مشكلة ‏مصر ‏

عارفين مشكلة مصر ايه؟

 لا هى دولة اسلامية تحكم بالعدل و المساواة بين الناس 

ولا هى دولة علمانية زى اوروبا بيتم فيها تطبيق الديموقراطية الحقيقية و تطبيق القانون على الكل كبير و صغير ، 

و لا هى اشتراكية بتوزع ثرواتها بالتساوى على شعبها ولا هى حتى دولة صهيونية تسرق من الشعوب التانية وتدى وتميز شعبها 

هى دولة معدومة الهوية وهذا اخطر واشر نظام حكم.

سجون ‏جديدة

السيسى بنالكم مجمع سجون جديد انما ايه على البحر ، 

هاتتسجن و تصيف فى نفس الوقت ، الراجل دة غريب اوى من ساعة ما مسك البلد كبارى و سجون ، يعنى تاخد الكوبرى من هنا تدخل على السجن من هنا.

السيسى ‏واوا ‏

سيسى واوا سيسى واوا سيسى واوا وا 

بياخد م الناس 

بقى حلو و نسناس 

و سيسى واوا وا 

على الرضيف هاتدفع 

فى الفون هاتدفع .

و انت راضى و انت فاضى واوا واوا وا 

سيسى بقى بيلم فلوس و انت فى الباى باى 

سيسى بقى خلبوص خلبوص و انت بتقول آى

حمار

خيبتنا الحقيقية في عصرنا اننا بلا مقياس وبلا حدود وبلا ضابط وبلا رابط .. ندخل المعركة لا نطلق فيها اي طلقة و نسميها ام المعارك .. ندوخ دوخة الارملة ثم نعلن اننا كنا على موعد مع القدر .. ترتفع الاسعار كل يوم في بلادنا لتصل لارقام فلكيه ثم نعلن اننا دخلنا عصر الرخاء .. نأكل ضربا لا يأكله حرامي في مولد و نصدر عملة عليها علامة الانتصار .. تقوم مظاهرة في مدينة صغيرة فنضربها بمدافع الميدان ثم نتهم المشاركين فيها بالخيانة .. و نؤكد ان كل فرد في المظاهرة حصل على عدة ملايين من الدولارات مع ان اغلب المشتركين في المظاهرة بيناموا منغير عشا .. و اي معارض لنا نتهمه بالخيانه و كل من يخالفنا جاسوس و كل من ليس معنا فـ هو ضدنا .. و ليس في الدنيا اصوب من احكامنا ولا احكم من قرارتنا ولا اشرف من عروبتنا.

فلان ‏الفلانى ‏

سمعت النهاردة اغنية فلان الفلانى 

بجد عينيا دمعت 

ناس ما اعرفهاش ماتت 

و ناس اعرفها على الفضائيات 

الثورة كانت سذج فى صراع مع خبراء ، كنا فعلا سذج ، مش هاقول كله ، اللى طلعوا على الفضائيات لعبوها صح و استغلوا اللعبة كويس ، بس فيه ناس فعلا ضحت بنفسها ، المهم اللى ماتوا دول ماتوا ليه ، علشان نبقى كدة ، النظام فهم اللعبة و فهم خطورة مواقع التواصل ، و بعدين هانسكت ، خلصت خلاص 

بلد ‏سيسى ‏لاند ‏

الحكومة مقضياها لم فلوس 

تجديد البطاقة 

ماشى فى الشارع 

عندك عربية و هاتركنها قدام بيتك 

لم فلوس و خلاص 

لو هاتستنى فى محطة القطر هاتدفع رسوم انتظار 

لو قاعد فى بيتك هاتدفع رسوم انتحار 

لو انت عادى و مش من الحيتان هاتدفع رسوم انك انت مقشف و انك يا بيبى مش تبع الكيان 

حبيبى انت مقطف و مالكش فيه 

و برضه هاتفضل مغفل جعان