ما ‏عندناش ‏كورونا

و هى عندنا جوة ، ارقام ارقام و على فكرة الرهان على وعى المواطن المصرى يودى فى 60 داهية.

ومازال و ما بات و ما انفك حتى هذه اللحظة تجمعات غير طبيعيه جواز وخطوبة وقبل منها عزوماتو ركز ع العزومات و بنت خالتى تاكل وشى لو ما عملتش عزومة زيها،  ولبس عيد وكحك العيد و ركز ع الكحك وفرش العروسه وحفلة واحد رجع بالسلامه م المستشفى وطلع ماعندوش كورونا والدنيا زحمة فى عزا ام جلمبو  وغيره 

والمترو ، مترو الانفاق،  سبب كل مصيبه دا على طول الناس وشها لازق فى بعض تقولش كيوبيد راكب معاهم وليهم حق بصراحة ، عريس فى زمن الكورونا أحسن من مفيش.

كورونا

كنت بطلت اكتب بس اللى بيحصل دة مهزلة ، بلد ما شاء الله ذبادى فى الخلاط ، فيروس بمواعيد ، من بالليل للصبح، الأهم ان العالم كله فى اتجاه و احنا فى اتجاه تانى ، الشكرمون طاخ فى الترالوللى ، و عد يا عداد ، من الف اصابة ل 20 الف اصابة و كله علشان الاقتصاد ، هههههههههه قال يعنى عندنا اقتصاد .