التي تجهض الثورة و أهدافها و إنقاذ نظام مبارك من السقوط ، و إن كل واحد بيكمل طريق إللي قبله ، حتي لو ظهر قصاد الشعب إنه نحاه زي ما عمل طنطاوي مع مبارك ، أو أقاله زي ما عمل مرسي مع طنطاوي أو عزله زي ما عمل السيسي مع مرسي ، كلهم طريقهم واحد قتل و إعتقال الثوار مع تأديب الشعب بالأزمات و إصدار قوانين و عمل دستور يجهض الثورة و يحصنهم ، و طبعا رد الفعل مختلف في كل مرة ، و إللي إترفض و قلب الدنيا قبل كدة إتوافق عليه دلوقتي لأن قلم الإخوان كان جامد اوي علي الشعب ، لحد ماييجي واحد مايلاقيش أي ردود أفعال علي أي قانون يحميه و ياكل التورتة كلها ، يعني تمهيد طريق لمبارك جديد ، قارن بين قانون التظاهر مثلا و التفكير في إصداره أيام طنطاوي و أيام مرسي و أما صدر دلوقتي و ردود الأفعال في كل مرة كانت إيه ،
تخيل بقي لو الدنيا قامت علي السيسي و زي طنطاوي ما سلمها للإخوان بكل غباء السيسي سلمها للسلفيين هايحصل إيه ؟
حد عنده فكرة ؟
فهمان و لا مو فهمان !
Kanoun saksonia
الاشتراك في:
الرسائل (Atom)